Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
Ngeyo wuvanga binama biama bi khati nitu ;
ngeyo wuthunga va kimosi mu vumu ki ngudi ama.
Ndikuzitisa bila ndidi vangu ki tsisi ayi kitsiminanga ;
mavanga maku madi matsiminanga ayi nzebi buawu bumboti.
Khubukulu ama yi mimvesi yisia suama va ntualꞌaku ko
mu thangu ndikubuku mu buangu kisuama ;
mu thangu ndivangu va kimosi ku tsina ntoto.
Meso maku mamona nitu ama yikambu kubuku.
Bilumbu bioso biobi wukhubikila biba bisonama mu bukuꞌaku,
tuamina lumbu kimosi mu biawu kiba.
A phila thalu mayindu maku kuidi minu, a Nzambi !
A phila woka madi !
Kiaki kiawu lumbu kivanga Yave,
bika tumona khini ayi tuyangalala mu lumbu beni.
Wutulongisa tanga bilumbu bieto mu bufuana
muingi tubaka ntima wu duenga.
Tona ndibutuka, mu ngeyo ndieti singimina ;
ngeyo wuthotula tona mu vumu ki ngudi ama ;
Ngeyo ndiela zitisanga mu zithangu zioso.
Kima kimosi ndilomba kuidi Yave,
kiawu ndintomba :
Thidi vuanda mu bilumbu bioso bi luzingu luama mu nzo Yave,
mu diambu nditalanga kitoko ki Yave
ayi mu diambu ndintombannga mu nzo andi.
Vayi, ngeyo wuthotula mu vumu ;
wuvanga ti nditula diana diama mu ngeyo
banga va thulu yi ngudi ama.
Tona ndibutuka ndiyekulu kuidi ngeyo tona mu vumu ki ngudi ama.
Tona mu vumu ki ngudi ama,
ngeyo wuba Nzambi ama.
Bika lumonanga khini mu zithangu zioso mu Pfumu. Ndieka buela vutukila, bika lumonanga khini.
Muana wuyunduka ayi wukinda. Diela diwombo diba yandi ayi nlemvo wu Nzambi wuba mu niandi.