Aniversário de criança
O aniversário de uma criança é momento de celebrar o presente precioso que Deus deu. Cada criança é formada e conhecida por Deus desde antes de nascer.
کیونکہ آپ نے میرے وُجُود کو پیدا کیا؛
اَور آپ نے مُجھے میری ماں کے رحم میں صورت بخشی ہے۔
مَیں آپ کا شُکر کرتا ہُوں کہ میں اِس قدر عجِیب طور سے بنایا گیا ہُوں؛
آپ کے کام حیرت اَنگیز ہیں،
اَور مَیں یہ اَچھّی طرح سے جانتا ہُوں۔
اُس وقت میرا قالب آپ سے چھُپا نہ تھا۔
جَب مَیں پوشیدگی میں بنایا جا رہاتھا،
جَب مَیں زمین کی گہرائیوں میں مُرتّب کیا جا رہاتھا،
آپ کی آنکھوں نے میرے غَیر مُرتّب اجزا کو دیکھا تھا؛
میرے مُقرّرہ ایّام کا کُل حِساب آپ کی کِتاب میں درج کر دیا گیا تھا،
حالانکہ اُن میں سے ایک کا بھی وُجُود نہیں تھا۔
اَے خُدا، آپ کے خیالات میرے لیٔے کس قدر بیش قیمتی ہیں!
اُن کا مجموعہ کتنا بڑا ہے!
یہ وُہی دِن ہے جسے یَاہوِہ نے مُقرّر کیا؛
آؤ ہم اُس میں شادمان ہوں اَور خُوشی منائیں۔
ہمیں صحیح طور سے اَپنی زندگی کے دِن گننا سکھائیں،
تاکہ ہمارے دِل کو دانائی حاصل ہو۔
پیدائش ہی سے مَیں آپ پر اِعتماد کرتا آیا ہُوں؛
آپ نے مُجھے میری ماں کے رحم سے بحِفاظت پیدا کیا۔
میں ہمیشہ آپ کی سِتائش کرتا رہُوں گا۔
مَیں نے یَاہوِہ سے ایک درخواست کی ہے،
میں یہ چاہتا ہُوں:
عمر بھر میں یَاہوِہ کے گھر میں رہُوں،
یَاہوِہ کا جمال دیکھتا رہُوں
اَور اُنہیں اُس کے مَقدِس میں ڈھونڈتا رہُوں۔
پھر بھی آپ نے مُجھے رحم میں سے نکالا؛
اَور میری شیر خواری کے دِنوں ہی سے
آپ نے مُجھے سِکھایا کہ مَیں آپ پر توکّل کروں۔
پیدائش ہی سے مُجھے آپ پر چھوڑ دیا گیا؛
میری ماں کے بطن ہی سے آپ میرے خُدا ہیں۔
مَیں نے اِس بچّہ کے لیٔے دعا کی اَور یَاہوِہ نے میری مُراد جو مَیں نے اُس سے مانگی تھی پُوری کر دی۔
میں بھی کبھی اَپنے باپ کے گھر میں بیٹا تھا،
اَور ابھی نازک اندام اَور اَپنی ماں کا لاڈلا تھا،
تَب باپ نے مُجھے تعلیم دی اَور کہا:
"اَپنے سارے دِل سے میری باتوں کو اَپنالو؛
اَور میرے اَحکام بجا لاؤ اَور زندہ رہو۔
آخِری ہدایت
خُداوؔند میں ہر وقت خُوش رہو، میں پھر کہتا ہُوں: خُوش رہو!
اَور وہ بچّہ بڑھتا اَور قُوّت پاتا گیا اَور حِکمت سے معموُر؛ ہوتا گیا اَور خُدا کا فضل اُس پر تھا۔