Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Di hagaamu nia humalia o Dimaadua
Danggee ang gi Dimaadua, i Mee dela e humalia,
dono aloho e waalooloo gaa hana hua beelaa!
Dangi nei la go di laangi o Dimaadua ne aali ai.
Gidaadou la gi tenetene mo di budu momoogo tenetene!
Di hagaamu di humalia o Dimaadua
Au ga danggee gi Dimaadua i nia madagoaa huogodoo.
Au hagalee dugu dogu hagahagaamu a Mee.
Dimaadua e hagaloohi gei e abaaba au.
Au e hagadagadagagee gi Mee.
Mee e hagamaamaa au gei e hai au gi tenetene.
Au e hagaamu a Mee gi nia daahili haga tenetene.
Gei di tene dela ne gaamai Kooe gi di au,
la koia e damanaiee laa hongo nia tenetene o digau
ala e tene gi nadau ‘wheat’ mo nadau waini.
Goe ga hagi mai di ala dela e hana gi di mouli.
Doo noho i dogu baahi le e haga honu au gi di tenetene,
ge e hai au gi tenetene gaa hana hua beelaa.
Di mee hua e dahi dela e dangi iei au gi Dimaadua,
di mee hua e dahi dela e hiihai ginai au:
bolo au gii noho i lodo di hale o Dimaadua i di waalooloo o dogu mouli,
gii mmada au gi nia madamada o Maa,
ge e dangi gi Mee gi aago ina mai au dagu hai dela belee hai.
Aago ina mai gi gimaadou be dehee di bodobodo o madau mouli,
gei gimaadou ga kabemee.
Di hui o digau ala e hangaahai donu la go di mouli waalooloo. Di libogo hinaa la go di goobai aamua.
Gidaadou e hagaamu di maaloo o nia dama daane mo nia dama ahina, e hagalaamua nia hinaa o digau mmaadua.
Gei digau ala e hagadonu Dimaadua i nadau hagamaamaa, ga gidee ginaadou di hagamaaloo aga hoou. Digaula ga maangi gi nua i hongo nadau bakau be nia manu ‘eagle’. Digaula gaa llele hagalee maanu, digaula ga haele hagalee paagege.
Mmada, tugi mai gi dangi nei nia ngadau gu madahaa maa lima i muli Dimaadua ne helekai beenei gi Moses. Di madagoaa deelaa, gei digau Israel nogo hula laa lodo di anggowaa. Dimaadua gu benebene au, gii hai be dana hagababa gaa dae mai loo gi dangi nei. Mmada mai gi di au: Au gu huowalu maa lima ogu ngadau! Gei au e maaloo hua igolo dangi nei be au i dogu madagoaa ne hagau go Moses. Au e maaloo hua igolo di hana i nia dauwa mo nia mee ala i golo.
Dimaadua la gi haga maluagina goodou
mo di madamada humalia i goodou.
Dimaadua la gi haga maalama ina goodou
gi ono hadumada, mo di hila adu gi goodou.
Dimaadua la gi haga modongoohia aga
dono manawa dumaalia adu gi goodou,
mo di gowadu gi goodou
di noho i di aumaalia."
Dogu ihoo hagaaloho nei, au e dalodalo gii gila goe i nia hagadilinga mee huogodoo, ge gi maaloo labelaa goe, gadoo be do maaloo i baahi di hagataalunga.