Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
ZABULI YA 107
Mshukuluni Mndewa Imulungu kwavija kanoga,
unogelo wake hawishaga okala milele.
Ino ayo siku yaitendile Mndewa Imulungu,
tudeng’helele na kusekelela.
ZABULI YA 34
Go Mndewa Imulungu, nokutogola siku zose,
nhogolwa zako zokala mmulomo wangu siku zose.
Mndewa Imulungu ayo nguvu zangu na ngao yangu,
niye nomtamanila heyo.
Heyo kanitaza na niye nodeng’helela kwa moyo wangu,
kwa lwila lwangu nomshukulu.
Gweye kuumemeza moyo wangu deng’ho kulu kubanza indiya na divai nyingi iwasengile.
Konilagusila nzila ya ugima,
kuulongozi wako kuna deng’ho,
na mumkono wako wa ukudila kuna ganogile gakalaga milele.
Mbuli imoja nimpula Mndewa Imulungu,
na mbuli ayo noilonda ng’hani,
nikale mng’anda ya Mndewa Imulungu,
siku zose za ugima wangu,
nilole ukunoga kwa Mndewa Imulungu,
na nizahile ulongozi wake mng’anda yake.
Tufunze kuzipeta siku zetu vinogile,
ili tupate ubala.
Kulawa uhenga taji da ukulu,
okoneka mwiinzila ya haki.
Ukulu wa wabwanga azo nguvu zao,
ukulu wa wavele uhenga uli mmapala.
Lola, sambi Mndewa Imulungu kanika mgima kamba viyalongile miyaka malongo mane na tano tangu kipindi acho Mndewa Imulungu viyamulongele Musa mbuli ino, Waizilaeli viwakalile obita kuluwala. Sambi nina miyaka malongo nane na tano. Sambi ning’hali na nguvu kamba vinikalile siku ayo Musa viyanitumile. Kamba ving’halile na nguvu kipindi acho na sambi ning’hali nazo, nodaha kuchola kuing’hondo, na kusang’hana sang’hano yoyose iyagwe.
Mndewa Imulungu yawatendele ganogile na yawakalize.
Mndewa Imulungu yawamwemwesele mulenge wa kihanga chake na yawonele bazi.
Mndewa Imulungu yawenulile kihanga chake na yawagwee tindiwalo.’ "
Mbwigangu, nompula Imulungu yakutende umwede na yakutendele ganogile mulukuli lwako, kamba vija vinjuwa loho yako viigendelela vinogile.