Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Mumtunye Imulungu iyanoghile
Mlongeleni IMNDEWA mighede, kwaapfila yeye kanogha,
na uluso wake mkulu wokala matsuwa ghose ing’aghohupa.
Tsuwa lyino lyilo lyayatendile IMNDEWA,
apfo tudeng’elele na tutsekelele.
Ukumtunya Imulungu
Matsuwa ghose nene nitseghodela IMNDEWA,
imilomo yangu itsoghendelela ukumtunya yeye.
IMNDEWA yuyo iyali tsingupfu tsangu, na ingao yangu,
ghumoyo ghwangu ghwehuwila yeye,
na nene nyapfilighwa,
ghumoyo ghwangu ghudeng’elela,
na nene nitsomwimbila wila wa mighede.
Kughutenda ghumoyo ghwangu ghudeng’elele,
kubita pfawodeng’elela wawo ahala ingano yawo na idipfai yawo haikongetseka.
Ila kutsonilangulitsa nitsimanye tsinzila itsilongotsa kuna ugima,
na kutsonimemetsa indeng’elo kwa ukuwa kwako habehi na nene,
mana kuna ubali wako wa kujilo kumema ighanoghile ing’aghomala baye.
Chinu chimwe nimlomba IMNDEWA,
nacho chicho chanitsobama,
nene nikale mna ing’anda ya IMNDEWA matsuwa ghose gha ugima wangu,
nilolese ukunogha kwa IMNDEWA,
na ukumbama yeye mna ing’anda ya Imulungu.
Utufunde ukughapeta ghoya ghamatsuwa ghetu,
ili tudahe kuwa na ghumoyo ghuna ihekima.
Litwi lina uhenga ka taji ilimelemetseka, ka imunu kokala kwa ukutenda ighanoghile.
Iwasongolo weghodela tsingupfu tsawo, na iwanzehe wanogha kwa uhenga uli mwitwi mwawo.
Lekeni lelo ulole, sambi miyaka alubaini na tano kulawa IMNDEWA hayalongile na Musa, mna ghamatsuwa aghala Waisiraeli hawang’ali wopfosa mnyika. Kulawa matsuwa agho IMNDEWA kanyika mghima na sambi nina miyaka samanini na tano. Leloli aino ning’ali nina ngupfu ka ghamatsuwa aghala Musa hayanitumile. Na hata sambi nina ngupfu ya kughenda kwitowa na kusang’ana ng’onde yoyose aila.
IMNDEWA yawamotetse na kuwalolesa,
IMNDEWA yawalole kwa uluso na yawatendele ighanoghile,
IMNDEWA yawalanguse wende wake na yawatende mkale tseghamba.
Sale yangu, nokulombela pfinu pfako pfighende ghoya na uwe mghima, ka muhe wako pfaughendelela ghoya.