Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Pasalamati ang Ginoo, kay maayo siya;
ang iyang gugma walay kataposan.
Mao kini ang adlaw diin gipadaog kita sa Ginoo,: sa literal, nga gibuhat sa Ginoo.
busa maglipay ug magsadya kita.
Dayegon ko sa kanunay ang Ginoo;
dili ako mohunong sa pagdayeg kaniya.
Ikaw ang naghatag kanako ug kusog
ug nagpanalipod kanako.
Nagsalig ako kanimo ug gitabangan mo ako.
Busa nalipay gayod ako ug nag-awit
ug pagpasalamat kanimo.
Apan ang kalipay nga imong gihatag kanako,
mas labaw pa kaysa kalipay sa mga tawo
nga abundansya sa kalan-on ug ilimnon.
Ginatudloan mo ako kon unsaon pag-angkon ang maayong kinabuhi.
Uban kanimo hingpit ang akong kalipay hangtod sa kahangtoran.
Usa ra ka butang ang akong gipangayo sa Ginoo
ug mao gayod kini ang akong gihandom pag-ayo:
nga makapuyo ako sa iyang balay sa tibuok kong kinabuhi,
ug didto makapamalandong ako sa iyang kaayo
ug makapangayo sa iyang paggiya.
Pasabta kami nga mubo lang ang among kinabuhi,
aron mahimo kaming maalamon sa among pagkinabuhi.
Ang katigulangon usa ka kadungganan
nga maangkon sa tawo
nga adunay matarong nga kinabuhi.
Garbo sa mga batan-on ang ilang kusog,
ug dungog sa mga tigulang ang ilang katigulangon.
apan ang mga nagsalig sa Ginoo
makaangkon pag-usab ug kusog.
Mahisama sila sa naglupad nga agila;
kon managan sila dili sila kapoyon;
kon manglakaw sila dili sila maluya.
"45 na ka tuig ang milabay sukad kadto isulti sa Ginoo kang Moises. Naglakaw pa niadto ang mga Israelinhon sa kamingawan. Ug karon, 85 na ka tuig ako, ug buhi pa gihapon pinaagi sa tabang sa Ginoo ug sumala sa iyang gisaad; ug ang akong kusog sama pa gihapon niadtong panahon nga gisugo ako ni Moises. Makahimo pa gihapon ako sa pagpakig-gira sama kaniadto.
" ‘Hinaut nga panalanginan kamo sa Ginoo.
Hinaut nga ipakita sa Ginoo ang iyang kaayo
ug kaluoy kaninyo.
Hinaut nga magpakamaayo kaninyo ang Ginoo
ug hatagan kamo niya ug maayo nga kahimtang.’
Hinigugma ko nga higala, hinaut nga anaa ka sa maayong panglawas ug maayong kahimtang, sama nga nasayran ko nga maayo ang imong espirituhanon nga kahimtang.