Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
Gouru erokamano ne Jehova Nyasaye, nimar ober;
herane osiko nyaka chiengʼ.
Ma en odiechiengʼ ma Jehova Nyasaye oseloso;
wamoruru kendo wail e iye.
Abiro miyo Jehova Nyasaye duongʼ kinde duto;
dhoga biro siko kapake.
Jehova Nyasaye e tekona kendo okumbana;
chunya ogeno kuome kendo en e konyruokna.
Chunya nigi mor
kendo abiro goyone erokamano gi wer.
Isepongʼo chunya gi mor maduongʼ moloyo mor ma gin-go
e kinde ma gin-gi cham kod divai mangʼeny.
Isenyisa yor ngima;
inipongʼa gi mor mogundho ka an e nyimi,
kendo gi mor mosiko e badi korachwich.
Gimoro achiel kende ema akwayo Jehova Nyasaye,
ma e gima adwaro moloyo;
ni mondo adag e od Jehova Nyasaye
ndalo duto mag ngimana,
mondo achom wangʼa kuom ber mar Jehova Nyasaye
kendo amanye e hekalu mare.
Omiyo puonjwa kwano ndalowa kare,
mondo wabed gi chuny mariek.
Lwar en osimbo mar duongʼ
to iyude gi ngʼat man-gi ngima makare.
Sunga ma yawuowi nigo e teko margi,
to lwar en duongʼ ne jodongo.
to joma oketo genogi kuom Jehova Nyasaye
tekregi nodwogi.
Gibiro huyo mana ka ongo mafuyo gi bwombe;
gibiro ringo to ok gibi bedo mool,
bende gibiro wuotho to tekregi ok norum.
"Koro mana kaka Jehova Nyasaye nosingo, osemiya ngima kuom higni piero angʼwen gabich nyaka nowach ne Musa wachni, e kinde mane jo-Israel ne pod wuotho e thim. Omiyo Jehova Nyasaye oserito ngimana, makoro an gi higni piero aboro gabich! Kata kawuono pod ategno mana ka kinde mane Musa ooracha, kendo pod an-gi ilo mar dhi oko mondo akedi mana kaka ne an ndalo cha.
" ‘Jehova Nyasaye mondo ogwedhu
kendo oritu;
Wangʼ Jehova Nyasaye mondo orieny kuomu
kendo omiu ngʼwono mogundho;
Jehova Nyasaye orangu maber
kendo omiu kwe.’
Osiepna, alamo ni mondo ibed gi ngima maber, kendo ni mondo gik moko duto odhini maber, mana kaka chunyi dhi maber.