Aniversário de idoso
O aniversário de um idoso é celebração de uma vida longa e cheia de experiências com Deus. A Bíblia honra os cabelos brancos como coroa de glória e prova da fidelidade divina.
"Mou ʻatu ʻae fakafetaʻi kia Sihova, he ʻoku angalelei ia:
koeʻuhi ʻoku tolonga ʻo taʻengata ʻa ʻene ʻaloʻofa."
Ko e ʻaho eni kuo ngaohi ʻe Sihova;
te tau fiefia pea nekeneka ai.
Te u fakafetaʻi kia Sihova ʻi he kuonga kotoa pē:
ʻe tuʻumaʻu pe ʻene fakafetaʻi ʻi hoku ngutu.
Ko hoku mālohi mo hoku fakaū ʻa Sihova;
naʻe falala kiate ia hoku loto, pea kuo tokoniʻi au:
ko ia ʻoku fiefia lahi ai hoku loto;
pea ʻi heʻeku hiva te u fakafetaʻi kiate ia.
Kuo ke ʻai ki hoku loto ʻae fiefia lahi hake ʻi he fiefia
ʻi he kuonga naʻe tupu ʻo lahi ai ʻenau uite mo e uaine.
Te ke fakahā kiate au ʻae hala ʻoe moʻui:
ʻoku fonu ʻae fiefia ʻi ho ʻao;
ʻoku ʻi ho nima toʻomataʻu ʻae ngaahi fiemālie ʻo taʻengata.
Ko e meʻa ʻe taha kuo u kole kia Sihova, ʻaia te u kumi ki ai;
koeʻuhi ke u nofomaʻu ʻi he fale ʻo Sihova ʻi he ʻaho kotoa pē ʻo ʻeku moʻui,
ke mamata ki he lelei ʻo Sihova, mo fehuʻi ʻi hono faletapu.
Ke pehē hoʻo akonakiʻi ʻakimautolu ke mau lau homau ngaahi ʻaho,
koeʻuhi ke mau fakatokangaʻi homau loto ki he poto.
Ko e ʻuluhinā ko e tatā ia ʻoe ongoongolelei,
ʻo ʻilo ia ʻi he hala ʻoe māʻoniʻoni.
Ko e toulekeleka ʻoe kau talavou ʻa honau mālohi:
pea ko e meʻa matamatalelei ʻi he kau mātuʻa ko honau ʻuluhinā.
Ka ko kinautolu ʻoku tatali kia Sihova ʻe fakafoʻou honau mālohi;
te nau puna hake ʻaki ʻae kapakau ʻo hangē ko e fanga ʻikale;
te nau lele ka e ʻikai vaivai;
pea te nau ʻeveʻeva, kā ʻe ʻikai pongia."
Pea ko eni, vakai, kuo tauhi ʻeku moʻui ʻe Sihova, ʻo hangē ko ʻene folofola, ʻi he tau ni ʻe fāngofulu ma nima, ʻio talu hono folofolaʻaki ʻe Sihova ʻae lea ni kia Mōsese, ʻi he kei feʻaluʻaki fano ʻae fānau ʻa ʻIsileli ʻi he toafa: pea ko eni, vakai, ʻoku kakato ʻa hoku taʻu ʻe valungofulu ma nima he ʻaho ni. ʻOku ou kei mālohi tatau he ʻaho ni mo ʻeku mālohi ʻi he ʻaho ko ia naʻe fekau ʻe Mōsese kiate au: ʻoku tatau pe ʻeku mālohi ko eni mo ʻeku mālohi ʻi he ʻaho ko ia, ki he tau, ke ʻalu kituʻa, pea ke hū mai.
‘Ke fakamonūʻia ko e ʻe Sihova, ʻo tauhi koe:
Ke tuku ʻe Sihova ke ulo hono fofonga kiate koe,
ʻo ne ʻaloʻofa kiate koe:
Ke hiki hake ʻe Sihova ʻa hono fofonga kiate koe,
ʻo tuku ʻae fiemālie kiate koe.’
ʻE ʻofeina, ko e fungani ʻi he meʻa ʻoku ou kolea, ke ke monūʻia, mo moʻui mālōlō, ʻo hangē pe ko e monūʻia ʻo ho laumālie.