Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Shin I hewaa k’oppishin, Godaa kiitanchchay akumuwaan aanana gakettiide, «Daawite na’aa Yooseefoo, Mayraama Geeshsha Ayyaanan shahaareedda diraw izo akkanaw yayyoppa.
Kiitanchchay mac’c’awantta hawaadan yaageedda; «Yayyoppite; ayaw gooppe, mask’k’aliyaa bolla misimaariyan d’ishiide kak’k’eedda Yesuusa hinttenttu koyyiyaawaa taani eray. I hawaan baawa; ayaw gooppe, I bare geeddawaadankka hayk’uwaappe denddi diggeedda; haa yiide, I moogetti gisosaa be’ite.
Ta Aabbu daro sha"a kiitanchchatuwaa itti kutsaan yeddiide, taana maaddana mala, taani Aa woossanaw danddayiyaawaa erikkii?
Kiitanchchay izo, «Hanne Mayraamee, S’oossaa matan sabaa demmaadda yayyoppa. Neeni shahaaraade, attuma na’aa yelanaassa; Aa suntsaakka Yesuusa gaanaassa.
Kiitanchchay unttuntta, «Yayyoppite, asaw ubbaw haniyaa daro nashechchiyaa mishiraachchuwaa taani hinttenttoo ahaad.
S’oossaakka galatiide, hawaadan geeddino:
«Bonchchuu S’oossaw
bolla saluwaan gido.
Sa’aan I dosiyaa asaw
sarotetsay gido»
yaageeddino.
Hewaadankka nagaraa paas’iyaa itti nagaranchchaa gaasotetsaan S’oossaa kiitanchchatuwaa sintsan nashechchay hananawaa» yaageedda.
Yesuusi bollaw denddiyaa wode, unttunttu saluwaa c’addi s’eellishshin, bootsa mayuwaa mayyeedda laa"u asatuu ellekka unttunttu matan ek’k’iide, «Galiilaa asatoo, saluwaa s’eelliidde, hinttenttu ayaw ek’k’eedditee? Ha hinttenttuppe saluwaa beedda Yesuusi saluwaa biyaawaa hinttenttu be’eeddawaadankka, simmiide yaanawaa» yaageeddino.
Hinttenttu ishatuwaa siik’iyaawaa aggoppite. Imatsaa mokkiyaawaakka dogoppite. Ayaw gooppe, yaatiyaawaan itti itti Asay erennaan kiitanchchatuwaa mokkeedda.
Taani asaa k’aalaaninne kiitanchchaa k’aalaan haasayooppekka taw siik’uu d’ayooppe, ta haasayay c’oo waassiyaa dawalaa mala; woy k’olc’c’akattiyaa s’inaas’iliyaa mala.
Nu ammanuwaa s’uuray wolk’k’aama gidiyaawaa ooninne sid’anaw danddayenna.
Kiristtoosi ashuwaan k’onc’c’eedda;
I s’illuwaa gidiyaawaa Geeshsha Ayyaanay markkatteedda.
Kiitanchchatuukka Aa be’eeddino;
Ayihuda gidenna Asay aabaa odina siseedda.
Sa’aan de’iyaa Asay Aa ammaneedda;
bonchchuwaan I saluwaa beedda.
Ayaw gooppe, Goday bare huup’iyaan azazuwaana, kiitanchchatuwaa kaappuwaa kooshshaanna, S’oossaa malakataa giiretsaanna saluwaappe wod’d’ana. Kiristtoosa ammaniide hayk’k’eeddawanttu kasetiide hayk’uwaappe denddana. Hewaappe guyyiyaan, nuuni he wode pas’a de’iyaawanttu, Godaanna c’arkkuwaa giddon gakkettanaw unttunttunna ittippe shaariyaan denddana. Hewaa diraw nuuni Godaanna ittippe ubbaa wode de’ana.
S’ooniyaawe hewaaddankka bootsa mayuwaa mayyana. Taani Aa suntsaa de’uwaa mas’aafaappe k’uc’c’ikke; taani ta Aabbu sintsaaninne Aa kiitanchchatuwaa sintsan I tawaa gidiyaawaa markkattana.
Ayaw gooppe, hayk’uwaa gidina, de’uwaa, kiitanchchatuwaa gidina, mooddiyaawantta, ha"i de’iyaawantta gidina, sintsappe yaanawaa, wolk’k’aamatuwaa gidina, bolla saluwaa gidina, garssa sa’aa, ay med’etaa gidinakka, nu Godaa Kiristtoosa Yesuusan de’iyaa S’oossaa siik’uwaappe nuuna shaakkanaw danddayennawaa taani eraad.