Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
पर जब ऊ यी बात विचार करतेहे, तब ओकर सपनामे परमेश्वरके स्वर्गदूत देखा पर्लिस, और उहिहे असिक कलिस, "योसेफ, दाऊदके सन्तान, मरियमहे अपन जन्नीक रुपमे स्वीकार करक लग जिन डराऊ। काकरेकी जे ओकर पेटमे बताँ। ऊ पवित्र आत्मक शक्तिसे हुइताँ।
पर स्वर्गदूतनके उ जन्नी मनैनहे कलाँ, "तुहुरे ना डराऊ। काकरेकी मै जानल बतुँ। तुहुरे क्रूसमे टाँगल येशूहे खोजतो। ऊ यहाँ नै हुइताँ। काकरेकी ऊ अपन कहल हस जित्ती होगिल बताँ। आऊ, हुँकिन्हे धारल ठाउँ हेरो।
तुँ का सोँच्थो, का मै अपन बाबाहे नै कहे सेकम, और ऊ जुरतेहेँ स्वर्गदूतनके बाह्र पल्टनसे फेन धेउर मोरिक लग नै पठादी?
स्वर्गदूत उहिहे कलिस्, "जिन डराऊ मरियम! काकरेकी परमेश्वरके दया तोहाँरमे बा। आब हेरो तुँ पैनाहाँ हुइबो, और एकथो छावा लरका पैबो, और तुँ हुँकार नाउँ ‘येशू’ धरहो।
पर स्वर्गदूत ओइन्हे कहल, "ना डराऊ, काकरेकी हेरो मै तुहुरिन्हे महा आनन्दके खुशीक खबर सुनैम, जोन सक्कु मनैनके लग हुई।
"स्वर्गमे परमेश्वरहे महिमा और पृथ्वीमे जोन मनैनसे ऊ खुशी बताँ, ओइन्हे शान्ति होए।"
मै तुहुरिन्हे कहतुँ, अस्तेहेँके अपन मन बदलके पाप करे छोरुइया एकथो पापीक लग परमेश्वरके स्वर्गदूतनके आघे आनन्द हुइत।"
और हुँकार जैती रहल समयमे जब ओइने आकाश ओहोँर हेरतिहिँत, तब् एकफाले उज्जर लुग्गा घालल दुईथो स्वर्गदूत ओइन्के लग्गे ठरह्यागिलिन। और ओइने कहे लग्लाँ, "हे गालील प्रदेशके मनै, तुहुरे काकरे ठरह्याके आकाश ओहोँर हेरतो? यहे येशू, जिहिहे परमेश्वर तुहुरिन्के थेनसे स्वर्गमे लैगिल बताँ, ऊ ठिक अस्तेहेँके फेनदोस्रे अइहीँ, जसिके तुहुरे हुँकिन्हे स्वर्गमे जाइत देख्लो।"
अन्तिम अर्ती
हम्रे दादू-भैयनके और दिदी बहिन्यनके हस एकदोसर जहनहे प्रेम कर्ती रही। याद कर्ले रहो, परदेशीनहे फेन पहुननके रुपमे सत्कार करे परत। काकरेकी अस्तेहेँके केऊ-केऊ बिना पता पैले स्वर्गदूतनके सत्कार कर्ले बताँ।
प्रेम
यदि मै मनैनके और स्वर्गदूतके भाषामे बोल्लेसे फेन मै दोसुर जहनहे प्रेम नै करथुँ कलेसे मोरिक बोली बिना मतलबके होजाइत। और मै यी हल्ला मचुइया घण्टा और झ्याइँ-झ्याइँ करना झ्याली किल हुइबुँ।
और बिना शंखक हम्रे कहे सेक्थी कि उ परमेश्वरके प्रकट कर्लक शिक्षा पूरा रुपमे सच्चा बा। अर्थात
ख्रीष्ट एकथो मनैयक रुपमे यी संसारमे अइलाँ।
हुँकिन्हे पवित्र आत्मा साबित कर्लिन कि ऊ परमेश्वरके छावा हुइँत।
स्वर्गदूतनके हुँकिन्हे देख्लाँ।
मनै हुँकार बारेम हर देशमे प्रचार करलाँ।
पूरा संसारके मनै हुँकारमे विश्वास करलाँ।
और परमेश्वर हुँकिन्हे उप्पर स्वर्गमे उठालेलिन।
काकरेकी प्रभु येशू ख्रीष्ट अप्निहीँ स्वर्गमेसे उत्रिहीँ। उ समयमे येशू बरवार आवाजमे आदेश दिहीँ, और प्रधान स्वर्गदूत जोरसे बोली, और परमेश्वरके तुरही फुँकजाजाई। और पहिले ओइने जित्ती होके उठ्हीँ, जोन विश्वासीन मुसेकल बताँ।
तब् हम्रे जेने जित्ती और बँचल रबी, हम्रे फेन ओइन्के संग बद्रीमे उठाजिबी। और हमार भेँटा आकाशमे प्रभु येशूसे हुई, और उ समयसे सदादिन हम्रे प्रभुक संग रबी।
जोन मनै जीत हाँसिल करहीँ, ओइन्हे फेन यनेहेन्के हस उज्जर लुग्गा घलाजिहीन। मै ओइन्के नाउँ उ किताबमेसे नै मेटैम, जेम्ने परमेश्वर उ मनैनके नाउँ लिख्ले बताँ, और ओइन्हे सदाकालके जीवन मिल्हीन। और ओइने मोरिक हुइँत कहिके मै अपन बाबक आघे और ओकर स्वर्गदूतनके आघे स्वीकार करम।
काकरेकी महिन्हे यी पक्का बा कि कुच्छु चिज फेन हम्रिहिन्हे प्रभु येशू ख्रीष्टके प्रेमसे दूर लैजाई नै सेकी। यिहिसे कुछु फरक नै परत कि हम्रे जिथी या मुथी। स्वर्गमे रहल स्वर्गदूतनके, शासकहुँक्रे और शक्तिन फेन हम्रिहिन्हे ख्रीष्टके प्रेमसे दूर कराई नै सेक्हीँ। और ओइने फेन जोन अब्बे हुइता, और भविष्यमे हुई। और ना ते उप्रक शक्ति या तरेक शक्ति, सारा सृष्टिमे रहल कौनो फेन चिज हम्रिहिन्हे हुँकार प्रेमसे अलग करे नै सेक्हीँ।
Este artigo te tocou? Faça uma oração!
+581 estão orando agora.
Junte-se à corrente de oração.