20 É yɛni ɠisiɛzu naama vai zu, eyɛsu Maliɠii ná-geezuɠeelai gila ge ɠula bɛ kɛlɛma segi zu, é ɠɛ ma: «Davide mavofodai Zozɛfe, mina lua Mali zeɠe vai ʋa ga è-anza, mazɔlɔɔ doin é koozu, Zɛnvu Ɲadegai laazɔgi ʋe.

5 Kɛlɛ geezuɠeelai ɓɔɛni anzanuiti pɔ, é ɠɛ ti ma: «À mina lua. Gè kwɛni ga Yesu ɠa wo gaiziɛzu, nii ti kpadɔni saa wului ma. 6 É la mɔ ʋɛ, é wuzeɠea, é ɠula saai ya, eɠɛʋelei é boni la. À ʋa, wo wɛlɛ, ʋɛ é ɠɛa laani ná.

53 Ɗa kaazu ga gè la ɓena zoo gè ʋa wooɠula Kɛ̀ɛ ma ɓaa? A la zoo ɠani nɔ é geezuɠeelai ma waa mɔinmɔin teʋe, ti ʋa, ti ɓɔ bà.

30 Geezuɠeelai ɠɛni ma: «Mina lua, Mali, tɔɔzei è zaala zɔlɔɔga GALA zea. 31 Wɛlɛ, ɗa ʋaazu koseɠezu, è doun zunu zɔlɔɔ. Ɗa daaseigi ʋɛɛ ga Yesu.

10 Kɛlɛ geezuɠeelai ɠɛni ti ma: «À mina lua, mazɔlɔɔ woo niinɛ ʋagɔ ɠa gè daazeelizu wo ma, nii é ʋaazu ɠɛɛzu ga nuɓusɛiti pɛ ta-ɠoozunɛ vaa:

14 «Lɛbiyai ɠa GALA bɛ geeɠɔlɔgi unga munu,

ziilɛigi ɠɛ zooi ma, nɛɛbɛ nuiti bɛ!»

10 Gè bo wo ma, ʋele nɔ ɠana, koozunɛɛi ɠa ɠɛ la GALA ná-geezuɠeelaiti gaazu, kotoba nu ɠila kpegi naa faa zu, nii é siɛ ʋelei maavalibosu.»

10 Tɛi ti-ɠaazuʋɛ ɠɛni nɔ geezuʋɛ, siɛgi zu Yesu ɠɛni liizu la, zunu felegɔ ɠulani kɛlɛma ti ʋɛ, ti maaɠiliai ga seɠe ɠolegiti, 11 ti ɠɛ keelaiti ma: «Galilé nuiti, lee vaa zu wo losu, wo ɗa wɛlɛ geezuʋɛ? Yesu nii buzeɠeai wo zaama, é lɛ geeɠɔlɔgi zu, toɠa ʋa ʋolu mɔnɔ, eɠɛʋelei wo kaai la, é ɗa lɛ geeɠɔlɔgi zu.»

1 À mina yeeɓe ɠɛɛɠɛloun nɛɛbɛi ʋa. 2 À mina ɓe wɛɛn zɛsɛbo fai ʋa eyɛsu pɛ, mazɔlɔɔ tanigaani ti yɛgɛ kɛɛzu ti geezuɠeelaiti daazuʋɛɛni, ti la suɠwɛɛ.

1 Anɛɛ ni nà ɓɔɛzu nuɓusɛiti ta geezuɠeelaiti daawooiti su, ni nɛɛbɛi la zìimaʋɛ, nà ɠɛ nɔ eɠɛ tala golai lugi, ɓaa kɔtɛgi lugi.

16 Wɛlɛ nii de pɛ de kwɛɛ, maaɠaali la ba, naa ɠa é ga: GALA gaazuluabai ma lɔɔɠuzu vai wɔɔlɔʋɛ gola.

Kilista ɠulani kɛlɛma, é ɠɛ ga nuɓusɛi,

Zɛnvu Ɲadegai dɛɛni ga telebogɛ,

geezuɠeelaiti ti kaani.

Ná-fai laazeelini zii ɠiligiti saama,

nuiti ti ɠidaaleʋeni ma eteai zu ná pɛ,

é lɛɛni geeɠɔlɔgi zu lɛbiyai zu.

16 Mazɔlɔɔ deve wooi ɠa mɛni, geezuɠeela ɠundiɠii woo ɠa mɛni, ta GALA ná-puʋugi wooi, ta Maliɠii ɓɔɠɔi ɠa yei, é zeɠe geezuʋɛ. Niiti ti ɠiliai yɛgai Kilista ʋa eyɛsu ti za, naati ta wuzeɠe mɔunpa, ti ɠula saai ya. 17 Naa ʋoluma, adɛiti da yɛ vulua naama voloi, da ɓɔ ti ʋa, ade lɛ tonaɓiingiti su, ga de Maliɠii laaɠomi fiilɛi zu, ta da yɛ niina Maliɠii ʋa ɠɔoɠɔ.

5 « ‹Zɔi a pilɛ sɔlɔɔ, naa ɠa seɠe ɠolegiti too ɠɔba ɠana, gè la daaseigi ɠaaʋaa pɛ, gè ʋa kula zɛnvu zɛʋɛi zu. Nà daaseigi wo Kɛ̀ɛ ɠaazu ta ná-geezuɠeelaiti.

38 Mazɔlɔɔ dàaʋɛ da ga faa nɔpɛ ge la zooga é ʋa de ɓeteʋe ná-nɛɛbɛi ʋa: anɛɛ saai, ɓaa zɛnvui, ɓaa geezuɠeelaiti, ɓaa kundiɠilaiti, ɓaa niizu vaiti, ɓaa fai niiti ti ʋaazu, ɓaa zobodaiti, 39 ɓaa geezu aniiti, ɓaa buu ʋele aniiti, ɓaa anɛɛ kpɛtɛanii tanɔpɛ, faa nɔpɛ ge la zooga é ʋa de ɓeteʋe GALA ná-nɛɛbɛi ʋa, kulaai kɛlɛma ga de-Maliɠii Yesu Kilista maaʋele.