20 Ba totonai sa korapa rorove vei inara i Josepa, poni sa api sa votu tana pa putagita sa kai mateana tana Bangara, ko pira saunia, <<Josepa, ao na tuna i Devita! Muke matagutu tekua ao si Mere ko mi maqotamu, ura isa sa pidoko pa iapana isa sa na Gagala Tabuna tu sa veinia.

5 Beto sa pira sauniria na mateana sira karu rereko, <<Muke matagutu! Qa gigilaiqua ara sa qu korapa nyaqoa agou si Jisu isa sa tavamate pa korosi. 6 Kepore lani sisa, ura sa tei toa mule tu sisa isa mina vei sau sa tei poja vakolea tu perangana. Mei, lame ko mu doria sa ketakoi sa kole isa perangana.

53 Ai sa vei quke gigilai tu ao sa nake tapatana taqu sa ara ba boka tepai gu na Tamaqu ko bi garunu lagereniria ira na joa tina mateana ko bai tokanisiu?

30 Ba sa paranga lao tana sa na mateana, <<Mere, muke matagutu! Ura sa qeranigo na Tamasa sao. 31 Ko doro! Kode muna bogata sao ko muna vaporea sa kai tumu marene ko muna vakukunia i Jisu ao sisa.

10 Beto sa pira sauniria sa na mateana, <<Muke matagutu! Doro! Ura ara sa qa pogoso lame vanigou kai nongoro vaivaqerana jola ko isa mina vaqera betoria doru tinoni.

14 <<Mi tavatarasae sa na Tamasa ululuna jola,

beto na bule sa mi kole pa peso

tadira sa qeraniria isa,>> qarigu.

10 Ma poja vatalenigou ara, kai muqisi podeke vei tugu isa sa ira na mateana tana Tamasa sa qai qeqera tonai sa gabala mule kai tinoni selana,>> sau si Jisu.

10 Ego ko qai korapa tugu enga doro tututia ira sa na saena isa pa noka, poni sa qai votu vasiboro turu tavitiria sa karu tinoni qai popoko keala, 11 ko pira qarigu, <<Boko minete tinoni Qalili! Ai sa vei ko qu korapa tu turu enga sae vei pa noka sagou? Isa tugu i Jisu api, isa sa tapikata tamugou ko sa tateku sae pa noka, sa mina mule lagere pa soana vei tugu qu batia sa sae pa noka sisa,>> qarigu.

1 Muke beto vairoqu lao lame sagou na tamatasi tana Karisito. 2 Muke noso vatogaria pana miu ruma sira na tinoni gotodi. Ura ira kaki qai roiti vei isa sa tonai qaike gigilai poni sa na mateana tu ba qai vakamuria pa dia ruma.

1 Vei ba parangania tu ara sa na okokoto paranga tadira na tinoni beto tadira na mateana, ba bake isongia ara sa na vairoqu, sa ara qa vei gu kai lomoto aeana sa kegala vaivaduvili babi na belo sa rengana vaivaduvili gu sara.

16 Ko kepore kai tinoni mina boka vasekea sa na poreveveina jola na gigalai golomona na pangagana na Tamasa:

Isa sa bola votu pana tini masa,

sa taule votu na tuvisina pana gagala,

sa tabata tadira na mateana.

Sa tatarae tadira na tinoni karovodi,

sa tavasosoto pa kasia gusu,

sa tateku vasae pa neqi.

16 Tonai sa mina tanongoro sa na kuku lavata, na ovovelena na bangaradi ira na mateana, na vaqorona na kuvili tana Tamasa, beto sa na Bangara mekana mina lagere vei pa noka beto ira na tinoni qai vasosotoa na Karisito ba qai tei mate tu sa mai turu mule momoe. 17 Beto poni sa gita taqe korapa toaoda ko taqe korapa suvere sa tana tasaputu sae tavitiria ira pa vavagalo eqa ko tana gosoria gita sa na Bangara. Ko doru totoso tana mekarai suvere tavitia gita sa na Bangara.

5 Isa sa turu varene pana ona rarange, sa mina tavasaenia na poko keala vevei isa beto maneke anyu palenia ara na isongona pana buka sa kolea nisongodi ira qai tekua na toa sisa. Mana ule votunia ara pana moena na Tamaqu beto tadira na mateana sa na isongona na tinoni isa.

38 Ara qa vagigila vatalea sa kepore sosoto sa kai sa mina boka pikata palenigita pana vairoqu tana Tamasa. Nake mate babi na toa, nake ira na mateana babi ira na bangara pa vavagalo eqa, nake sakasava pana totoso kopira babi na sakasava vuka risa, nake ira qai isongo gogoto neqi pana kasia gusu api, 39 nake ira pa narena na kasia gusu babi ira pa kauruna na kasia gusu, sa mai boka pikata palenigita gita pana vairoqu tana Tamasa isa sa tabata votu pana ti Jisu Karisito na oda Bangara.