20 Bahi pachikumbukilanya anelo, malaika wa Nang’olo nkumwidila muindoto nkunnyaulila kuchidoni, "Wako Yusufu n’dukuluwe Nfalume Daudi, unayope kuntwala Maliya ààve n’jalo, kwa kuva, chitumbo chake chìhalokene na dimongo dya Umumu Wanaswe.

5 Henga ayula malaika nkuvahaulila avala amahe kuchidoni, "Munayope, nangu ǹnimala kuva mùntaha Yesu avambwîje munsalaba. 6 Apano nang’e akapali, kwa kuva ànifufulwa muchi chahawile. Idananga mupalole pachinu panalajijwe.

53 Dachi, ùtenda kuva nikáhulula unnyuwa Atatangu angupelekejije matunji kumi na mbili la maelufu la malaika vakunguchunga?

30 Ayula malaika nkunyaulila kuchidoni, "Maliya unayope, kwa kuva, Nnungu ànikatapaliwa na wako. 31 Lola, ùmbekuva na chitumbo, na ùmbemmeleka mwana wa chilume, na lina lyake ùmbenchema Yesu.

10 Malaika nkuvahaulila kuchidoni, "Munayope, kwa kuva, nangu nìmpelekejijije mwenu malove lambone lambevahangalâja namene vanu vammalele.

14 "Atumbyangwe Nnungu avêle muha kulihunde,

na apano pachilambo pààve na amani kwa vanu vákatapaliwìjè navo!"

10 Uchocho na mwenu nìnnyaulilanga kuva, uvila njo chivahangalala malaika va Nnungu ing’anya ya munu yumo alekîle masambi."

10 Pavanavele nkupalambahija meho kumahunde akuno Yesu avenkuhwènà, gafula nkuhumila malaika va Nnungu vavili vavêle muchi valume, vawête dinguwo dyanahe, nkuimila pamo na vanang’o, 11 nkuchidoni, "Amanganya mmanu mma pa Galilaya, mwadachi mùniimila umulola kumahunde? Ayu Yesu atwaliwîje kwenu mwenu kuhwena kulihunde, àmbeida kavila malinga chimummwene wahwena kulihunde."

1 Bahi muhwenehe kuikalanga kwa kutamwana malinga mmanu ummamo munkulupîla Yesu. 2 Munaluvalile kuvakalibisa vayeni, kwa kuva, kwa kutenda uchocho, vanu vanji vávakalibisije malaika bila kumala.

1 Ata kunguhulula kutangola luga dya vanu na dya malaika, henga nikànavatamwe vanu, ngùvele chihi muchi kengele iûma au likungwa litâya lwasu.

16 Nanga lipamba lyohelyo kuva, alano njo makudungilo lanapihike la ukulu wa ing’ulupa yetu kuva,

Kilisto áhumidile kwa nfano wa munu,

na kumaihwa na Umumu Wanaswe kuva nang’e njo wambone pameho panga Nnungu.

Nkwonwa na malaika,

na kuyanjajwa mmilambo vyammalele.

Nkukulupilwa pachilambo chammalele,

na kutwaliwa kuhwena kulihunde unàvà muhali ya ukulu.

16 Kwa kuva, amuli ya Nnungu paimbehuma, na lidi lya malaika nkulu palimbepilikanika, na lipenga lya Nnungu palimbeuma, Nang’olo mwene àmbesulupuka kuhaloka kulihunde. Koka avala vahidîle akuno uvankulupila Kilisto, vafufuliwe hoti. 17 Anepo hwetu tuisalidîle, tumbekôjwa tuvèlè tuvumi uhiku anewo, tùmbetwaliwa pamo na vanang’o mmahunde, uchinga tukanchingamile Nang’olo kumahunde. Bahi tùmbeikala pamo na Nang’olo maduva lammalele.

5 Munu woheyo ambechilêma chilambo, àmbewajwa inguwo yanahe muchi vanang’o, na nangu nikambepukutanga lina lyake Nchitabu cha Umi, henga nìmbeliyambukila lina lyake muyo mwa Atatangu na muyo mwa malaika vake.

38 Kwa kuva, ǹnimala mwalehu kuva, nanga chinu chohecho chihulûla kutuhapulanyanga na itamwi ya Nnungu. Kuhwa wala kukambehulula kutuhapulanyanga na itamwi ya Nnungu, wala umi, wala malaika, wala vatawâla va kumahunde, wala mambo lahumîla maduvano, wala mambo lambehumîla mmaduva laîda wala dimongo dyohedyo, 39 wala lavêle muha, wala lavêle pahi, na wala nanga chiumbe chohecho chimbehulûla kutuhapulanyanga na itamwi yanga Nnungu yailangujije kwetu hwetu kupitila Yesu Kilisto Nang’olo wetu.