Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Unone o ku anekera eyo, kangeru ka Fumu ka hokokire ku kwenthzi ku turo no ku mu ambera ci: "Josefa mwana Davida, wa yapa ku shimba Madiya ci ekare munuwoe, inene eyi a na remenena po yaa tunda ku Mupepo Oukenu.
Unone kangeru ka amberire awo ambuyama ci: "Mwa yapa, inene ni na dimuka ci mwaa fota Yesu oya namba pa mbinda. Ka a dimo omu! Na pinduka kwafu eci diya a ambire. Mu keye na mu mone paya naa rara.
Ene ko dimukire ci nga naa fota ku kwathsiwa kenge nga ni romba Tata, karo kenge nga a ni tumena popano epani yoikuru yo kupiterera dikumi na idi yo tungeru?
Unone kangeru ka mu amberire ci: "Wa yapa Madiya, inene o na tambura thsihemo kwa Nyambi. Kenge wa ku thza poremu no kwereka mwana o mukwerumeana, wa ku mu te dithzina dyo Yesu.
Kangeru ka wa amberire ci: "Mwa yapa! Inene naa mi retera Muthzimbu Ouwa, ou wa ku retera thsinyanyu thsothsikuru anu wahe. Naa amba ci
"Kutethzima kwikare kwa Nyambi mu diwiru,
thsiyaro thsenthzi thsikare kwanu wahe mu kaye awa a na mu roerithsa."
Mweyo, naa mi tongwera ci Nyambi no tungeru twenthzi aa nyanyuka munu o thsivi o ku na cera."
O kwa na mu rupukera kengeyo o ku kengena mu wiru, popo akwerume aidi awa vatire evata yo ku vyakima a nemanine ku nyonga thzo. A ambire ci: "Amwe mwakwerume o ku Galilea, ine eyi mu nemanena kuno o ku mu na rupukera ku wiru? Oyu Yesu na shimbiwa ku kwenu ku twariwa mu wiru kenge a ku ka huka dyodi mu na mu mono o ku thza mu wiru." Yesu aa thzina mu wiru
Mu twarerere mu ku cishima oandu eci ana o dira dyofoci. Mwa vurama ku tambura nawa enda mu myanda thzenu, inene ko ku tambura enda, anu amweya a tamburire tungeru ko kukana ku i dimuka.
Shaanga yame ni amba madimi oahe anu nji o tungeru, ngeci ka ni di no thsishimo, naa cipitura eci ngunga ethzi thzi rungerera nji eci ngoma ethzi thzi dira.
Yoshemwa kwithsa o ku hamura okuru o diano dyo thsitawo thsetu,
Krisitu wa hokokire konu,
Mupepo wa pire ombangi o ku monithsa ci muwawa,
wa moniwire ku tungeru,
kwa hongiwire yenthzi mu matunga oahe,
kaye ka mu tawire,
wa twariwire mu wiru mu kutethzima.
Inene Fumu aye thsinda kenge a ku keya ku tunderera ku wiru ko kakumbo ko ku raerera, ko diywi dyo mukuru o tungeru, no muvumo o torombita thza Nyambi. Awa fire o kwa na tawa kwa Krisitu wodiyo a kutanga ku pinduka kwafu. Munyima thzeyo, atwe twa ku yoya mwethso thsikati, atwe twa ku thsiara pa kaye kenge twa ku humburiwa pofocino ku twariwa mu mavui ku ka ciwana na Fumu mu wiruwiru. Kenge twa ku kekara na Fumu diyere.
O ku othza eci awo kenge a ku yengiwa yoikenu, karo mbera ka ni tundithsa dithzina dyenthzi mu Vuka thzo Mwoyo, unone kenge na ku pa ombangi o dithzina dyenthzi pa meho a Tata no tungeru twenthzi.
Inene naa tawa shemwa ci kwithsa ethsi nga thsi tu tepa ku thsishimo thsa Nyambi, ikare kufa, nji mwoyo, nji tungeru, nji yoikoro, nji enu eyi i diko pano nji eyi i keya, nji okoro, nji ore, nji othzungi, nji ngara thsinu mu kaye, kwithsa ethsi thsa ku twethsa ku tu tepa ku thsishimo thsa Nyambi oku ku di mwa Krisitu Yesu Fumu wetu.