Anjos

20 Бірақ ол осыны ойлап жүргенде Жаратқан Иенің періштесі түсінде аян беріп:

«Дәуіттің ұрпағы Жүсіп, қалыңдығың Мәриямға үйленуден шошынба! Себебі құрсағындағы Баласы Киелі Рухтан.

5 Періште әйелдерге қарап: «Қорықпаңдар! Айқышқа шегеленген Исаны іздеп келгендеріңді білемін. 6 Ол мұнда жоқ, Өзі алдын ала айтқандай қайта тіріліп кетті! Бері келіп, Иенің жатқан орнын қараңдар!

53 Мен қазір Әкемнен сұрасам, Ол Маған дереу он екі әскери бөлімнен астам* періштелерін жібереді! Әлде солай болмайды деп ойлайсың ба?

30 Ал періште оған:

— Қорықпа, Мәриям, саған Құдай рақымын түсірді. 31 Енді құрсақ көтеріп, Ұл табасың, Оның атын Иса* деп қоясың.

10 Ал періште оларға тіл қатып: «Қорықпаңдар! Мен сендерге үлкен қуаныш жариялаймын, ол қуаныш барлық халыққа да ортақ:

14 «Заңғар көкте Құдай мадақталсын!

Жер жүзінде Өзі риза болған

Адамдарға тыныштық болсын!»*

10 Сендерге шын айтамын: Құдайдың періштелері теріс жолдан қайтқан бір күнәкар үшін де дәл солай қуанады!

10 Олар аспанға қадала қарап тұрған кезде, кенеттен ақ киімді екі жігіт* қастарында пайда болды да, оларға тіл қатып: 11 «Уа, ғалилеялықтар! Неменеге бұл жерде аспанға қарап тұрсыңдар? Жаңа қастарыңнан көкке көтеріліп, Құдай қабылдаған Иса көз алдарыңнан көкке қалай кетсе, тура солай қайтып келеді», — деді.

Құдайдың жолымен жүру туралы қосымша нұсқаулар

1 Бір-біріңді бауырластар ретінде ұдайы жақсы көріңдер! 2 Қонақжайлылық танытуды ұмытпаңдар. Солай еткен кейбіреулер білместен тіпті Тәңір Иенің періштелерін қонақ қылды.*

Сүйіспеншілік туралы толғау

1 Мен адамдардың түрлі тілдерінде

Және періштелердің тілдерінде

Жатық та мүдірмей сөйлей білсем де,

Бірақ егер сүйіспеншілігім болмаса,

Сөздерім сыңғырлаған қоңырауға

Әрі шылдырлаған асатаяққа*

Ұқсап мәнсіз боп қалады сонда.

16 Құдайға ұнамдылық туралы бізге ашылған мына құпияның ұлы екендігі еш шүбәсіз:

Мәсіх* адам болып дүниеге келді,

Киелі Рух әділдігін дәлелдеді,

Содан Мәсіх періштелерге көрінді,

Халықтарға Ол жарияланды,

Жер жүзінде Оған көбі иланды,

Ол ұлылықпен көкке қабылданды.

16 Өйткені Иеміздің Өзі көктен түсіп, бұйрық береді, әрі бас періште шақырып, Құдайдың кернейі қатты дауыстайды. Сонда ең алдымен Мәсіхке сеніп бұ дүниеден кеткендер қайта тіріледі. 17 Тірі жүрген біз мұнан соң солармен бірге Иемізбен кездесу үшін бұлттың үстімен көкке көтерілеміз. Содан мәңгі бақи Иемізбен бірге боламыз.

5 Жеңіп шыққан әркім солар сияқты аппақ киім киетін болады; Мен оның есімін Мәңгілік өмір кітабынан* өшірмей, Әкемнің және Оның періштелерінің алдында ашық мойындаймын.

38 Мен мынаған нық сенемін: өлім де, өмір де, періштелер де, жын-перілер де, бүгінгі күн де, болашақ та, табиғаттан тыс күштер де бізді Құдайдың сүйіспеншілігінен айыра алмайды! 39 Рас, не үстіміздегі, не астымыздағы ешқандай күш те, тіпті жаратылыстың басқа ешбір нәрсесі де бізді Құдайдың Иеміз Иса Мәсіх арқылы көрсетіп жүрген сүйіспеншілігінен айыра алмайды!