20 Wa a na liiɓsiɗohe ŋ ineem, malaaka Heɗ ɓoo teeɓukka ɗe ŋ heeƴ, woosa ɗe ne : « Suseef, setiŋ Dawuuda, kina neƴƴoh ɓay Maryaama ɓitiɓ, laam kuɓki nik ŋ rookiŋ ɗe a puloh ŋ Fuuɗsi Hoolohngaani.

5 Malaakaana woosa ɓitiɓ ca ne : « Ɗu, kinaat tiit, ŋ inhiɗ ne ɗu na marke Yeesu yi daaƴsee ŋ kurwaa. 6 A nikɗi ndii, a hultiɗuuɗ findi a woyohee wa. Hayaat ɗu marak ɗiski a faansee,

53 Fu liiɓ wii ne ŋ minɗi ɓeeɗuk Baabiŋ ngo e ? Ŋ ɓeeɗuk ɗe ɗah, a hey yo woosohe win-win ɓi junni junni* malaaka ndaŋkiyaah na kanak". Lesiyong, ŋ ɓi Rom ɗeɓgaan weɗ soldaar junni junni. malaaka.

30 Malaakaana woosa ɗe ne : « Kana neƴƴoh Maryaama, Kooh baahohiɗ ɗa. 31 Fu hey ambe rook, fu raak kuɓu ƴaar ; yi fu na hee teeke Yeesu.

10 Waaye malaakaana woosa ɓa ne : « Kinaat neƴƴoh, ŋ kom ɗu woo neɓiɗ wi fu inah ne ɓooɓi jen hey sume nga keeh-keeh.

14 « Yakkiŋ Kooh ƴeekaah

ŋ ɗiska uup ɗafuk ŋ Eel ca

te ɓooɓi neɓ ɗe,

ɓa raakaat jam ŋ kehƴi. »

10 Ñam na woyee ɗu ne wa nam mand ɗaa ngaŋ malaakaaciŋ Kooh ; bakaaɗoh yino ɓoƴsoh kipes ɗah, ɓa sum nga. »

10 Wa ɓa ris marak rapɗuukaŋ Yeesu, jaarra ƴaar kanak ɓekuk kulɓa yaanow nikka ŋ serooɓa, 11 woosa ɓa ne : « Ƴaaɓiŋ Galileeci, wa ye tah ɗu tufuk, ɗu markee ŋ eel ci ? Yeesu yii, yi kooɗohu nga ɗu, cootta ŋ Eel ci, hey hayisse findi ɗu hotoh ɗe kaɗeeɗa ŋ Eel ci. »

1 Waaɗtiɗohiŋ ɗu genaat gen. Ɗu jen, e ɗu ɓaah. 2 Kinaat alkoh taambkoh ɓi na haye nga ɗu. Raakiɗ ɓi meeɗa tum po ɓa daliɗta ɓi malaaka te ɓa inheeɗi ne ɓa daliɗ malaaka.

1 Ali ŋ jombee peɗeem ciŋ ɓo' ci,

na ciŋ malaakaaci,

te ŋ waaɗɗi morom mbo ɗah,

ŋ mand na joolooliini na laɓse dong

wala bargi na tipse.

16 Ali ɓo' minɗi taas ne, ini ɗasɗukiɗi ŋ kosi ɓoo kos te wa teeɓohuusa, wa in yakiɗ :

A hayiɗ findi ɓo',

Fuuɗsiŋ Kooh teeɓohiɗ kiyurhiŋ ɗe,

Malaakaaci hotiɗ ɗe,

A yegɗohuuɗ ŋ kur ci jen,

A kosuuɗ ŋ Adina,

A rapɗuuɗ ŋ Asamaan,

A yakɗuusa.

16 Laam nakoh hey leehkasse, hooso kilifa malaaka kerhuk, kuluɓ kiŋ Kooh kerhuk, ŋ ineem, Heɗi ŋ haf ce hey pulohe ŋ Eel ci, ruhse, te kaaniɗ ci nik ŋ Kiristaani hey koce kuruk. 17 Ƴut ɗah, ɓoo ɓi risan ndii pese, ɓoo hey ambsohse na ɓa, coottohse ŋ ɗooƴ eel, ɓoo kaɗ taambɗuka Heɗi, ngaŋ jawuuni. Ini kooɗoh ndeem, ɓoo nikan na ɗe po faw.

5 Yi saahan, a ɓekkohan kulɓa yaanow ɗaa ; ŋ moosanɗi tiikiŋ ɗe ŋ teerndiŋ kipes ki, te ŋ hey teyɗuke ŋ fiki Baabiŋ ngo na malaakaaciŋ ɗe ne : ‘Yii a yiŋ ngo.’

38,39 Laam wa wooriɗ to ne raakɗi ini min ɓoo saɓsoh na waaɗi a waaɗ ɓoo, wa kakaan haa, wa kipes haa, ca malaaka haa, ca safaal haa, wa woti wala kim haa, ca heɗ hatil haa, wa ɗafkiɗ wala nooɗiɗ haa, ca feruuɗ wiiriis haa, ali in minɗi ɓoo saɓsoh na waaɗi Kooh waaɗ ɓoo taamboh ŋ Kiristaani Yeesu, Heɗ ɓoo.