Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Alimwi mungelo wakati kulinguwe, "Utayoowi, Meri, nkaambo wajana choolwe kuli Leza. Alimwi laanga, uyoomita mubula bwako alimwi uyootumbuka mwana mulombe, nguyoowulika zina lyaJesu.
Alimwi mungelo wakati kulimbaabo, "Mutabi akuyoowa! Amulange, ndamweetela makani mabotu alukondo lupati, atakabe kubantu boonse;
"Ngapegwe bulemu Leza simajulu,
alimwi luumuno lube akati kabantu munyika akuli baabo mbabotelwa!"
Jesu wakati, "Mbumbuboobo, ndamwaambila, kuli lukondo lupati kubaangelo baLeza kukusanduka kwasizibi uumwi."
Amuleke luyando lwabunyina lweendeleele. Mutaleki kutondeezya buuya kubeenzu, nkaambo kaboobo bamwi bakasamawusya baangelo kabatazi pe.
Kakutakwe kudoneeka, tulalyaambilila, niinsinswa yabukombi bwesu:
Wakaliboniya mumubili,
wakalitondeezya muMuuya,
wakabonwa abaangelo,
wakakambawukwa akati kamanyika,
wakasyomwa munyika,
wakatolwa mubulemu.
Nkaambo Mwami lwakwe uyooseluka kuzwa kujulu akoompolola kwakulayilila, akwiita kwamupati wabaangelo, amundindimina wamweembo waLeza. Alimwi bafwide muli Kkirisitu bayootalika kubuka. Eelyo iswe nitubawumi, nitucheede, tuyoobwezegwa aamwi ambabo mumayoba kuti tukaswaanane aMwami mumulengalenga; alimwi aboobo tuyooba aMwami kwalyoonse.
Kufumbwa ooyo uzunda uyoosamikwa zisamo zituba, alimwi tandikwe kuyoolizima pe izina lyakwe mubbuku lyabuumi, ndiyoolyiita izina lyakwe antanganana kubusyu bwaTaata akubusyu bwabaangelo bakwe.