Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Wa o̱ u̱ te̱k-u̱ dorog-u̱s se̱, se̱ wa-to̱m Wa-ko-uyan haan u̱du̱ ro u̱ bo', wa zu̱, <<Yusuhu wa'-u̱ Dawuda, a-bo̱ ho̱g u-gye̱r u̱ kab-du̱ Me̱ri wa shu̱’u̱t ne̱ta ró da, remu̱ zu̱ no̱mu̱ o̱ u̱ me̱n-u̱t wa du̱gu̱ Yar-u u-Ru̱ o̱.
Ku̱na wa-to̱m u-Ru̱ zu̱tte̱ ne̱ta-u̱t to̱, <<A no̱ ho̱g u-gye̱r da! U̱m nak no̱ o̱ sa-u Ye̱so̱ wa, wu̱ na tare̱ u-kan. Wa za ane̱ da. Wa yu̱nge̱ u̱ka wa zu̱tte̱. Haanu̱n no̱ hyan be-du̱ wa o̱tte̱ m-ru̱t.
¿No̱ o̱ m-hyan u̱zu̱ u̱m zatte̱ u̱r-be̱b u̱m ko̱n u̱r-se̱ge̱ u̱du̱ U̱so-u ri da, tu̱msu̱ za rem wa to̱mnu̱ me̱ a-to̱mu̱ wa u̱t-zo̱ngu u-tát i ze̱ge̱ karma no̱?
U̱n o̱ te̱k-u̱ sak-du̱ is u̱ aru̱k-u̱r rò u̱ do̱m u-ru̱, ku̱na ne̱t-ne̱ yu̱r rwu̱u̱tu̱n m-wa u̱ cwu̱-u̱t pus-to̱ ne̱ e̱ o̱ ees u̱ ke̱nu̱ u̱n. Ku̱na e̱ zu̱te̱, <<No̱ campa-ne̱ Gariri, ¿remu̱ u-yan o̱ no̱ o̱tte̱ ees u̱ ana u̱ gwat-du̱ do̱m u-ru̱? Ye̱so̱ wu̱ na kabe̱ m-da u̱ do̱m u-ru̱, wa de̱ u̱t-mu̱u̱n u̱ka no̱ hyente̱ da-u̱r rò u̱ do̱m u-ru̱.>>
Tu̱msu̱ in be̱e̱t in eeste̱ u̱zu̱, yu̱-u̱r so̱-de̱ in no̱m-tu̱ m-yasa to̱ tu̱-yat-to̱:
Ye̱so̱ haagu̱n u̱ war-u̱ ne̱t,
na ko̱ske̱ in u̱zu̱ wu̱na o̱ wa’u̱ u-Ru̱ u̱du̱ Yar-u̱ u-Ru̱.
A-to̱m u-Ru̱-ne̱ hyu̱n wu̱n,
a-doru̱ Ye̱so̱ no̱m do̱nse̱-u̱r wa u̱-me̱ u̱t-dak.
Ne̱t-tu̱ u-dak u-be̱e̱t e̱ yaag jab u̱ wu̱n ne̱,
Ru̱-u̱ ku̱b wu̱n u̱-do̱m u-ru̱, u̱-me̱ sek-m wa.
Ko̱wana re u̱r-ko̱rro̱ wa do̱’e̱ wadu̱ cwu̱-u̱t pus-to̱ u̱ka ne̱t-u̱t tun-to̱ nomte̱. U̱m zaar u̱ has-tu̱ dim-du̱ ne̱t-u̱ wa du̱gu̱ ran-u̱ u̱r-fat da. Da-u̱ u̱m eese̱ u̱-shu̱ U̱so-u ri u̱ a-to̱mu̱ u-Ru̱ ne̱, u̱m do̱’e̱ u̱t-war u̱zu̱ wa o̱ ne̱t-u̱ ri.
U̱m nu̱pu̱ste̱ u̱zu̱, waku̱n zaar wu̱ do̱’e̱ u̱t-wa u̱ Ru̱-u̱ yage̱ cwan-u̱t in da:
ko̱ m-mar,
ko̱ u̱r-fat,
ko̱ a-to̱mu̱ u-Ru̱,
ko̱ faru̱k-u̱ no̱m u̱s-te,
ko̱ no̱m-u̱ na o̱ te̱k u̱t-no̱m,
ko̱ u̱ na de̱ u̱t-no̱m u̱ da-u̱ o̱o̱n ne̱,
ko̱ yan go̱-du̱ u̱r-faru̱k,
ko̱ m-ja,
ko̱ u̱r-ra,
ko̱ o̱ko̱n no̱m-o̱ u̱t-kwu̱s u̱t-kwu̱s,
to̱ ko̱rge̱ to̱ mo̱t in u̱ cwan-tu̱ Ru̱-u̱ ne̱ da. Ru̱-u̱ ko̱ske̱ u̱zu̱ wa o̱ cwan-u̱t in, u̱ wa to̱mto̱n Ye̱so̱ Kiristi Wa-ko-uyan in wa mu̱r u̱ remu̱ in.