20 Nde tawnoo himo miijii ɗun, malaa’ikaajo Joomiraaɗo on feeɲani mo e koyɗol, wi’i mo: «Yuusufu mo Daawuuda, wota a hulu ƴettugol Mariyama, o wona ɓeyngu maa, ko fii ɓiɗɗo mo o saawi on ko immorde e Ruuhu Seniiɗo on.

5 Kono malaa’ikaajo on wi’i ɓen rewɓe: «Onon wota on hulu, ko fii miɗo andi ko Iisaa fempaaɗo on wonɗon ɗaɓɓitude. 6 Awa o alaa ɗoo, o immitike, wano o wiirunoo non. Aree ndaaron nokkuure ka o belinoo ɗon.

53 Kaa a sikku mi waawataa toraade Ben an ballal, o addanammi kisan ɓuri koneeli sappoo e ɗiɗi malaa’ika?

30 Malaa’ikaajo on wi’i mo: «Wota a hulu yo Mariyama, sabu a heɓii sulfu immorde ka Allaahu on. 31 Awa a ƴettay reedu, jibinaa boobo gorko, innoyaa mo Iisaa.

10 Kono malaa’ikaajo on wi’i ɓe: «Wota on hulu, sabu miɗo feɲɲinande on Kibaaru Moƴƴo mo welo-welo moolanaango wonanayngo jamaa on fow.

14 «Mangural wonanii Allaahu on ka kammu,

ɓuttu wonii e oo aduna,

hakkunde ɓen ɓe o waɗani sulfu makko on!»

10 Mi andinii on, ko wano non kadi malaa’ikaaɓe Alla ɓen weltorta tuma nde junuubankeejo gooto tuubi.»

10 Ko ɓe tiggitii ka kammu, fewndo ko o ƴentata, worɓe ɗiɗo ɓorniiɓe daneeji feeɲani ɓe, wi’i ɓe: 11 «Ko onon yo ɓe Jaliilu, ko honɗun dariɗon, hiɗon ndaara nguu kammu? Iisaa oo ƴentinaaɗo ka kammu e hakkunde mon artiroyay wano yiiruɗon o ƴentiniraama ka kammu nii.»

1 Yo giggol siɗɗankaaku ngol duumo. 2 Wota on yejjitu wernugol. Ko fii e nder warrugol non woɓɓe wernii malaa’ikaaɓe, hara ɓe andaa.

1 Hay si mi wowlii e haalaaji yimɓe ɓen e ɗi malaa’ikaaɓe ɓen, si tawii mi alaa giggol, haray ko mi talenhun sila senƴoohun, maa foolifen wonɗo e iidude.

16 Awa kadi no fellitaa wonde gundoo ngal dewal no mawni:

«Ɗun ko on feeɲirɗo ɓandu,

holliraaɗo Ruuhu Alla ko o feewuɗo,

feeɲanɗo malaa’ikaaɓe ɓen,

on jantaaɗo fii mun e hakkunde leƴƴi ɗin,

o gomɗinaa e nder aduna on,

o ƴentinaa ka kammu e nder mangural.»

16 Ko fii, Joomi on tigi iwray ka kammu, tippoda e yamiroore ewnaande e hawa malaa’ikaajo mawɗo e hito *liital Alla ngal. Onsay ko maayuɓe no gomɗini *Almasiihu on ɓen adetee immintineede. 17 Ɓawto ɗun, enen wurɓe luttitayɓe ɓen, en ƴettidete e maɓɓe ka nder duule, fii fottoygol e Joomi on ka weeyo. Onsay en wonday e Joomi on haa poomaa.

5 Ko wano non kadi, fooluɗo on ko conci daneeji ɓornoytoo, awa kadi mi montoytaa innde makko nden ka deftere ngurndan. E hoore ɗun, mi qirritoyto innde makko nden yeeso Ben an e yeeso malaa’ikaaɓe mun ɓen.

38 Ko fii miɗo felliti, hinaa mayde nden, hinaa ngurndan ɗan, hinaa malaa’ikaaɓe ɓen, hinaa mbawdiiji ɗin, hinaa ko fewndii kon, hinaa ko aroyta kon, hinaa doole ɗen, 39 hinaa tagoore nden ka dow, hinaa tagoore nden ka ley, hinaa tagu goo kadi woo waawata en sendude e giggol Alla wongol e Iisaa Almasiihu Joomi men on!