Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
يَا خْوَاتِي، آنَا مَا نَعْتَبِرْشْ رُوحِي رْبِحْتْ الجَايْزَة، آمَا تْهِمْنِي حَاجَة وَحْدَة وهِيَّ: إِنِّي نِنْسَى كُلْ مَاهُو وْرَايَا ونَعْمِلْ كُلْ مَجْهُودِي بَاشْ نْقَدِّمْ لْقُدَّامْ، ونِجْرِي بَاشْ نُوصِلْ لِلْهَدَفْ، ونِرْبَحْ الجَايْزَة الِّي دْعَانَا لِيهَا اللَّهْ مِالسْمَاء بْيَسُوعْ المَسِيحْ،
بُولِسْ يِسْعَى بَاشْ يُوصِلْ لِلهَدَفْ
ومَانِيشْ نْقُولْ الِّي آنَا وْصِلْتْ لِلْهَدَفْ وَلَّا وَلِّيتْ كَامِلْ، آمَا نِسْعَى بَاشْ نُوصِلْ لِلْجَايْزَة عْلَى خَاطِرْ يَسُوعْ المَسِيحْ إِخْتَارْنِي بَاشْ نْكُونْ تَابَعْ لِيهْ. يَا خْوَاتِي، آنَا مَا نَعْتَبِرْشْ رُوحِي رْبِحْتْ الجَايْزَة، آمَا تْهِمْنِي حَاجَة وَحْدَة وهِيَّ: إِنِّي نِنْسَى كُلْ مَاهُو وْرَايَا ونَعْمِلْ كُلْ مَجْهُودِي بَاشْ نْقَدِّمْ لْقُدَّامْ، ونِجْرِي بَاشْ نُوصِلْ لِلْهَدَفْ، ونِرْبَحْ الجَايْزَة الِّي دْعَانَا لِيهَا اللَّهْ مِالسْمَاء بْيَسُوعْ المَسِيحْ، أَحْنَا النَّاضْجِينْ رُوحِيًّا، يِلْزِمْ نْفَكْرُوا بِالطَّرِيقَة هَاذِي. وكَانْ عَنْدْكُمْ رَايْ آخِرْ، تَوَّا اللَّهْ يْزِيدْ يْوَضْحِلْكُمْ الأُمُورْ.
وإِذَا كَانْ وَاحِدْ تَابَعْ لِلْمَسِيحْ رَاهُو مَخْلُوقْ جْدِيدْ، الحَاجَاتْ القْدِيمَة تْنَحَّاتْ، وكُلْ شَيْ وَلَّى جْدِيدْ.
الحْيَاةْ الجْدِيدَة
مُبَارَكْ اللَّهْ بُو رَبْنَا يَسُوعْ المَسِيحْ، الِّي بْرَحْمْتُو العْظِيمَة وبِقْيَامِةْ يَسُوعْ المَسِيحْ مِالمُوتْ تُولِدْنَا مِنْ جْدِيدْ لِرْجَى حَيْ،
وإِلْبْسُوا فُوقْ هَاذَا الكُلْ المْحَبَّة، الِّي هِيَّ الرْبَاطْ الِّي يُرْبُطْكُمْ بِبْعَضْكُمْ بْصِيفَة كَامْلَة.
وخَلِّي يِمْلِكْ عْلَى قْلُوبْكُمْ سَلَامْ المَسِيحْ الِّي اللَّهْ دْعَاكُمْ لِيهْ بْصِيفِتْكُمْ أَعْضَاءْ فِي بْدَنْ وَاحِدْ، وكُونُوا شَاكْرِينْ.
وهُومَا أَدْبُونَا مُدَّة قْصِيرَة وحَسْبْ مَا ظْهُرِّلْهُمْ، آمَا اللَّهْ يْأَدِّبْنَا لْمَصِلْحِتْنَا بَاشْ نْكُونُوا مْشَارْكِينُو فِي قَدَاسْتُو. وبِالطْبِيعَة كُلْ تَأْدِيبْ يُظْهُرْ مِالأُوِّلْ الِّي هُوَّ سْبَبْ حُزْنْ مُشْ فَرْحَة، آمَا فِي الإِخِّرْ يَعْطِي ثَمْرِةْ الصَّلَاحْ والسَّلَامْ فِي حْيَاةْ الِّي يِتْعَلْمُوا مِنُّو.
لَازِمْ نِتْوَكْلُوا عْلَى اللَّهْ
وتَوَّا إِنْتُومَا الِّي تْقُولُوا: «اليُومْ وَلَّا غُدْوَة بِشْ نِمْشِيوْ لِلْمْدِينَة الفْلَانِيَّة، ونُقْعْدُوا فِيهَا عَامْ، ونْتَاجْرُوا ونِرْبْحُوا»، تِي إِنْتُومَا مَا تَعْرْفُوا شَيْ عْلَى غُدْوَة. يَاخِي شْنِيَّة هِيَّ حْيَاتْكُمْ؟ مَاهِي إِلَّا ضْبَابْ يُظْهُرْ شْوَيَّة ومْبَعِّدْ يِغْبِرْ. هَاذَاكَا عْلَاشْ يِلْزِمْكُمْ تْقُولُوا: «كَانْ حَبْ الرَّبْ، تَوْ نْعِيشُوا ونَعْمْلُوا الحَاجَة هَاذِي وَلَّا هَاذِيكَا!» آمَا إِنْتُومَا قَاعْدِينْ تِتْفُوخْرُوا وتِتْكَبْرُوا، وكُلْ فُخْرَة كِيمَا هَاذِي هِيَّ شَرْ. الِّي يَعْرِفْ يَعْمِلْ الخِيرْ ومَا يَعْمْلُوشْ، رَاهُو عْمَلْ ذَنْبْ.