Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ayene hin, okwokwoshi ngye mun re wa lo. Oje kponu ni nke yaya ni, nyya nwanyi kpo oza kpiri ni shigbo ni, nyya tikpo ko pyoza ni yohobu ni. Mani oni, nyya nyinya tiriri shini na pya abola, ni Owuso yumo ogwu bwebe ko Okristi Oyesu ko gbo olayi iso.
Nyinya go Okweyi
Nyya kamo nkwobonu yi pye kwe nggya wa lo. Nyya takirikwu ko pya abola ni Okristi Oyesu kwobonu rogwa hin diyinu ni. Ayene hin, okwokwoshi ngye mun re wa lo. Oje kponu ni nke yaya ni, nyya nwanyi kpo oza kpiri ni shigbo ni, nyya tikpo ko pyoza ni yohobu ni. Mani oni, nyya nyinya tiriri shini na pya abola, ni Owuso yumo ogwu bwebe ko Okristi Oyesu ko gbo olayi iso.
Kpiri kaha ni gye ipu kotuse ni ahan gbe edo kotu oye kponu owoni ashishini kala gbotu oye gogo, Owuso ya yala ba gyoza mani neneshi.
Aseni yipu ko Okristi owase pepe. Onekye shigbo, opepe wa.
Iyitagye Neshi
An shotunehe do Owuso Ada ka Adole Oyesu Okristi! Ipu ki iyinyinyi nu odaha olayi pepe bwebe ko Oyesu Okristi ni oshiyi bwikwu. Omani yaha gbi iyitagye ko olayi pepe,
Kweyi oni sharinya neshi mani kpiri ni, ala ki yimu yoya manu, imu ni kpuwa gbayi kpiri ipu ko dudu neshi ni. Ala yo omene ko Okristi na wo ose ipu kotu kala, byoni ala bipu kikpiye oye kponu ni ayalogwu gipu ko omene. Kweyi ala bi shotunehe.
Awada kaha kikpiye gbahogo agye kishi gbayayi ni ama mo oshoshi ni, Owuso ke ya gbahogo agye shini ona shoshi daha, shini ahan wase neshi byanu. Ishini agbahogo agye, oya yotu kaha ya bya, aba shotunehe lo. Itikpi nu ke awase ni agbuwogo agye ni ba wa pya abola komene koyagye kase neshi.
Akpaha Pyopyi Ikweyi ko Gwabotu
Anani ala ya kpaha tagye shini ala pwo, awino kamo <<Ikyeni, kwe okyi aha ba gogya nyakwu oni ga yagye kishayi oye kweyi kwotu ko yotoyu shini na pyi ikwiri nwashika.>> Ala ke gyoza ni olayi kala ya we okyi ni lo! Olayi kala lema byo owula ke ebwu, oya bose ishi gbayayi oki ya gebi nu. Oza ni ala shu ko ka ni yoma: <<Owoni Owuso kyogwu, aba gbo olayi kweyi aba yoza mani kpo olamu oni.>> Anani ke, ala ba zikweyi iso kweyi ba gwabotu; edo ko gwabotu mani ke shoshi lo. Mani oni, owoni ogyoza ni oshu ko ya ni, kweyi oya lo, oyo ozalabi la.