Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
ओ साथी विश्वासियो! मेरा मानणा ये निए कि आऊँ तिजी खे पायी चूकी रा। पर बस ये एक काम करूँआ कि जो गल्ला बीती चूकी रिया, तिना खे पूली की आगे री तरफा खे बढ़दा जाऊँआ। आँऊ नशाणे री तरफा खे दौड़दा जाऊँआ, ताकि आँऊ स्वर्गो रे बुलाए जाणे रा ईनाम पाई सकूँ। जेतेरी खातर परमेशरे आऊँ यीशु मसीह रे जरिए स्वर्गो दे बुलाई राखेया।
नशाणे री तरफा खे दौड़ना
ये मतलब नि कि आऊँ इना सबी चीजा खे पईले तेई पायी चूकी रा या सिद्ध ऊई चूकी रा। पर आँऊ तेसा चीजा खे पाणे री खातर दौड़ी की आगे बढ़दा चली जाणे लगी रा कि आँऊ सिद्ध ऊई जाऊँ। जेतेखे यीशु मसीहे आऊँ चुणेया था। ओ साथी विश्वासियो! मेरा मानणा ये निए कि आऊँ तिजी खे पायी चूकी रा। पर बस ये एक काम करूँआ कि जो गल्ला बीती चूकी रिया, तिना खे पूली की आगे री तरफा खे बढ़दा जाऊँआ। आँऊ नशाणे री तरफा खे दौड़दा जाऊँआ, ताकि आँऊ स्वर्गो रे बुलाए जाणे रा ईनाम पाई सकूँ। जेतेरी खातर परमेशरे आऊँ यीशु मसीह रे जरिए स्वर्गो दे बुलाई राखेया।
तो आसा बीचा ते जितणे विश्वासो रे मजबूत ए, येई सोच राखो और जे केसी गल्ला रे तुसा री ओर ई सोच ओ, तो, परमेशरे तुसा खे से बी बताई देणा।
जे कोई मसीह रे विश्वास करोआ, तो से नई सृष्टि ए, पुराणिया गल्ला बीती गी रिया, देखो, सेयो सब नईया ऊईगी रिया।
एक जिऊँदी उम्मीद
म्हारे प्रभु यीशु मसीह रे पिता परमेशरो रा धन्यवाद ओ। तिने प्रभु यीशु मसीह खे मरे रेया बीचा ते जिऊँदे ऊणे रे जरिए, आपणी बड़ी दया ते आसा खे जिऊँदी उम्मीदा खे नया जन्म दित्तेया।
ओ परमेशर, मेरे पीतरे शुद्ध बचारा खे पैदा कर ओर माखे दुबारा इमानदार बणा
माखे आपणी मौजुदगिया ते दूर नि कर ओर आपणी पवित्र आत्मा मांते नि निक्याल़।
प्रभुए रे सामणे शान्त रओ ओर सब्रो साथे तेसखे न्याल़;
तेस माणूंए रिया बजा ते आपू खे परेशान नि कर जो बुरे काम करने रे जरिये सफल ओआ
ओर से बुरिया साजिशा खे निकयाल़ोआ!
परखी की देखो कि प्रभु कितणा पला ए!
से मर्द बऊत ई तन्य ए जो तेसरी शरण लओआ।
पर जो यहोवे खे मतादा रिया उम्मीदा ते न्याल़ोए, तिना खे नवीं तागत मिलदी रणी, सेयो उकाबो जेड़े उडदे रणे, सेयो दौड़ने ओर बेओश नि ऊणे ओर चलणे पर थकणे नि।
कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।
तुसे शुद्ध ऊई जाणे, जेड़े मैं तुसा पाँदे साफ पाणी छिड़की राखेया ए। मां सेयो सब चीजा टाई देणियां जो तुसा खे अशुद्ध बणाओईया। मां सेयो मूर्तिया दूर करी देणियां जिना री तुसे पूजा करोए। मां तुसा खे नवां मन देणा ओर तुसा रे पीतरे नवीं आत्मा पैदा करनी ओर तुसा रे शरीरो ते पात्थरो रा दिल निकयाल़ी की तुसा खे मासो रा दिल देणा। मां आपणा आत्मा तुसा रे पीतरे देई की एड़ा करना कि तुसे मेरी बिधिया पाँदे चलणे ओर मेरे नियम मानी की तिना रे मुताबिक करना।
और इना सबी पाँदे, प्यारो खे जो सिद्धता रा कटिबन्द ए बानी लो। शान्ति जो मसीह देओआ तुसा रे दिलो रे राज्य करो। एड़ी शान्तिया खे तुसे एक शरीर ऊई की बुलाई बी राखे। तुसे सदा धन्यवादी बणे रे रओ।
परमेशर सब कुछ सई बखतो पाँदे करोआ। फेर बी आसा बिचा ते कोई बी पुरिया तरआ ते तेसरे कामा खे समजी नि सकदा, ओर से आऊणे वाल़े बखतो रे बारे दे म्हारे मनो दे सवाल पाई देओआ। एड़ा बणाया जो आपणे-आपणे बखतो रे सुन्दर ओआ, तेबे तिने माणूंआ रे मनो रे शुरू ओर अन्तो रा ज्ञान परेया। पर परमेशरे जो कुछ बणाया, माणूं तिजी खे शुरूओ ते लई की अन्तो तक समजी नि सकदा।
आसा रा संसारिक पिता तो आपणी-आपणी समजा रे मुताबिक थोड़े दिना तक आसा री ताड़ना करो थे। पर परमेशर आसा री पलाईया खे ताड़ना करोआ ताकि आसे बी तेसरी पवित्रता रे इस्सेदार ऊई जाईए। जेस बखते ताड़ना देई जाओई तेस बखते ताड़ना खरी नि लगदी बल्कि से दुःख देणे वाल़ी लगोई। पर जो ताड़ना रे जरिए शिक्षा पाओए बादो ते तिना खे चैनी साथे धार्मिकता रा फल मिलोआ।
कमण्डो रे खलाफ चेतावणी
तुसे जो ये बोलोए, "आज या काल आसे केसी ओरी नगरो रे जाई की तेती एक साल बिताऊँगे और व्यापार करी की फाईदा ऊठाऊँगे।" पर ये नि जाणदे कि काल क्या ऊणा। सुणी तो लओ कि तुसा री जिन्दगी आयी ई क्या? तुसे तो मानो प्वाफो जेड़े ए, जो थोड़ी देरा खे दिशोआ और तेबे राची जाओआ। इजी रे बदले तुसा खे ये बोलणा चाईयो, "जे प्रभु चाओगा, तो आसे जिऊँदे रऊँगे और ये कि से काम बी करूँगे।" पर एबे तुसे आपणी त्वाल़िया पाँदे कमण्ड करोए; एड़ा सारा कमण्ड बुरा ओआ। इजी री खातर जो कोई पलाई करना जाणोआ और करदा नि, तेसखे ये पाप ए।