Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
हे मोरिक विश्वासी भैयो, मै यी दाबी नै करथुइतुँ कि मै पैलेहेँ उ चिज भेटासेकलतुँ। पर हाँ, मै यी जरुर करतुँ कि जोन पैलेहेँ होसेकल बा, उहिहे बिस्रैती भविष्यक ओहोँर बह्रतुँ। और लक्ष्यक लग मै कर्रा मेहनत कर्ती बतुँ ताकि मै उ ईनाम भेटाई सेकुँ, और उ ईनाम यी हो कि परमेश्वर महिन्हे स्वर्गमे बलाइतताँ। काकरेकी येशू ख्रीष्ट मोरिक लग मुलाँ।
लक्ष्य ओहोँर आघे बहरना
मै यी सक्कु चिजहे पैलेहेँ भेटासेकल बतुँ, या मै पक्का होसेकल बतुँ कहिके मै दाबी नै करथुइतुँ। पर मै कोशिस कर्ती आघे बहरती जाइतुँ ताकि महिन्हे उ चिज मिलजाए। पर मै उ चिजके लग दौरतुँ, जोन चिजके लग येशू ख्रीष्ट महिन्हे चुनल बताँ। हे मोरिक विश्वासी भैयो, मै यी दाबी नै करथुइतुँ कि मै पैलेहेँ उ चिज भेटासेकलतुँ। पर हाँ, मै यी जरुर करतुँ कि जोन पैलेहेँ होसेकल बा, उहिहे बिस्रैती भविष्यक ओहोँर बह्रतुँ। और लक्ष्यक लग मै कर्रा मेहनत कर्ती बतुँ ताकि मै उ ईनाम भेटाई सेकुँ, और उ ईनाम यी हो कि परमेश्वर महिन्हे स्वर्गमे बलाइतताँ। काकरेकी येशू ख्रीष्ट मोरिक लग मुलाँ। तबेकमारे हमारमेसे जतरा जाने फेन विश्वासमे पक्का बती, हम्रे सक्कु जाने एक्के हस सोँची। और यदि कौनो बातमे तुहुरिन्के दोसुर विचार बा कलेसे परमेश्वर तुहुरिन्हे उ फेन फरछ्वार करादिहीँ।
तबेकमारे यदि केऊ ख्रीष्टहे विश्वास करत कलेसे ऊ लावा स्वभाव भेटैले बा। पुरान बात बितगिल बा, हेरो, उ सक्कु लावा होगिल बा।
जित्ती आशक लग परमेश्वरके प्रशंसा
हमार प्रभु येशू ख्रीष्टके बाबा और परमेश्वरहे प्रशंसा होए। परमेश्वर अपन महान कृपासे हम्रिहिन्हे लावा जीवन देले बताँ। काकरेकी परमेश्वर येशू ख्रीष्टहे मुअलमेसे फेनदोस्रे जिवैलाँ। ऊ हम्रिहिन्हे निर्धक्कसे जिअक लग सक्षम बनैले बताँ; उ कलक ऊ हम्रिहिन्हे वाचा कर्लक बात भेटैना पूरा आशा करना हो।
सक्कुहुनसे खास काम जोन तुहुरिन्हे करे परना हो, उ यी हो कि तुहुरे एकदोसुर जहनहे प्रेम करो। असिक करके तुहुरे पूरा रुपसे एकजुट होजिबो। ख्रीष्टके देना शान्तिहे तुहुरिन्के मनमे राज करे देऊ। काकरेकी तुहुरे सक्कु जाने एकथो शरीरके अंग हुइतो। तबेकमारे तुहुरिन्हे एकदोसुर जहनके संग शान्तिसे रहक लग बलागिल बा। और सदादिन धन्यवाद कर्ती रहो।
काकरेकी हमार शारीरिक बाबनके ते ओइन्हे ठिक लागल अनुसार थोरिक दिन हम्रिहिन्हे सजाय देलाँ। पर परमेश्वर हमार भलाईक लग हम्रिहिन्हे सजाय देथाँ, ताकि ऊ हम्रिहिन्हे अपन हस पवित्र बनाई सेकिँत। हम्रिहिन्हे सजाय मिलत ते हम्रिहिन्हे मन नै परत, बेन दुःख भेटाइल हस लागत। पर वहे दुःखसे सिखके सेकके हम्रे शान्ति भेटैथी। काकरेकी हम्रे मजा तरिकासे जीवन जिना सुरु कर्थी।
भविष्यक चिन्ता
आब तुहुरे सुनो, जे असिके कहत, "आज या काल हम्रे कौनो नगरमे जैबी, और वहाँ एक साल बितैबी, और व्यापार करके नाफा कमैबी।" पर तुहुरे यी नै जन्थो कि काल का हुई। और सुनो, तुहुरिन्के जीवन का हो? तुहुरे ते कुहिरा हस हुइतो, जोन थोरिक बेरसम देखाइत और हेराजाइत। तबेकमारे तुहुरिन्हे असिक कहे परना रहे, "यदि परमेश्वर चहिहीँ कलेसे हम्रे जित्ती रबी, और असिन-ओसिन काम करब।" पर आब तुहुरे अपने योजनामे घमण्ड करथो; असिन सक्कु मेरके घमण्ड खराब रहत। तबेकमारे जे भलाई करे जानके फेन नै करत, कलेसे ऊ पाप करत।