Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ule naingai, Kei’n inthiangnga kamator jei tia la-ngaidonmong, takkha kei’n chuon inkhat kilathochu kanuk tiang kaom ngaikha kamanilla halli kamatiangnga kaom ngaikha tungnasik kimaneiiseng katho. Khawajarra Pathian in Christa Jisu jarra marwaan ringkhuosik-ah inapeii chuonthoman kha munasik-ah kei’n khawa tungmun tiang kataanna kaom.
Tungmun tiang Kataan
Halli kei’n maika-ar khat-um kadik mi ka-esuojei la-intimong. Takkha Christa Jisu’n amasik-ah inaleimatorpijei chuonthoman kha kei’n matornasik ah ranak ah kasongnga kalaom. Ule naingai, Kei’n inthiangnga kamator jei tia la-ngaidonmong, takkha kei’n chuon inkhat kilathochu kanuk tiang kaom ngaikha kamanilla halli kamatiangnga kaom ngaikha tungnasik kimaneiiseng katho. Khawajarra Pathian in Christa Jisu jarra marwaan ringkhuosik-ah inapeii chuonthoman kha munasik-ah kei’n khawa tungmun tiang kataanna kaom.
Ratha lamtiang kachang einirakip in hiwa ka-ang malung niroonsik eii, takkha atu ka-ang in inlak malung karoon ninei inchu, Pathian in nangnidiang khawakha-um inthiangnga namalarpisik eii.
Khawa jarra tu e-innum Christa le inchun mi khachu akathar miring inkhat ejei, akamaruo kha athengjei, enru, akathar kha aheitungjei.
Ringnasik Ngamna
Pathian khat-um eini Nipa Pumi Jisu Christa Pa ka-eii kha niraya-ah minpaakrui! ajarchu ama’n Jisu Christa kha kathi makheiya minringnook ah eini ngai rakip hi aminriang loknakhan kathar ringkhuo napejei. Hiwa’n einidiang ringnasik inngamna anaminsipjei.
Halli hiwa ngai rakip pui katungnga kakhuopchun inriang hi neiru. Christa diangnga kahoi kadai khan ningmalung ngaikhan wai roonrase, pumkhatbit taksa ngai ning-eii jarra nangni hi kahoi kadai sik-ak inakoi kha ning-eii. Halli nangni’n rokru.
Eini miring taksa pa ngai khan pha bongkhat sik inmani’n hiwahi adik tia eini innarachaak eii, takkha eini’n ama inthiangna kha nichang theinasik hiwahi eini thana sik-ah Pathian i-narachaak eii. Eini narachaak pha, rachaakna khan phabongkhat nimalung minnuor khat-um rokmakmi. Kha e-innum hiwa rachaakna in i-mintuun ngaikha nuk achu, ringkhuo kadik malung daina karakha inluok.
In-or Chungnga Chongthak
"Wini emakli ziingnga eini’n khuopui angjet-ah sinita, eini’n kumkhat omnita halli sial lounita sialyam nimahuumsik eii" kati nangni, tuun keidiang nara-ngairu.
Nangni ringkhuo hi ziingnga ang esikme tihi jetmakchu! Nangni hapkhatliai sik-ah inlarliya kamangrit ziingkhum ka-ang kha ning-eii.
Hiwa hi-eii nangni’n ningtisik kasuok: "Pumi lungdou e-inchu, eini’n ringrui halli hiwa emakli khawa kha thorui." Takkha tuunchu nangni’n ning-in-or, ninglok-or; khawa in-orna rakip ngaikha dikmak.
Thosik-ah akatha eii tia nijetli eini’n nithomak inchu, khawa kha manu eii.