Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ndughu tsangu silonga bae ka nipata, ila notenda chinu chimwe chiliyeka, noghasemwa gha ghumwande, noghalola ighali hambele, notsuma mvike hanibama kupfika ili nibokele ghweko lya ughima wa matsuwa ghose, ghweko lyang’emele Imulungu kubitila Yesu Kiristu.
Notsuma mvike hanibama kupfika
Silonga bae mvika, au nene nitimila, mbe! Ila noghendelela kwikatsa ili nipate ghweko lila, kubitila ghweko alyo Yesu Kiristu imwenyegho tsakanipata nene. Ndughu tsangu silonga bae ka nipata, ila notenda chinu chimwe chiliyeka, noghasemwa gha ghumwande, noghalola ighali hambele, notsuma mvike hanibama kupfika ili nibokele ghweko lya ughima wa matsuwa ghose, ghweko lyang’emele Imulungu kubitila Yesu Kiristu.
Twetwe twose itukomale twipfikitse ghagho, hata ka mwopfikitsa pfingi, Imulungu katsowalangusani mwatsimwatsi.
Apfo, imunu ang’awa mghati mwa Kiristu, ayo ka chilumbe cha sambi, ghumwande ghahupa, ghawa gha sambi.
Lolelo line ngupfu lya ghamatsuwa ghose
Lekani tumtunye Imulungu, Aba wa Imtwatsa wetu Yesu Kiristu. Kwaapfila katwonela libatsi sideke kwa kututenda twelekighwe keli kwa kutsilihuka kwa Yesu Kiristu. Mbuli ino yotwing’a lolelo line ngupfu.
Ghwe Imulungu, uniumbile moyo ghwelile,
wike iloho ya sambisambi na itogholeka mghati mwangu.
Uleke kunyasa kulawa hauli,
wala Iloho yako yelile uleke kuniboka.
Winyamale hambele ha IMNDEWA,
naghwe umbete yeye bila kwipfa,
uleke kukeleka hauwona iwanu wehile wobweda,
awala iwebweda kwa kwika mitsengwe ihile.
Lanzeni mlole apfila pfayanoghile IMNDEWA,
kabweda ghendo imunu ayula iyomsumila yeye.
Kubita agha ghose, mwongetse unoghelo, kwaapfila unoghelo wakoha ghose mne umwe iutimile. Tindiwalo lya Kiristu litawale mne imimoyo yenu. Kwaapfila Imulungu kawakema mwemwe kuwa ne tindiwalo alyo mne lukuli lumwe. Kuya mlongeghe mighede.
Imulungu katenda chila chinu chinoghile kwa chipindi chake. Kamtenda imunu yabame ukumanya ipfinu ipfitsolawila hambele, lekeni imunu ayo ng’odaha baye ukumanya aghala ghayotenda Imulungu kulawa hayakwanzila mbaka hayotsighila.
Aba tsetu iwatweleke tsawatukanya kwa matsuwa madodo ka pfawonile iwenyegho pfinogha, ila Imulungu kotukanya kwa ukutwapfila twetwe, ili tuwe wahenzeluka wake. Lekeni sambi ukukanyighwa si chinu cha kudeng’elesa bae, ila chinu ichighala usungu, lekeni hambele ukukanyighwa kutsoghala ghamapfuno gha tindiwalo na ukukala kwa kumnoghelesa Imulungu kwa awala iwakanyighwe.
Mleke kwighoda
Lelo mtegheletse mwemwe yamlonga, "Leloli au ilupfi tutsoghenda mne ghumji ghumwe, tutsokala ghumwaka ghumwe aku twochuutsa pfinu na kupata sendi." Mwemwe ng’ammanyile bae ughima wenu ilupfi utsakuwatse! Mwemwe mweghala na kungughu ililawila kwa chipindi chidodo kuya lyakuka. Ila mwobamighwa kulonga, "Imtwatsa ang’abama tutsokala waghima, kuya tutsotenda chinu chino au chinu chila." Lekeni sambi mwemwe mweghoda na ukwitunya, ukwighoda kwose ka kuno kwiha.
Apfo imunu iyomanya ghanoghile na ng’oghatenda bae, ayo kotenda nzambi.