Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ka visa tavitiqu, ara mekaqu qake rove veinisiu qa tei aru tamania tu sa na pinia isa. Goto isa qa roitinia ara sa, ira na sakasava pa liguqu sa qa muma paleniria ko qa kaqama laoria sira tu sakasava pa moequ. Ko na vinabebetona sa qa abutu nono laoa ko ma aru tamania sa na pinia isa qau, ko na pinia isa sa na kuku tana Tamasa sae vei pa nulu ura qa rangea i Jisu Karisito.
Abutu lao pana Vinabebetona
Nake vei ko ara qa tei tekua tu babi qa tei vaokotoria tu sa. Goto ara sa qa korapa abutu nono lao gu ko ma aru tamania qau sa isa sa tei aru tamananisiu na Karisito Jisu. Ka visa tavitiqu, ara mekaqu qake rove veinisiu qa tei aru tamania tu sa na pinia isa. Goto isa qa roitinia ara sa, ira na sakasava pa liguqu sa qa muma paleniria ko qa kaqama laoria sira tu sakasava pa moequ. Ko na vinabebetona sa qa abutu nono laoa ko ma aru tamania sa na pinia isa qau, ko na pinia isa sa na kuku tana Tamasa sae vei pa nulu ura qa rangea i Jisu Karisito. Ko gita doru taqe matua sa ta toania na uana vei api. Ba vei kaki agou bi goto na dia uana, sa na Tamasa tu kode mina vakabere vanigou.
Ko inara sa vei sa totonai sa kole kame tana Karisito sa na tinoni, sa isa sa na vinapodaka koregana sisa; na toa leluna sa tei mumuriona tu, ko kopira na toa koregana sa lame.
Taqe vera gegele ura i Jisu sa tei turu mule tu
Sa pada vivitigi ko mina tavatarasae sa na Tamasa na Tamana na oda Bangara i Jisu Karisito. Ura isa sa roroqu toka vivitiginigita ko sa vanigita na toa koregana. Ko sa vei sa taqe korapa vera gele vatalenia gita sa na toa vinarua ura i Jisu Karisito sa tei toa mule tu pana mate.
Tadira doru uana aipira sa mu vaokoto laonia sa na vairoqu, isa sa sa aru vaigosorai vataleniria doru sakasa. Na bule tana Karisito sa mi totolinia na bulomiu, na bule isa na ginuana sa kukunigou na Tamasa ko qu mekarai kame tinoni. Ko mu paranga jongana lao tana Tamasa.
Ira na tamada mekada sa qai vavanaugita pana totoso papakana gu pana soana qai rove veinia sa tuvisi. Ba na Tamasa sa roiti vei ko mi tokanigita gita ko ta somana tekua sa na toa liosona vei sa toania isa sau. Doru vavanau sa pana totoso qai tavaivavanauniria sa qaike vaivaqera goto qai vaivatakulanga. Ba ira qai teku varoitiria sa qai tekua na pinia toa bulena beto na tuvisina.
Muke kemara goboronia na miu toa mekamiu
Kopira mu vainongoro sa agou qu paranga vei pira: <<Pa ngeni babi vuka sa tana lao pa gusu pa sanu pa sanu. Ko ketakoi tana suvere kai aoro, tana roiti vavotu poata ko tana isisongoda!>> ququgu. Ba agou tugu qu paranga vei ina sa quke isongo gigilai ai mina vevei sa na rane vuka. Ai mina vevei sa na toa tamugou? Ura agou sa na rovu kolo sa votu lame iapeki totoso, beto sake ruavo tugu maragutuona. Goto pira tu mugu sagou: <<Vei mina vamalumugita na Bangara, poni sa tana toa ko tana roitinia sa api babi poni,>> mugu tu. Goto kopira agou sa qu vavaqataniria tu sira na miu vinaturu mekamiu. Doru vavaqata vevei inara sa na gagale ikeredi beto. Ko isa sa gigilaiona na jongana bi roitinia sisa ba sake roitinia, sa sa sela tugu sisa.