Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Wandugu zangu hikukewaza kugamba hipata kale nt’hunyo iyo mna nadamanya mbuli imwenga nayajala yadya yomboke, no kukombeka kugwila yadya yekulongole. Ivo naguluka nibule kwo uheelo we zinguluko vileke nipate idya int’hunyo, uwo ugima wa ulo na ulo. Int’hunyo iyo ni lwitango lwa Mnungu niite kwe mbingu kwa sila ya Yesu Kilisito.
Naguluka nibule uheelo we zinguluko.
Hiyo kugamba hibula kale hegu hikint’ha, bule! Mna nakombeka nipate int’hunyo, idya kwajili yakwe, Kilisito Yesu kanipata ninde ywakwe. Wandugu zangu hikukewaza kugamba hipata kale nt’hunyo iyo mna nadamanya mbuli imwenga nayajala yadya yomboke, no kukombeka kugwila yadya yekulongole. Ivo naguluka nibule kwo uheelo we zinguluko vileke nipate idya int’hunyo, uwo ugima wa ulo na ulo. Int’hunyo iyo ni lwitango lwa Mnungu niite kwe mbingu kwa sila ya Yesu Kilisito.
Sue chose kikangale kwa kumhuwila Kilisito chaungwa kunda ne zifanyanyi iizo mna uneva wamwenga wenyu wafanyanya vituhu, heiye! Mnungu naawagubuile imbuli iyo nayo.
Yeyose alungane na Yesu Kilisito kanda kiumbwa kihya, ya kale yomboka, kila kint’hu kinda kihya.
Kawiilo dya kindedi
Atogolwe Mnungu, naho Ise dya Zumbe ywetu Yesu Kilisito, kwa mbazi zakwe zitendese nakakitenda chelekwe uhya, kwa kumuuyula Yesu Kilisito, kakink’ha kawiilo dina ukindedi.
Kwa kongezela, mnde na lukunde, kwaviya lukunde lwalunganya kila kint’hu mwo uhamwenga ukint’hile. Na utondowazi wa Kilisito ilongoze mwe mioyo yenyu. Kwaviya Mnungu kawetangani mnde no uwo utondowazi, kwaivo mwili mwo mwili umwenga. Naho mgambe, nivedi!
Watati zetu wacheleke wakiogola kwa lupisi du enga viya ikuwelela, mna Mnungu akiogola kwa kuchambiza vileke kinde want’hu wa Mnungu enga yehe. Kwa ivi haluse kuogolwa kwaluma naho kwagela kinyulu, mna kulongole kwegala utondowazi no wikazi ukumwelela Mnungu kwa wose wahinizwe nu kuogolwa uko.
Makanyo mwe mbuli ya wefenyi
Ivo, kauliseni nyuwe ukugamba, "Dielo hegu luvi nekiite kwo mzi udya na udya no kwikala uuko mwaka umwenga, kikachuuza kipate matundu." Nyuwe du hamuumanyize ugima wenyu wa luvi. Nyuwe ni enga kungugu dikulaila kwa lupisi du, niyo dyatazuka. Vituhu vakwe nomuungwa mgambe, "Uneva Zumbe akaunga, nekinde wagima na kudamanya idi na idi." Mna haluse mwakefenya no kuketogola, kuketogola kwose uku kwiha.
Elo yeyose amanyize ayedi mna hakuyadamanya, uyo adamanya wavu.