Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Ɓaah ciŋ ngo, ini kaɗ nga so, ŋ ambɗi ne ŋ rahsiɗa waaye, raakiɗ ini mi na tume : Mi na alkohe alkoh ini ŋ cootuk te ŋ ndengɗukee ŋ ini ŋ fikiiri. Mi yii nup nup yurhiɗ ngaŋ ɗiski na kaɗse ne ŋ min rahas aafi, aafi tah Kooh ɓeeɗuk ko taamboh ŋ Kiristaani Yeesu ne ŋ kaɗ ŋ ɗafka.
Wa nikɗi haa ne ŋ rahsiɗ ineem jen po ƴutiɗ, wala ŋ reyiɗ ŋ mit ; waaye mi yii nup ne ŋ amba, findi mi ŋ haf fo Kiristaani Yeesu amboh ho. Ɓaah ciŋ ngo, ini kaɗ nga so, ŋ ambɗi ne ŋ rahsiɗa waaye, raakiɗ ini mi na tume : Mi na alkohe alkoh ini ŋ cootuk te ŋ ndengɗukee ŋ ini ŋ fikiiri. Mi yii nup nup yurhiɗ ngaŋ ɗiski na kaɗse ne ŋ min rahas aafi, aafi tah Kooh ɓeeɗuk ko taamboh ŋ Kiristaani Yeesu ne ŋ kaɗ ŋ ɗafka. Mbaa, ɓoo ɓi nikisɗi komaaki jen ŋ kosi ɓoo kos, ɓoo ambaat liiɓeem ; te ɗu raak ini ɗu hunɗi na so nga ɗah, Kooh hey ɗu wa name inhiɗ.
Ɓo' nikka ŋ Kiristaani ɗah, a na nike feruuɗ as. In ca maañiɗ ca cootiɗ, in ci jen as kotii.
Kooh yakɗaah, Koohiŋ Heɗ ɓoo Yeesu Kiristaa, a nammba nik Baabiŋ ɗe. Ŋ miski ɓoo misik ɗe keeh-keeh, a tumiɗ po ɓoo rimkissiɗ, a onnda ɓoo yaakaari na pese taamboh ŋ hultiŋ Yeesu Kiristaa.
Waaye ini uupiɗ in ceem jen etoh, weɗ ne ɗu waaɗtiɗoh, te waaɗoh weɗ ambtiɗohi mit.
Jamiŋ Kiristaani adgohaat keeñ ciŋ ɗu, ɗu ɓeeɗku ŋ jameem ŋ niki ɗu nik faan yino. Genaat corkiɗ Kooh !
Baab ciŋ ɓoo na koɗe ɓoo ɓi kiis rek, ŋ findi ɓa hotoh ; Kooh nak, koɗi a na koɗe ɓoo, wa ini baah nga ɓoo ne a ɓaahndoh ɓoo ŋ hool kiŋ ɗe. Wa keeh ne ɓo' koɗsee ɗah, wa na nikeeɗi in neɓiɗ nga ɗe, wa in miskiɗ ; waaye wa na mirndohe rimiɗ ɓi teyɗuk taamb nga kipes yurhiɗ huniɗ na jam.
Sikɗukaat ɗu ɓi na woye ne : « Woti wala kim, ɓoo hey kee kur nangam, ɓoo tum nga kiis, ɓoo toontuk, ɓoo raak kopor. » Ɗu inah inah kimiŋ ɗu findi wa moocohan e ? Kipes kiŋ ɗu ye ? Ɗu mand na maari na pule, wa maañuu, wa coot. Inii kay weɗ ɗu joy woo : « Wa neɓ Heɗi ɗah, ɓoo hey pese, ɓoo haɓiɗ inii wala wii. » Waaye ɗu ɓii yaksiɗuk ŋ yegi ɗu yeg haf ɗu te yaksiɗuk mand ɗaa baahɗi.
Mbaa ɓoyi inah ini baahiɗi a joy haɓiɗ, a haɓiɗɗaa ɗah, a bakaaɗiɗ.