Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
Aliemaa mɔ, mennwu me nwo kyɛ me sa aha ye dada, mmom nikye kõ yeɛ ole kyɛ, me maa me wora fi bɔ wapɛ nu ne, na metwe me nu kyɛ ngodwu bɔ ɔwɔ me nyunu nanwo, mebɔ mmɔden kyɛ ngodwu botae nanwo, na wamaa me sa aha abasobɔdeɛ ne. Sɔ abasobɔdeɛ ne yeɛ ole anwuro frɛlɛ ne, na Nyameɛ kɔfa kɔma bɛ bɔ ɔnate Kristo Yesu so afrɛ bɛ ne.
Ɔtte kyɛ ebia manya ɛhe dada, anaa mali mu mayie, na mmom bɔ yeti yeɛ Kristo Yesu yele me ne, mebɔ mmɔden menea sɛ́ ngodwu ye nwo a. Aliemaa mɔ, mennwu me nwo kyɛ me sa aha ye dada, mmom nikye kõ yeɛ ole kyɛ, me maa me wora fi bɔ wapɛ nu ne, na metwe me nu kyɛ ngodwu bɔ ɔwɔ me nyunu nanwo, mebɔ mmɔden kyɛ ngodwu botae nanwo, na wamaa me sa aha abasobɔdeɛ ne. Sɔ abasobɔdeɛ ne yeɛ ole anwuro frɛlɛ ne, na Nyameɛ kɔfa kɔma bɛ bɔ ɔnate Kristo Yesu so afrɛ bɛ ne. Yeti, yɛbɔ yɛ nwo akwokwa ne, ɛmɔma yɛnya sɔ adwene ne, na sɛ ɛmɔle adwene foforɛ bie a, Nyameɛ kɔmaa ɛmɔ konwu adwene bɔ ɔfata ne.
Yeti, ebiala bɔ ɔne Kristo ayɛ kõ ne, wayɛ abɔdeɛ foforɛ. Nningyein daa ne apɛ nu; ɛmɔnea, nningyein foforɛ yeɛ wawa ɔ.
Ayɛyie ha Nyameɛ, y’Awurade Kristo Yesu Baba ne. Ye anwunvoin ti, otingyele Yesu fili ewue nu, na ɔnate so awo yɛ foforɛ maa yanya anidasoɛ bɔ ngoa wɔ nu,
Ye mukoraati si ne, ɛmɔwura ɔdɔ kyɛ atadeɛ, ofikyɛ ɔka nningyein bɔnu maa odi mu. Afei, ɛmɔma Kristo asomdwie ne li ɛmɔ ahone so, ofikyɛ ɛhe ati yeɛ bɛfrɛle ɛmɔ bɛwale nipadua kõ nu ne. Na nnɛmɔyɛ bonniayɛ.
Bɛ de, bɛteane yɛ mmerɛ kaa bie, kyɛbɔ bɛnwu ye kyɛ ɔte paa ma bɛ ne, na ye de, yɛ pa nu ti yeɛ ɔyɛ sɔ ne, kyɛbɔ ɔkɔyɛ a, yekonya ye krongron ne bie. Nahorɛ dwirɛ yeɛ ole, kesaalae de, asotwe biala nne berɛ bɔ ɔyɛ fɛ ɔ, mmom ɔyɛ yea; nakoso yesi ne, bɛ bɔ bɛmaa ɔtete bɛ ne, osu asomdwie mmaa bɔ yeɛ ole tenenee ne.
Ɛmɔtie, ɛmɔ bɔ ɛyɛ a ɛmɔka kyɛ: "Ɛnɛ anaa ɛhema, yɛkɔtu atee yɛkɔhɔ kuro he aso yɛkooli afoɛ, na yayɛ adwuma yanya mvasoɛ," nakoso bɔ okosi ɛhema po ne, ɛmɔnze ne. Ɛmɔ ngoa te kyɛ nwosina, ɔba mmerɛ kaa bie, né wamini. Mmom, odikyɛ ɛmɔka kyɛ: "Sɛ Awurade boka na yɛte ngoa nu a, yɛkɔyɛ ɛhe anaa ɛhe." Nakoso ɛmɔ de, ɛmɔkeka edwirɛ mbiri-mbiri bɛfa bɛhoɔhoa ɛmɔ nwo. Sɔ ahohoɔhoa namukoraati te bɔne. Yeti, ebiala bɔ ɔse pa na ɔnyɛ ne, ɔte bɔne ma ye.