Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
A̱ngui̱nꞌ, ni máꞌ ikhúúnꞌ tsítha̱n rí ni̱ꞌngo̱ꞌ máꞌ. I̱ndo̱ó máꞌ numuu rí mbóó rí na̱ne̱lo̱ꞌ: nambumuꞌ ja̱yo̱o̱ mbá xúgíí rí ninguanúu tsu̱di̱í, jamí na̱xna̱-mína̱ꞌ tsiakhe̱ rí ma̱xkamaa rí wéje̱ i̱tha̱án inúú. Naka máꞌ xúꞌkhue̱n kajngó ma̱gánú ná rí jaꞌyoo ma̱gánúlo̱ꞌ, xúꞌkhue̱n máꞌ ma̱goo ma̱gruígú rí maxníꞌ Ana̱ꞌlóꞌ ná mikhuíí. Ikhaa numuu rúꞌkhue̱n nindxaꞌwálóꞌ ga̱jma̱á majñu̱u̱ Krísto̱ Jesús.
Xóó tsíguáꞌnúlóꞌ ná phú jaꞌyoo mu̱guáꞌnúlóꞌ
Tsíyoꞌ gátha̱n rí nijrúꞌúún máꞌ inuu mbá xúgíí ni máꞌ na̱nguá káxu̱ún xóó. I̱ndo̱ó máꞌ numuu rí naka máꞌ xúꞌkhue̱n i̱tha̱án inúú numuu rí gúꞌthu̱u̱n rí ma̱xkamaa rí nandoo Ana̱ꞌlóꞌ rí ma̱nindxu̱ꞌ. Numuu rúꞌkhue̱n nixkamúú Krísto̱ Jesús mangaa. A̱ngui̱nꞌ, ni máꞌ ikhúúnꞌ tsítha̱n rí ni̱ꞌngo̱ꞌ máꞌ. I̱ndo̱ó máꞌ numuu rí mbóó rí na̱ne̱lo̱ꞌ: nambumuꞌ ja̱yo̱o̱ mbá xúgíí rí ninguanúu tsu̱di̱í, jamí na̱xna̱-mína̱ꞌ tsiakhe̱ rí ma̱xkamaa rí wéje̱ i̱tha̱án inúú. Naka máꞌ xúꞌkhue̱n kajngó ma̱gánú ná rí jaꞌyoo ma̱gánúlo̱ꞌ, xúꞌkhue̱n máꞌ ma̱goo ma̱gruígú rí maxníꞌ Ana̱ꞌlóꞌ ná mikhuíí. Ikhaa numuu rúꞌkhue̱n nindxaꞌwálóꞌ ga̱jma̱á majñu̱u̱ Krísto̱ Jesús.
Ikhaa jngó, mbá xúgiáanꞌlóꞌ tsáánꞌ nikhiáanꞌlóꞌ máꞌ ná rí nanimba̱ꞌlóꞌ, xkuaꞌnii gíꞌmaa rí ma̱ju̱ma̱ꞌlóꞌ jayu. Jamí xí mbrúthun i̱ju̱ma̱ꞌlaꞌ rá, Ana̱ꞌlóꞌ masngájma rí ma̱fraꞌa̱ꞌlaꞌ rúꞌkhue̱n mangaa.
Ikhaa jngó, xí mbáa xa̱bo̱ xtáa̱ ga̱jma̱á nindxu̱u̱ Krísto̱, mbáa xa̱bo̱ tsí ni̱gu̱ma-nuxi̱iꞌ ñajuu̱n. Wámba̱ máꞌ mbá xúgíí rí wayuu, jamí mbá xúgíí neꞌne-nuxi̱iꞌ rí xúge̱ꞌ rá.
A̱gu̱ma-mba̱a̱ Ana̱ꞌlóꞌ numuu rí ríga̱ mújúun rí mu̱drígúulóꞌ
A̱gu̱ma-mba̱a̱ Ana̱ꞌlóꞌ, Anu̱u̱ máꞌ Tátiálóꞌ Jesukrísto̱, numuu rí phú mba̱a̱ niñáwíin a̱kuii̱n jaꞌyalóꞌ jamí niꞌnii̱ rí ma̱gu̱ma-nuxáanꞌlóꞌ ga̱jma̱á majñu̱u̱ rí ndiyáa mbiꞌyuu Jesukrísto̱. Rúꞌkhue̱n naꞌne rí ga̱jma̱á mbá jañii a̱kia̱nꞌlóꞌ mu̱waꞌthi̱ínlóꞌ
Rí phú i̱tha̱án gíꞌdoo numuu ñajuun rí ma̱galaꞌ ju̱ya̱-mijnálaꞌ, numuu rí ikhaa rúꞌkhue̱n ma̱ꞌne rí mbóó idxa̱ꞌlaꞌ gáꞌne.
Ga̱ri̱gá máꞌ xúꞌkhue̱n tsímáá rí naxná Ana̱ꞌlóꞌ ga̱jma̱á nindxa̱ꞌlaꞌ. Numuu rí ikháanꞌlaꞌ watsaꞌwálaꞌ rí ma̱nindxa̱ꞌlaꞌ asndo xó rí mbáwíi xa̱bo̱. Jamí gu̱rígu̱ulaꞌ gamaku inuu Ana̱ꞌlóꞌ.
Jamí tsí ñajuun tátiálóꞌ ga̱jma̱á nániálóꞌ ná numbaa ríge̱ꞌ, mbá wátha̱ máꞌ tsigu ni̱xpríguálóꞌ, xómá nifruꞌúu̱n ikhii̱n. Xómáꞌ Ana̱ꞌlóꞌ rá, naxpríguálóꞌ kajngó phú i̱tha̱án máján gágájnalóꞌ jamí ma̱ꞌne-jaꞌwáanꞌlóꞌ xómá ikhaa̱. Gakon máꞌ rí xúge̱ꞌ nimbá tsixprígú tsíꞌne ne̱ rí ma̱xtáa gagi tsí na̱grui̱gú ne̱, rí naꞌne ne̱ rí ma̱xtáa̱-jínúu̱. I̱ndo̱ó máꞌ numuu rí nda̱wa̱á rí ni̱ꞌngo̱o̱ máꞌ a̱kui̱ín tsí waxprígúún, nakujma rí xa̱bo̱ tsúꞌkhue̱n júwe̱e̱ꞌ tsímáá jamí nuni̱i̱ rí máján.
Mu̱xúxu̱xí-mijnálaꞌ ga̱jma̱á numuu mbiꞌi rí gátsíí
Gu̱dxawíínlaꞌ ríge̱ꞌ, tsáanꞌ nu̱tha̱nlaꞌ: «Xúge̱ꞌ o gátsíí mu̱ꞌgua̱lóꞌ xuajen rúꞌkhue̱n o ríge̱ꞌ, ma̱juwalóꞌ mbá tsigu ikhín, mu̱ngu̱jwa̱ngaalóꞌ jamí mu̱ꞌdaalóꞌ mbúkha̱a̱». Jamí ni tsíya̱álaꞌ dí gáríga̱ gátsíí, ni máꞌ tsíya̱álaꞌ xí xóó juwalaꞌ. Dí lá ñajuun mbiꞌyalaꞌ rá. Xómá ru̱jmba̱aꞌ rí nakujma mbégo jamí i̱mbrúma nánda̱a̱ ne̱, xkuaꞌnii jaꞌñáaꞌlaꞌ. I̱wa̱á máján rí xáꞌnii gútha̱nlaꞌ: «Xí Ana̱ꞌlóꞌ nandoo, ma̱juwalóꞌ jamí mu̱ꞌne̱lóꞌ ríge̱ꞌ o mu̱ꞌne̱lóꞌ rí ñúꞌún». Xómáꞌ ikháanꞌlaꞌ phú na̱ni̱gua̱ꞌlaꞌ rí mu̱tha̱n-tsiꞌyálaꞌ, asndo xómá rí ikháanꞌlaꞌ nu̱tha̱n-ñájwíínlaꞌ mbiꞌyalaꞌ jaꞌnii. Ra̱máján e̱ne̱laꞌ rí nu̱ne̱-tsiꞌyálaꞌ xkuaꞌnii. Ikhaa jngó, tsí ndaꞌyoo máꞌ náá rí máján ma̱ꞌne, jamí tsíꞌnii̱ ne̱, aꞌkhán iꞌnii̱.