Ano novo
O Ano Novo é oportunidade de renovação e consagração. A Bíblia convida a esquecer o que ficou para trás e avançar em fé, confiança e esperança em Deus.
ಭೇನೆ ಭೈಯೇವೊ, ಮೇತೊ ಯೋ ಶುಶತ್ನ ಪೋಚಿರ್ಹೋಸ್ಕರಿ ಹಮ್ಕೆಲಗುಬಿ ಕೊ ಬೋಲಿರಾಖ್ಯೋನಿ. ಕತೋಬಿ ಆ ಹೈರುತೆ ಖ್ಹಾಚು಼. ಪಾಛ಼್ಲಿ ಬಾರೇಮ ಭೈಕಿಜೈ಼ನ್, ಮಾರೇಥಿ ಹುವಾಯೆತ್ರೆ ಖ್ಹಾಮೆ ಹುವಾಸ್ತೆ ಇನ ಧರಿಲ್ಯವಾನ ಖ್ಹಾಜೆ ಮಿಲವ್ಕರುಸ್. ಕ್ರಿಸ್ತ ಯೇಸುಮ ದೇವ್ನ ಮಹಾನ್ ಬುಲಾವ್ಣಿಖ್ಹಾಜೆ ಇನಾಮ್ನ ಲೇವ್ಣುಕರಿ ಶುಶತ್ ಭಾಂದಿನ್ ನಾಖ್ಹುಕರೂಸ್.
ಶುಶತ್ನ ಪೊಚಾ಼ನಖ್ಹಾಜೆ ದೌಡ್
ಅತ್ರಾಸ್ಮ ಮೆ ಆ ಅಖ್ಖಾನ ಲೀಲಿನ್ ಪೂರ ಹುಯಿಗೊಕರಿ ಕೊಬೋಲೂನಿ. ಕತೋಬಿ ಮೆ ಶನ ಲೇವ್ಣುಕರಿ ಕ್ರಿಸ್ತ ಯೇಸು ಮನ ಧರಿಲಿದೋಕಿ ಯೋ ಲೀಲ್ಯಾವನ ಖ್ಹಾಜೆ ಕೋಶಿಶ್ ಕರುಸ್. ಭೇನೆ ಭೈಯೇವೊ, ಮೇತೊ ಯೋ ಶುಶತ್ನ ಪೋಚಿರ್ಹೋಸ್ಕರಿ ಹಮ್ಕೆಲಗುಬಿ ಕೊ ಬೋಲಿರಾಖ್ಯೋನಿ. ಕತೋಬಿ ಆ ಹೈರುತೆ ಖ್ಹಾಚು಼. ಪಾಛ಼್ಲಿ ಬಾರೇಮ ಭೈಕಿಜೈ಼ನ್, ಮಾರೇಥಿ ಹುವಾಯೆತ್ರೆ ಖ್ಹಾಮೆ ಹುವಾಸ್ತೆ ಇನ ಧರಿಲ್ಯವಾನ ಖ್ಹಾಜೆ ಮಿಲವ್ಕರುಸ್. ಕ್ರಿಸ್ತ ಯೇಸುಮ ದೇವ್ನ ಮಹಾನ್ ಬುಲಾವ್ಣಿಖ್ಹಾಜೆ ಇನಾಮ್ನ ಲೇವ್ಣುಕರಿ ಶುಶತ್ ಭಾಂದಿನ್ ನಾಖ್ಹುಕರೂಸ್. ಅಪ್ಣಾಮ ಪುರ್ಗುಲ್ ಹುಯಿರ್ಹವಾಳ ಖ್ಹಾರಸ್ ಜ಼ಣ ಆ ಬಾರೇಮ ಪೂರ ಹುಯಿರ್ಹೇವ್ಣು. ಅಜು಼ ಖಿವುತೋಬಿ ಏಕ್ ವಾತೆವ್ಮ ತುಮೆ ಅಲಕ್ ಸೋಚ್ವಾಳ ಹುಯಿರ್ಹಾತೊ ಇನ ದೇವ್ ತುಮುನ ವತಾಳಿ ದಿಶೆ.
ಇನಖ್ಹಾಜೆ ಕೋಣ್ತೋಬಿ ಕ್ರಿಸ್ತಮ ರ್ಹಯುತೊ, ಯೊ ನವೇಥಿ ಉಬ್ಜಿರ್ಹೋಸ್. ಹಂದೇಖೊ, ಜೂ಼ನು ಚಾ಼ಲ್ಯೂತೆ ಅಖ್ಖೂಸ್ ನೂಛೈ಼ಗಯು; ನವೇಥಿ ಜ಼ಲಮ್ಲಿದು.
ಜಿವ್ತೊ ಭರೋಖ್ಹೊ
ಅಪ್ಣೊ ಪ್ರಭು ಯೇಸು ಕ್ರಿಸ್ತನೊ ಬಾಬಿ ದೇವ್ಬಿ ಹುಯಿರ್ಹವಾಳನ ಧನ್ಯವಾದ್ ಹುವಾದೆ! ಶನಕತೊ ಯೋ ಯೇಸು ಕ್ರಿಸ್ತನ ಮರ್ಯಾಹುಯಾಮಾಥು ಜಿವ್ತೊಕರಿನ್, ಇನಿ ಮೋಟಿ ಗೋರ್ಥೀಸ್ ಅಪ್ಣುನ ನವೊ ಜ಼ಲಮ್ ಅಜು಼ ಜಾನ್ನ ಭರೋಖ್ಹಾನ ದಿರಾಖ್ಯೊಸ್.
ಅಜು಼ ಭರ್ಪೂರ್ಮ ಅಖ್ಖುಜ಼ಣು ಒಗ್ಗಟ್ಥಿ ಭಂದೈರ್ಹೀನ್ ಪ್ಯಾರ್ಮ ಭರೈರ್ಹೆವೊ. ಕ್ರಿಸ್ತನಿ ಸಮಾಧಾನ್ ತುಮಾರ ದಿಲ್ಮ ಚ಼ಲಾವನ ಮ್ಹೇಲೊ. ಇನಖ್ಹಾಜೇಸ್ ತುಮೇಬಿ ಎಕ್ಕಸ್ ಶರೀರ್ ಹುಯಿರ್ಹಾವನಿತರ ಬುಲೈರ್ಹಿಶು ಆ ನಾಹುಯಿನ್ ಧನ್ಯವಾದ್ ಕರಾವಾಳ ಹುಯಿರ್ಹೆವೊ.
ಅಪ್ಣ ಲೋಕಾನು ಬಾಯಿವ್ಣೆ ಇವ್ಣ ದಿಲ್ಮ ಬರಬರ್ ದೆಖಾವಸ್ತೆ ಇಮ್ ಥೋಡ ದನ್ ಅಪ್ಣುನ ದಾಬುಕ್ ದಿದು. ಕತೋಬಿ ದೇವ್ನೆ ಇನಿ ಪರಿಶುದ್ಮ ಅಪ್ಣೆ ಭಾಗ್ವಾಳ ಹುಯಿರ್ಹೇವ್ಣುಕರಿ ಅಪ್ಣ ಅಛ್ಛಾ಼ನ ಖ್ಹಾಜೆಸ್ ದಾಬುಕ್ ದೇಸ್. ಖಿವು ನಿಶತ್ಬಿ ಯೊ ವಖ್ಹತ್ಮ ಖ್ಹುಶಿಥಿ ದೆಖಾವಕೊಂತೆ ದುಖ್ನಿಘೋಣಿಸ್ ದೆಖಾವಸ್. ಕತೋಬಿ ಅಛ್ಛಿನಿತರ ರ್ಹವಾನ ರುಡಿರಾಖವಳು, ಖ್ಹಾಮ್ಣೆ ಸಮಾಧಾನ್ ರ್ಹವಾನು ನ್ಯಾಯನು ಫಲ್ನ ಲೇಸ್.
ಬಡೈಮಾರವಾಳಾನಿ ವಿರೋದ್ ಝೇತಾವ್ಣಿ
"ಆಜ಼್ನೊ ದನ್ ನತರ್ ಕಾಲ್ ಅಪ್ಣೆ ಅಥ್ರಾನ ಖ್ಹಯೇರ್ನ ಜೈ಼ನ್ ಹಿಜ್ಜಾ಼ ಏಕ್ವರಖ್ಹ್ರ್ಹೀನ್ ಬೇಪಾರ್ಕರೀನ್ ನಫ್ಫೊ ಕಮೈಲಿಯೇಸ್" ಕರಿ ಬೋಲವಾಳ ಖ್ಹಮ್ಜೊ. ಕಾಲ್ಶಾತ್ ಉಶೇಕಿ ತುಮೂನ ಮಾಲುಮ್ ಕೊಯ್ನಿ, ತುಮಾರು ಜಿ಼ಂದ್ಗಿ ಕಿಮ್ಕಿ? ಯೋ ಥೋಡಿಘಡಿ ದೆಖೈನ್ ಇನಪಾರ್ ದೆಖಾವಕೊಂತೆ ಧುವರ್ನಿತರ ತುಮೆ ಛಾ಼. ಇನಖ್ಹಾಜೆ ತುಮೆ ಅಥ್ರಾನಿ ವಾತ್ನ ಮ್ಹೆಂದಿನ್ "ಪ್ರಭುನಿ ಖ್ಹೂಜ಼಼್ ಉಷೇತೊ ಅಪ್ಣೆ ಬಚಿರ್ಹಿಶು ಅಜು಼ ಆ ಕಾಮ್ರ್ಹೆವೊ ಯೋ ಕಾಮ್ರ್ಹೆವೊ ಕರ್ಶು" ಕರಿ ಬೋಲ್ಶು ಕರಿ ತುಮೆ ಬೋಲಿಲೇವ್ಣು. ಕತೋಬಿ ತುಮೆ ತುಮಾರಿ ಅಹಂಕಾರ್ಥಿ ತುಮಾರಿ ಬಾರೇಮ ಬಡೈಮಾರಿಲೇವೋಸ್. ಎಥ್ರಾನಿ ಖ್ಹರಾವ್ಣಿ ದೇವ್ನಖ್ಹಾಮ್ಣೆ ಗಲ್ತೀಸ್.
ಅಮ್ರ್ಯವಾಪರ್ ಅಛ್ಛಾ಼ನ ಕರ್ನುಕರಿ ಮಾಲುಮ್ ರ್ಹೀನ್ಬಿ ಕೋ ಕರಾಂತೆ ಯೊ ಪಾಪ್ ಕರಾವಾಳೊ ಹುಯಿರ್ಹೊಸ್.