29 Beno ndima lutumu mpe ndongosolo ya munu samu ti mu kele na ntima ya kulembama mpe ya kukuluka. Na yina, beno ke kuzwa mvundulu. 30 Ya tsyelika, lutumu ya munu kele mpasi ve, mpe kizitu yina mu ke na kupesa beno kele dema ve.»

19 Na yina, beno kwenda na sika ya bantu ya bayinsi nyonso, mpe beno kitula bawu na kukuma bilandi ya munu. Beno botika bawu na nkumbu ya Tata, ya Mwana, mpe ya Mpeve ya Longo. 20 Beno longisa bawu na kutumama na mambu nyonso yina mu tumisaka beno. Beno fwana kuzaba ti mu kele na beno bilumbu nyonso tii na nsuka ya yinza.»

26 Kisadisi, Mpeve ya Longo yina Tata ke fidisa beno na Nkumbu ya munu ke longisa beno mambu nyonso, mpe ke bambula beno moyo na mambu nyonso yina mu ke na kuzabisaka beno.

16 Yesu vutulaka: «Ndongosolo ya munu ke katukaka ve na munu mosi, kasi na Nzambi yina fidisaka munu.

27 Kasi beno, Mpeve yina beno kuzwaka na sika ya Klisto kele na kati ya beno. Beno kele ve na nsatu ya mulongisi ya nkaka, samu ti Mpeve ya Longo ke longisaka beno mambu nyonso, mpe mambu yina yandi ke longisaka beno kele ya tsyelika. Yawu kele ya luvunu ve. Ni yawu yina, beno vwanda ya kukangama na Klisto mutindu Mpeve ya Longo longisaka beno.

7 Kuzitisa Yave kele mbandukulu ya luzabu✝. Ni bizoba ke zolaka ve ndwenga mpe ndongosolo.

11 Mwana ya munu, kumanga ve ndongosolo ya Yave, kuyina ve bankebosolo ya yandi. 12 Samu ti Yave ke sembaka muntu yina yandi ke zolaka, mutindu tata ke sembaka mwana yina yandi ke zolaka mingi.

11 Mu me lakisa nge nzila ya ndwenga, mu me twadisa nge na banzila ya kusungama.

1 Muntu yina ke zolaka malongi, yandi zola luzabu, kasi muntu yina ke yinaka bankebosolo, yandi kele kizoba.

5 Na yina, beno fwana kuzaba mbote-mbote ti Yave Nzambi ya beno ke na kulonga beno mutindu tata ke longaka mwana ya yandi.

16 Bika ti mambu ya Klisto kuvwanda ya kufuluka na bantima ya beno. Beno longisa mpe kebisa bampangi beno na beno na ndwenga nyonso. Beno tonda Nzambi na ntima nyonso na Mikunga, banzimbu, mpe na banzimbu yina Mpeve ya Longo ke pesaka.

11 Ni yawu yina, beno kindisa bampangi mpe beno salasana na kukula na kiminu mutindu beno ke na kusala yawu.

42 Bilumbu nyonso, bawu vwandaka tatamana na kati ya Yinzo ya Nzambi mpe na bayinzo ya bawu na kulongisa mpe kumwangisa Nsangu ya Mbote ya Yesu yina kele Masiya.

20 Beno zaba ti mu bumbaka ata dyambu yina vwandaka mfunu na beno. Mu zabisaka mpe longisaka beno mambu nyonso na ntwala ya bantu nyonso mpe na bayinzo ya beno.

9 Malongi nyonso yina beno longokaka na munu, mpe bifu nyonso yina beno kuzwaka na munu, beno sadila yawu. Mambu nyonso yina beno kuwaka na munu, mpe yina beno talaka munu na kusala, beno sala yawu. Na yina, Nzambi yina ke pesaka beto kizunu ke vwanda na beno.

1 Kasi nge fwana kulongisa mambu ya kulunga na ndongosolo ya tsyelika.

10 Lakisa munu wapi mutindu mu ke sadila luzolo ya nge,

samu ti nge kele Nzambi ya munu.

Bika ti mpeve ya nge yina kele mbote

kutwadisa munu na nzila yina ba me yidika!

4 Yave, sala ti mu zaba ba nzila ya nge,

longisa munu mutindu nge zola mu zinga!

5 Twadisa munu na butsyelika ya nge mpe longisa munu!

Nge kele Nzambi ya mpulusu ya munu,

mu me tula kivuvu ya munu na nge bantangu nyonso.

8 Yave kele mbote mpe yandi kele ya kusungama.

Ni yawu yina, yandi ke lakisa misumuki nzila.

9 Yandi ke twadisaka bamputu na ludedomo nyonso.

Yandi ke lakisaka bamputu nzila ya yandi.

8 «Mu ke longisa nge,

mu ke lakisa nge nzila yina nge fwana kulanda.

Mu ke pesa nge malongi,

mu ke sikika meso ya munu na nge.

9 Na mpimpa, mwela ya munu ke vwandaka na nsatu ya nge,

na kati ya ntima ya munu, mpeve ya munu ke sosaka nge,

samu ti ntangu bansembolo ya nge kubwaka na ntoto,

bantu ya yinza ke longokaka ludedomo.