29 Sunda ninyo ang akong mga sugo ug magpatudlo kanako kay malumo ako ug mapainubsanon. Makapahulay kamo, 30 kay ang akong pagtulon-an sayon sundon, ug ang akong sugo sayon buhaton."

19 Busa adtoi ninyo ang mga katawhan sa tanan nga dapit. Ug himoa ninyo sila nga akong mga tinun-an. Bautismohi ninyo sila sa ngalan sa Amahan, sa Anak, ug sa Espiritu Santo. 20 Tudloi ninyo sila sa pagtuman sa tanan nga akong gisugo kaninyo. Hinumdomi ninyo nga kauban ninyo ako kanunay hangtod sa kataposan sa kalibotan."

26 Apan kon makagikan na ako, ang Magdadasig nga mao ang Espiritu Santo mao ang ipadala sa Amahan puli kanako. Siya ang magtudlo kaninyo sa tanang mga butang, ug magpahinumdom kaninyo sa tanan nga akong giingon kaninyo.

16 Miingon si Jesus kanila, "Ang mga gitudlo ko kaninyo wala maggikan kanako, kondili naggikan sa Amahan nga nagpadala kanako.

27 Apan kamo, ang Espiritu nga nadawat ninyo gikan kang Cristo nagpabilin kaninyo, busa dili na kinahanglan nga tudloan pa kamo sa uban nga mga tawo. Kay ang iyang Espiritu mao ang nagtudlo kaninyo sa tanang mga butang, ug ang iyang gitudlo tinuod ug dili bakak. Busa, sama sa iyang giingon kaninyo, pabilin kamo kang Cristo.

7 Ang tawo nga gustong magmaalamon angayng magtahod sa Ginoo.

Ang tawong buang-buang* gipakawalay-bili ang kaalam

ug dili gustong matul-id ang iyang pamatasan.

11 Anak, ayaw ipakadaotan ang pagdisiplina sa Ginoo kanimo.* kanimo: o pagtul-id sa Ginoo sa imong pamatasan.

Ayaw ikasakit kon badlongon ka niya.

12 Kay disiplinahon sa Ginoo ang iyang pinangga,

sama sa ginahimo sa usa ka amahan ngadto sa anak nga iyang gikahimut-an.

11 Nagtudlo na ako kanimog kaalam,

kon unsaon pagkinabuhig ensakto.

1 Ang tawo nga modawat ug pagtul-id sa iyang pamatasan

gustong magmaalamon,

apan hungog ang tawong dili gustong badlongon.

5 Sabta ninyo nga sama nga ang usa ka tawo gadisiplina sa iyang anak, ang Ginoo nga inyong Dios gadisiplina usab kaninyo.

16 Hinaut nga isil-sil gayod ninyo sa inyong alimpatakan ang mga pulong ni Cristo. Tudloi ug pahimangnoi ang usag usa sumala sa kaalam nga gikan sa Dios. Pag-awit kamo ug mga salmo, himno ug uban pang mga alawiton nga spirituhanon, nga adunay pagpasalamat sa Dios sa inyong mga kasing-kasing.

11 Busa padayon kamo sa pagdinasigay sa usag usa, sama sa inyong gibuhat karon.

42 Adlaw-adlaw didto sila sa templo ug sa mga kabalayan ug nagpadayon ang ilang pagpangtudlo ug pagsangyaw sa Maayong Balita nga si Jesus mao ang Mesiyas.

20 Nahibaloan ninyo nga sa walay lipod-lipod gisulti ko kaninyo ang mga butang nga alang sa inyong kaayohan. Ako kining gipangtudlo sa publiko ug diha sa inyong mga balay.

9 Sunda ninyo ang tanan nga inyong natun-an sa akong pagpanudlo ug mga binuhatan. Ug ubanan gayod kamo sa Dios nga naghatag ug kalinaw.

1 Apan ikaw Tito, kinahanglan nga magtudlo ka sumala sa husto nga pagtulon-an.

10 Tudloi ako sa pagsunod sa imong kabubut-on,

kay ikaw ang akong Dios.

Hinaut pa nga ang imong maayong Espiritu

moagak kanako sa kahimtang nga layo sa katalagman.

4 Tudloi ako, Ginoo, sa imong mga pamaagi.

5 Tudloi ako sa pagkinabuhi subay sa imong kamatuoran,

kay ikaw ang Dios nga akong manluluwas.

Nagsalig ako kanimo sa kanunay.

8 Maayo ug matarong ka, Ginoo,

busa ginatudloan mo ang mga makasasala sa pamaagi sa pagkinabuhi.

9 Gigiyahan mo ang mga mapainubsanon sa pagbuhat sa matarong.

Gitudloan mo sila sa imong pamaagi.

8 Miingon ka kanako,

"Tudloan ka nako sa dalan nga angay mong agian.

Tambagan ka nako samtang nagbantay ako kanimo.

9 Sa tibuok kong kasing-kasing,

ginahandom ko gayod ikaw sa panahon sa kagabhion.

Tinuod nga kon ikaw maghukom sa mga katawhan sa kalibotan,

makat-on sila sa pagkinabuhi nga matarong.