29 میرا جُوا اَپنے اُوپر اُٹھالو اَور مُجھ سے سیکھو، کیونکہ مَیں حلیم ہُوں اَور دِل کا فروتن اَور تمہاری رُوحوں کو آرام ملے گا۔ 30 کیونکہ میرا جُوا آسان اَور میرا بوجھ ہلکا ہے۔"

19 اِس لیٔے تُم جاؤ اَور تمام قوموں کو شاگرد بناؤ اَور اُنہیں باپ، بیٹے اَور پاک رُوح کے نام سے پاک غُسل دو، 20 اَور اُنہیں اُن سبھی باتوں پر عَمل کرنے کی تعلیم دو جِن کا مَیں نے تُمہیں حُکم دیا ہے۔ اَور دیکھو! بے شک میں دُنیا کے آخِر تک ہمیشہ تمہارے ساتھ ہُوں۔"

26 لیکن وہ مددگار، یعنی پاک رُوح، جسے باپ میرے نام سے بھیجے گا، تُمہیں ساری باتیں سِکھائے گا اَور ہر بات جو مَیں نے تُم سے کہی ہے، یاد دِلائے گا۔

16 یِسوعؔ نے جَواب دیا، "یہ تعلیم میری اَپنی نہیں ہے بَلکہ یہ مُجھے میرے بھیجنے والے کی طرف سے حاصل ہویٔی ہے۔

27 لیکن تُمہیں تو خُدا کی طرف سے مَسح کیا گیا ہے، وہ تُم میں قائِم ہے، اِس لیٔے ضروُرت نہیں کہ کویٔی تُمہیں سِکھائے کہ سچ کیا ہے؟ کیونکہ المسیح کا رُوح تُمہیں سَب باتیں سِکھاتا ہے جو تُمہیں جاننا چاہئے، اَورجو کچھ وہ سِکھاتا ہے وہ سچ ہے جھُوٹ نہیں۔ اِس لیٔے جِس طرح پاک رُوح نے تُمہیں سِکھایا ہے اُسی طرح تُم المسیح میں قائِم رہو۔

7 یَاہوِہ کا خوف حِکمت کی اِبتدا ہے

لیکن احمق حِکمت اَور تربّیت کو حقیر جانتے ہیں۔

11 اَے میرے بیٹے، یَاہوِہ کی تربّیت کو ناچیز نہ جانو،

اَور اُن کی تنبیہ کا بُرا نہ مانو،

12 کیونکہ جِس سے یَاہوِہ مَحَبّت رکھتے ہیں اُسے تنبیہ بھی کرتے ہیں،

جَیسے باپ، اُس بیٹے کی ملامت کرتا ہے جسے وہ عزیز رکھتا ہے۔*

11 مَیں نے تُمہیں حِکمت کی راہ بتایٔی ہے،

اَور راہ راست پر تمہاری رہنمائی کی ہے۔

1 جو تربّیت کو عزیز رکھتا ہے وہ علم کو عزیز رکھتا ہے،

لیکن جو تنبیہ سے نفرت رکھتا ہے وہ وحشی جانور کی طرح احمق ہے۔

5 لہٰذا اَپنے دِل میں یہ حقیقت اَچھّی طرح سے بیٹھا لو کہ جِس طرح ایک باپ اَپنے بیٹے کو تنبیہ کرتا ہے اُسی طرح یَاہوِہ تمہارے خُدا تُمہیں تنبیہ کرتے ہیں۔

16 المسیح کے کلام کو اَپنے دِلوں میں کثرت سے بسنے دو اَور پُوری دانائی کے ساتھ ایک دُوسرے کو تعلیم دو اَور نصیحت کرتے رہو، اَور اَپنے دِلوں میں خُدا کی شُکر گُزاری کرتے ہویٔے زبُور، حَمد و ثنا اَور رُوحانی غزلیں گایا کرو۔

11 اِس لیٔے تُم ایک دُوسرے کی حوصلہ اَفزائی کرو اَور ترقّی کا باعث بنو، جَیسا کہ تُم کر بھی رہے ہو۔

42 روز بروز وہ تعلیم دینے سے باز نہ آئے بَلکہ ہر روز بیت المُقدّس کے صحنوں میں اَور گھروں میں، خُوشخبری سُناتے رہے کہ یِسوعؔ ہی المسیح ہیں یہ کہنے سے باز نہ آئے۔

20 اَورجو باتیں تمہارے لیٔے فائدہ مند تھیں اُنہیں مَیں نے بغیر کسی جِھجَک کے بَیان کیا بَلکہ جو کچھ بھی سِکھایا سرعام اَور گھر گھرجاکر سِکھایا۔

9 جو باتوں کو تُم نے مُجھ سے سیکھا یا حاصل کیا یا سُنا ہے یا مُجھ میں دیکھا بھی ہے، اُن پر عَمل کرتے رہوگے۔ تو خُدا جو اِطمینان کا چشمہ ہے تمہارے ساتھ رہے گا۔

1 بہرحال تُم وُہی باتیں بَیان کرو جو صحیح تعلیم کے مُطابق مُناسب ہوں۔

10 مُجھے سکھائیں کہ آپ کی مرضی پُوری کر سکوں،

کیونکہ آپ میرے خُدا ہیں؛

آپ کی نیک رُوح،

ہموار زمین پر میری رہنمائی کرے۔

4 اَے یَاہوِہ، مُجھے اَپنی راہ دِکھائیں،

اَور مُجھے اَپنی راہوں کی تعلیم دیں؛

5 اَپنی سچّائی پر مُجھے چلائیں اَور تعلیم دیں،

کیونکہ آپ میرے مُنجّی خُدا ہیں،

اَور دِن بھر میں آپ ہی سے اُمّید لگائے رہتا ہُوں۔

8 یَاہوِہ نیک اَور راست ہیں؛

اِس لیٔے وہ گُنہگاروں کو اَپنی راہوں کی تعلیم دیتے ہیں۔

9 وہ حلیموں کو بھلائی کی ہدایت کرتے ہیں،

اَور اُنہیں اَپنی تعلیم کی راہ پر چلاتے ہیں۔

8 میں تُمہیں ہدایت دُوں گا اَور بتاؤں گا کہ تُمہیں کس راہ پر چلنا ہوگا؛

میں تُمہیں صلاح دُوں گا اَور تُم پر نگاہ رکھوں گا۔

9 رات کے وقت میری جان تیرے لیٔے بیقرار ہو جاتی ہے؛

اَور صُبح کو میری رُوح تیری مُشتاق ہوتی ہے،

کیونکہ جَب آپ کا اِنصاف دُنیا پر ظاہر ہوتاہے،

تَب دُنیا کے باشِندے راستبازی سیکھتے ہیں۔