29 Toʻo ʻeku haʻamonga kiate kimoutolu, pea mou ako ʻiate au; he ʻoku ou angavaivai mo angamalū: pea te mou ʻilo ai ʻae fiemālie ki homou laumālie. 30 He ʻoku faingofua pe ʻeku haʻamonga, pea ʻoku maʻamaʻa ʻeku kavenga."

19 Ko ia ke ʻalu ʻakimoutolu, ʻo fakalotuʻi ʻae ngaahi puleʻanga kotoa pē, ʻo papitaiso ʻakinautolu ʻi he huafa ʻoe Tamai, mo e ʻAlo, mo e Laumālie Māʻoniʻoni: 20 ‌ʻO akonaki atu kiate kinautolu ke nau tokanga ki he ngaahi meʻa kotoa pē ʻaia kuo u fekau kiate kimoutolu: pea vakai, ʻoku ou ʻiate kimoutolu maʻuaipē, ʻo aʻu ki he ngataʻanga ʻo māmani." ʻEmeni.

26 Ka ko e Fakafiemālie ko e Laumālie Māʻoniʻoni, ʻaia ʻe fekau ʻe he Tamai ʻi hoku huafa, te ne akoʻi ʻakimoutolu ʻi he meʻa kotoa pē, mo fakamanatuʻi ʻakimoutolu ʻi he meʻa kotoa pē, ʻaia kuo u leaʻaki kiate kimoutolu.

16 Pea leaange ʻa Sisu kiate kinautolu, ʻO ne pehē, "Ko ʻeku akonaki ʻoku ʻikai ʻaʻaku, ka ʻoku ʻaʻana naʻa ne fekau au.

27 Ka ʻoku nofoʻia ʻakimoutolu ʻe he pani ʻoku mou maʻu meiate ia, pea ʻoku ʻikai ʻaonga ke akonakiʻi ʻakimoutolu ʻe ha taha: kae hangē ʻoku akonakiʻi ʻakimoutolu ʻe he pani ko ia ʻi he meʻa kotoa pē, pea ʻoku moʻoni ia, pea ʻoku ʻikai ko e loi, ʻio, ʻo hangē ko ʻene akonekina ʻakimoutolu, ke mou nofo pehē kiate ia.

7 Ko e manavahē kia Sihova ko e kamataʻanga ia ʻoe ʻilo:

ka ʻoku fehiʻa ʻae vale ki he poto mo e akonaki.

11 ‌ʻE hoku foha, ʻoua naʻa ke manukiʻi ʻae tautea meia Sihova;

pea ʻoua naʻa ke fiu ʻi heʻene valoki:

12 He ko ia ʻoku ʻofa ki ai ʻa Sihova ʻoku ne tautea;

ʻo hangē pe ko e tamai ki he foha ʻoku ne fiemālie ai.

11 Kuo u akonakiʻi koe ʻi he hala ʻoe poto;

pea kuo u tataki koe ʻi he ngaahi ʻaluʻanga totonu.

1 Ko ia ʻoku manako ki he ako ʻoku manako ki he poto:

ka ko ia ʻoku fehiʻa ki he valoki ʻoku anga fakamanu ia.

5 Pea te ke tokanga mo ʻilo ʻi ho loto foki, ʻoku hangē ko e tautea ʻe he tangata hono foha, ʻoku pehē pe ʻae tautea koe ʻe Sihova ko ho ʻOtua.

16 Ke nofoʻia ʻo lahi ʻaupito ʻakimoutolu ʻe he folofola ʻa Kalaisi ʻi he poto kotoa pē; pea mou feakonakiʻaki mo fetokoniʻaki ʻi he ngaahi saame, mo e lea mālie, mo e ngaahi hiva fakalaumālie, ʻo hiva mo e ʻofa ʻi homou loto ki he ʻEiki.

11 Ko ia ke mou fefakafiemālieʻaki ʻakimoutolu, ʻo felangaʻaki hake ʻakimoutolu, ʻo hangē foki ko ia ʻoku mou fai.

42 Pea naʻe ʻikai tuku ʻenau ako mo ʻenau malangaʻaki ʻa Sisu Kalaisi, ʻi he ʻaho kotoa pē, ʻi he falelotu lahi, pea mo e fale kotoa pē.

20 Mo ʻeku taʻetaʻofi ki ha meʻa ʻe taha ʻoku ʻaonga, ka kuo u fakaʻilo kiate kimoutolu, mo ako fakahā kiate kimoutolu, pea ʻi he ngaahi fale,

9 Ko e ngaahi meʻa ko ia, naʻa mou akonekina ai, mo maʻu, mo ongoʻi, mo mamata ki ai, ʻiate au, fai ia: pea ʻe ʻiate kimoutolu ʻae ʻOtua ʻoe melino.

1 Ka ke leaʻaki pe ʻe koe ʻae ngaahi meʻa ʻoku taau mo e akonaki haohaoa:

10 Akonakiʻi au ke u fai ki ho finangalo;

he ko koe ko hoku ʻOtua;

tuku ke tataki au ʻe ho Laumālie lelei,

ki he fonua ʻoe angatonu.

4 Fakahā kiate au, ʻE Sihova, ho ngaahi hala;

ako kiate au ho ngaahi hāʻeleʻanga.

5 Tataki au ʻi hoʻo moʻoni, mo akonakiʻi au:

he ko koe ko e ʻOtua ʻo ʻeku moʻui,

ʻoku ou tatali kiate koe ʻi he ʻaho kotoa.

8 ‌ʻOku angalelei mo angatonu ʻa Sihova,

ko ia te ne akonakiʻi ai ʻae kau angahala ʻi he hala.

9 Te ne tataki ʻae angamalū ʻi he fakamaau:

te ne ako hono hala ki he angavaivai.

8 Ko au te u fakapotoʻi koe mo akonakiʻi koe ʻi he hala ʻaia te ke ʻalu ai:

te u fakahinohino koe ʻaki hoku mata.

9 Kuo u holi ʻi hoku laumālie kiate koe ʻi he pō; ʻio, te u kumi vave kiate koe ʻaki ʻa hoku laumālie ʻi loto ʻiate au: he ka ʻi he fonua ʻa hoʻo ngaahi fakamaau, ʻe toki ako ʻae kakai ʻo māmani ki he māʻoniʻoni.