29 Pa’i ni mete’e ḇato 'Ari parenta re ni madoto’o ra Ngoi ḇato, sababu Ngoi 'ari 'akala re sinyingara 'i mereoso re maholo, re ngini ḏuanga i’a ni sanga ngomasa mamete’e ra Ngoi.✝ 30 Re parenta 'i tubuso ua, re gina ga’a To pula’a enanga 'i kare ḇato."

19 Sababu gena-ge, ni tagi toma bangsa mo-moini toma dungia sitabi donga, ni singadolo Habari mangale Ngoi, la ngowa’a 'aḏi dadi 'Ari me-mete’e. Ni baptis ananga gena-ge re siterongo Ḇaḇa 'ai lomanga, Ma Ngowa’a Nau’u 'ai lomanga, re Ma Ngagara 'Ofi-'Ofi ma lomanga.✝ 20 Re ni doto’o 'Ari me-mete’e gena-ge di’a 'aḏi 'ahu mete’e 'Ari parenta mo-moini ga’a Ngoi reta siajele pasala ḏua ra ngini. Re 'elingi nena-ne: Ngoi ḏuanga i’a tini sieanga i’a ua ngini, singadolo dungia nena-ne ma ḏo-ḏogumu."

26 Mada’a Ri-riono, Ma Ngagara 'Ofi-'Ofi ga’a Ma Jou’ongu Madutu ḏuanga i’a 'o 'utusu Rai kuasa, Enanga gena-ge ḏuanga i’a 'I doto’o ngini re 'I si’elingi ngini 'oru ḇato ga’a Ngoi to siajele pasala ḏua ra ngini.

16 Yesus 'a sangoro, "Ngoi to doto’o 'Ari do-doto’o ua, mada’a do-doto’o ra Unanga ga’a Ro 'utusu Ngoi.

27 Mada’a mangale ngini masiretene, Kristus 'a sipa’ala ḏua Ma Ngagara 'Ofi-'Ofi ra ngini. Sababu Ma Ngagara 'Ofi-'Ofi 'i tegoro taninga 'akala re sinyingara moju, ngini ni paralu ua ngowa’a lelegu 'aḏi doto’o ngini. Sababu Ma Ngagara 'Ofi-'Ofi masiretene 'I doto’o 'ori i’a mo-moini ra ngini re enanga ma do-doto’o mo-moini 'i banari; sa-sakala ua. Sababu gena-ge, ngini ninga de’oso re ḏegoro balasu na mete’e 'oru ḇato ga’a Ma Ngagara 'Ofi-'Ofi sidoto’o ngini, la ngini ni 'ahu marimoi tau-taunu ra Yesus Kristus.

7 Silamo’o re mojongo Ma JOU, gena-ge wo-waro ma mulaingi.

Mada’a ngowa’a haga, ananga gena-ge 'aḏi sipa-pake ua 'akala soro’unu re do-doto’o.

11 'Ari ngowa’a nau’u, awa no itomo Ma JOU 'ai do-doto’o, re no ruta awa na’o Unanga 'o ḇangata ngana. 12 Sababu Ma JOU 'o sihukumu ngowa’a ga’a Unanga 'a dadalara, ma tero sa’olo ḇaḇa matengo 'o ca’olo 'ai ngowa’a nau’u ga’a unanga 'a dadalara.

11 Ngoi to sinyanyasele ngana toma ngo’omo ga’a tagi toma 'akala soro’unu,

re to sibi-biri’i ngana tani 'ahu ga’a tagi toma ngo’omo boloto.

1 Ngowa-ngowa’a ga’a 'aḏi dadalara wo-waro, ananga gena-ge 'aḏi maroanga na’o ngowa’a ya’u ḇangata;

mada’a ngowa’a ga’a 'aḏi oḏu’u sanga ḇangata, ananga gena-ge 'aḏi haga ma tero haiwani.

5 'Elingi taninga 'akala re sinyingara ma dara mangale Ma JOU Ma Jou’ongu Madutu ga’a ngini ni silamo’o re siḏubuso, Unanga gena-ge 'O doto’o ngini ma tero Ḇaḇa matengo 'o doto’o 'ai ngowa-ngowa nau’u.

16 Ngini balasu ni 'elingi tau-taunu Kristus 'ai do-doto’o, la 'i parenta taninga de’oso re ḏegoro, demo re ganau. Dadi ngini ni mete’e ma duhu so’o ne: Ni ma’u doto’o, ni ma’u si’elingi di’a mete’e 'Ai do-doto’o reninga 'akala soro’unu. Re ni mete’e ma duhu so’o ne ḏi’i: Ni manyanyi Mazmur, puji-pujiana re manyanyi nyanyi ma lelegu. Re wakutu ngini manyanyi, ni sibere ie murasa ma la ra Ma Jou’ongu Madutu.

11 Sababu gena-ge, ngini ni ma’u si’elingi re ni ma’u babata matengo re matengo ma tero sa’olo ngini na si’a’a ḏua 'au wali singadolo 'orasa nange-ne.

42 Ma wangere ma jelele i’a, ananga 'aḏi doto’o re 'aḏi singadolo Habari Roanga tau-taunu mangale Yesus gena-ge 'O Kristus ra Ma Jou’ongu Madutu 'ai Wala ma soana re ngowa’a manga wala-wala.

20 Ngini na waro mangale ngoi to sitaka-taka ua singadolo 'ori i’a la-la ga’a 'i gasa 'utungu ra ngini. Ngoi to doto’o ḏua ra ngini bae toma ngowa’a repe manga biono, bae toma wala-wala.

9 'Oru ḇato ngoi tunu doto’o re ga’a ngini reni sanga ra ngoi: bae ra ngoi 'ari demo re ganau, bolo 'ari de’oso re ḏegoro -- mo-moini gena-ge na siḏagi! Ḏua Ma Jou’ongu Madutu ga’a 'o pula’a 'Ai dame ra ngini, ḏuanga i’a 'O sieanga i’a ngini ua.

1 Mada’a Titus, ngana balasu na’u sidoto’o 'oru ḇato 'i mete’e do-doto’o ma banari.