29 Take ye my yok on you, and lerne ye of me, for Y am mylde and meke in herte; and ye schulen fynde reste to youre soulis.30 For my yok is softe, and my charge liyt.

19 Therfor go ye, and teche alle folkis, baptisynge hem in the name of the Fadir, and of the Sone, and of the Hooli Goost;20 techynge hem to kepe alle thingis, what euer thingis Y haue comaundid to you; and lo! Y am with you in alle daies, in to the ende of the world.

26 the coumfortour, whom the fadir schal sende in my name, he schal teche you alle thingis, and schal schewe to you alle thingis, what euere thingis Y schal seie to you.

16 Jhesus answerde to hem, and seide, My doctryne is not myn, but his that sente me.

27 and that the anoyntyng which ye resseyueden of hym, dwelle in you. And ye han not nede, that ony man teche you, but as his anoyntyng techith you of alle thingis, and it is trewe, and it is not leesyng; and as he tauyte you, dwelle ye in hym.

7 The drede of the Lord is the bigynning of wisdom; foolis dispisen wisdom and teching.

11 My sone, caste thou not awei the teching of the Lord; and faile thou not, whanne thou art chastisid of him.12 For the Lord chastisith hym, whom he loueth; and as a fadir in the sone he plesith hym.

11 Y schal schewe to thee the weie of wisdom; and Y schal lede thee bi the pathis of equyte.

1 He that loueth chastisyng, loueth kunnyng; but he that hatith blamyngis, is vnwijs.

5 the fourtith yeer is; that thou thenke in thin herte, for as a man techith his sone,

16 The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

11 For which thing comforte ye togidere, and edefie ye ech other, as ye doon.

20 hou Y withdrowe not of profitable thingis to you, that Y telde not to you, and tauyte you opynli, and bi housis;

9 that also ye han lerud, and take, and heed, and seyn in me. Do ye these thingis, and God of pees schal be with you.

1 But speke thou tho thingis that bisemen hoolsum teching;

10 Which yyuest heelthe to kingis; which ayen bouytist Dauid, thi seruaunt, fro the wickid swerd rauische thou out me.

4 I sat not with the counsel of vanyte; and Y schal not entre with men doynge wickid thingis.

5 I hatide the chirche of yuele men; and Y schal not sitte with wickid men.

8 Lord, Y haue loued the fairnesse of thin hows; and the place of the dwellyng of thi glorie.9 God, leese thou not my soule with vnfeithful men; and my lijf with men of bloodis.

8 Al erthe drede the Lord; sotheli alle men enhabitynge the world ben mouyd of hym.

9 My soule schal desire thee in the niyt, but also with my spirit in myn entrails; fro the morewtid Y schal wake to thee. Whanne thou schalt make thi domes in erthe, alle dwelleris of the world schulen lerne riytfulnesse.