1 पुरान करारमे आराधना सम्बन्धी कानुन इजरायलके मनैनके लग रहिन। और मनैनके बनाइल आराधना करक लग एकथो तम्बू फेन रहे। 2 यी तम्बू पशुनके छल्रीलेके बनाइल रहे। उ तम्बूक बिच्चेम ओइने पर्दा झुलाके दुईथो कोठा बनैले रहिँत। सुरुक कोठामे सातथो शाखा रहल दिउँत रहे। वहाँ एकथो टेबुल रहे, जेम्ने परमेश्वरहे चह्रैलक रोटी रहे। यी कोठाहे पवित्र ठाउँ कहिजाए। 3 तम्बूक भित्तर पर्दक पाछेक दोसुर कोठाहे महापवित्र ठाउँ कहिजाए। 4 वहे कोठामे धूप बरना सोनक वेदी धारल रहे। और वहाँ एकथो वाचक सन्दूक फेन रहे, जोन भित्तर बाहेर सोनक रेपन लगाइल रहे। उ सन्दूकमे तीनथो सामान रहिँत: मन्न* धारल सोनक भाँरा, तेम्ह्री* लागल हारुनके एकथो लट्ठी, और मोशाहे परमेश्वरके देहल दशथो आज्ञक दुईथो ढुंगक पाटी रहिँत, जिहिहे परमेश्वर लिखल रहिँत। 5 सोनक सन्दुकके टिप्पामे पख्ना रहल दुईथो करुब*के मूर्ति रहिँत, जोन यी बातहे जनाए कि परमेश्वर वहाँ बताँ। ओइन्के खुलल पख्ना सन्दूकके उपरका हिस्साहे छोपत। जेम्ने खुन छिटजाए ताकि मनैनके पाप माफ होजाइन। पर हम्रे यी महिमक सक्कु बातके व्याख्या अब्बे करे नै सेकब।

19 तब स्वर्गमे परमेश्वरके मन्दिर खोलगिलस, और हुँकार मन्दिर भित्तर रहल हुँकार वाचक सन्दूक देखगिलस। बिज्ली चम्कल, बद्री थर्कलक आवाज आइल, और भुइँचाल गैल और पठरापानी बर्षल।