Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
ଆନିଞ୍ଜି ଡନେଙ୍ଗାନ୍ ବାଗ୍ସନ୍ତି ବସାଙ୍କଡ଼େ ଆରି ଲନାଆଙନ୍ ବସନ୍ତି ବସାଙ୍କଡ଼େ ଡ ତୋଣ୍ଡୋନ୍ ଆଡନେଙ୍ଗା ବସନ୍ତି ବସାଙ୍କଡ଼େ ସିଟିମ୍ ଅରାନ୍ ବାତ୍ତେ ଅବୟ୍ ପେଲାନ୍ ତୁବେତଜି । ଆମନ୍ ସତ୍ତର୍ ସୁନ୍ନାନ୍ ବାତ୍ତେ ଅମ୍ମଗଡ୍ ବାରେଗଡ୍ ବାର୍ମିଡ଼ିୟ୍ତାଲନ୍ ବଲା ଆରି ଉଞ୍ଜିକୁନେନ୍ ଆଡାରାନ୍ ତୁବ୍ବା । ପେଲାନ୍ ବୋୟ୍ଲେ ଆପନାଙ୍ ଆସନ୍ ସୁନ୍ନାନ୍ ବାତ୍ତେ ଉଞ୍ଜି କାଡ୍ଡୁନ୍ ତୁବ୍ଲେ ଉଞ୍ଜିନ୍ ଆକୁନେଗଡ୍ ଜୁଡ଼େବା, ବପାକିଗଡ୍ ବାଗୁ ଆରି ବପାକିଗଡ୍ ବାଗୁ କାଡ୍ଡୁନ୍ ଡକୋତନ୍ । ପେଲାନ୍ ଆବନୋୟ୍ ଆସନ୍ ସିଟିମ୍ ଅରାନ୍ ବାତ୍ତେ ବରୋୟ୍ଡାଙନ୍ ତୁବ୍ବା ଆରି ବରୋୟ୍ଡାଙ୍ଲୋଙନ୍ ସୁନ୍ନାନ୍ ବାତ୍ତେ ବଲ୍ବା ଆରି ବରୋୟ୍ଡାଙଞ୍ଜି ପେଲାନ୍ ଆ ବର୍ମଡ଼ିୟ୍ତାନ୍ ଆ କାଡ୍ଡୁଲୋଙ୍ ପସେର୍ବା । ବରୋୟ୍ଡାଙଞ୍ଜି ପେଲାନ୍ ଆ କାଡ୍ଡୁଲୋଙନ୍ ସିଲଡ୍ ଏତବ୍ଡଙ୍ । ଞେନ୍ ଆମନ୍ଆଡଙ୍ ଅଙ୍ଗା ବନାଁୟ୍ବର୍ ସାକି ଅଲାନ୍ ତିୟ୍ଲମ୍, ତିଆତେ ଅମ୍ମ ପେଲାନ୍ ଡକ୍କୋବା ।
ଆମନ୍ ସତ୍ତର୍ ସୁନ୍ନାନ୍ ବାତ୍ତେ ଡନେଙ୍ଗାନ୍ ବାଗୁ ସନ୍ତି ବସାଙ୍କଡ଼େ, ଲନାଙନ୍ ବସନ୍ତି ବସାଙ୍କଡ଼େ ଅବୟ୍ ଇର୍ସେ ରନୁବନ୍ ତୁବ୍ବା । ପମ୍ପମ୍ସିଲେ ଆମନ୍ ସୁନ୍ନାନ୍ ବାତ୍ତେ ବାଗୁ କିରୁବଞ୍ଜି ତୁବା, ତି ଆ ଇର୍ସେ ରନୁବ୍ ଆତୋଣ୍ତୋ ବାତବାନେନ୍ ଡକୋବା । ଅବୟ୍ ଆ କିରୁବ ବଅନେଗଡ୍ ଆରି ଅବୟ୍ ଆକିରୁବ ବଅନେଙ୍ଗଡ୍ ତମ୍ମିୟ୍ବା । ବାଗୁ ଆକିରୁବ ରନୁବନ୍ ମାୟ୍ଲନ୍ ଡକୋତନ୍ । କିରୁବଞ୍ଜି ଅଲ୍ମୁକାଲେ ଆଡେନ୍ନାଞ୍ଜି ଉର୍ରାଡ୍ଲେ ରନୁବନ୍ ଡଙ୍ତଜି । ରନୁବ୍ଗଡ୍ କିରୁବଞ୍ଜି ଆମୁକାନ୍ ଡକୋତନ୍ । ଆମନ୍ ରନୁବନ୍ ଆ ପେଲାଲୋଙନ୍ ଡକ୍କୋଆ ଆରି ଞେନ୍ ଅଙ୍ଗା ସାକିପେଲାନ୍ ଆମନ୍ଆଡଙ୍ ଏତିୟ୍ଲମ୍ ତିଆତେ ଅମ୍ମପେଲାନ୍ ଡକ୍କୋଆ ।
ଆରି ତି ଆଡ୍ରକୋନେଲୋଙ୍ ଞେନ୍ ଆମ୍ବେନ୍ ସରିନ୍ ଅଲ୍ରବାଙ୍ତବୋ, ଆରି ରନୁବନ୍ ଆତୋଣ୍ଡୋ ସିଲଡ୍ ଆଗରାମ୍ଗାମନ୍ ସାକି ପେଲନ୍ ଆତୋଣ୍ଡୋ ଡକୋନ୍ ବାଗୁନ୍ ଆକିରୁବ ଲୋଙ୍ସିଲଡ୍ ଆମନ୍ ସରିନ୍ କଡାଡ଼ିତନାୟ୍ ଆରି ଇସ୍ରାଏଲମରଞ୍ଜି ଆବର୍ନେ ଅଡ଼୍କୋନ୍ ଆବନାଁୟ୍ବର୍ ଆମନ୍ଆଡଙ୍ ଅବ୍ଜନାତମ୍ ।
କେନ୍ ସିଲଡ୍ ବତ୍ସଲେଲ ସିଟିମ୍ ଅରାନ୍ ବାଗୁସନ୍ତି ବସାଙ୍କଡ଼େ ଡନେଙ୍ଗାନ୍ ଡ ବସନ୍ତି ବସାଙ୍କଡ଼େ ଲନାଙନ୍ ଡ ବସନ୍ତି ବସାଙ୍କଡ଼େ ଡନେଙ୍ଗାନ୍, ଅବୟ୍ ପେଲାନ୍ ତୁବେଞ୍ଜି
ସିଲତ୍ତେ ପ୍ରବୁନ୍ ମୋସାନ୍ଆଡଙ୍ ବରେନ୍, "ଆମ୍ୱେନ୍ ଆପର୍ତମ୍ମୁନ୍ ଗାଜନ୍ ଆପର୍ତମ୍ମୁ ଡିନାନ୍ ରନୁକ୍କୁ ସରେବା ତମ୍ୱୁସିଙ୍ଲୋଙନ୍ ଡରକୋନେନ୍ ତୁବ୍ବା ।" ଆରି ତିଲୋଙ୍ ସାକିନ୍ ପେଲନ୍ ଡକୋଲେ ଡନଙ୍ କାବନ୍ ସିନ୍ରିନ୍ ତବ୍ନଙ୍ଲେ ପେଲନ୍ ୟୁମ୍ତେ ।
ତିଲୋଙ୍ ମସାନ୍ ଆଡଙ୍ ପ୍ରବୁନ୍ ଆବର୍ନେ ଆନିନ୍ ସାକିନ୍ଅଲନ୍ ପାଙ୍ଲେ ପେଲନ୍ ଆ ଆମନ୍ ଡକୋଏନ୍ଲେ ପେଲନ୍ ଆତୋଣ୍ତୋ ମନଙ୍ ଡକୋଏନ୍ । ଆରି ସରେବା ତମ୍ବୁସିଙନ୍ ଆ ଅମ୍ମ ପେଲନ୍ ପାଙ୍ଲାଜି ଡ ୟନୁମନ୍ ଆନାଙ୍ସାକାବନ୍ ୟୁଡ୍ଲେ ସାକି ପେଲନ୍ ୟୁମେଞ୍ଜି ।
ପର୍ତମ୍ମୁ ଅନଗଡନ୍ ନିୟ୍ ସନେନ୍ପୁରନ୍ ଆସନ୍ ଏର୍ଜାଡ଼ିକାନ୍ ଅନଗଡନ୍ ଡ ଅବୟ୍ ସନେନ୍ପୁର୍ସିଙନ୍ ଡକୋଏନ୍ । ତିଅନ୍ତମ୍ ସନେନ୍ପୁରନ୍ ଆସନ୍ ଅବୟ୍ ତମ୍ବୁନ୍ ଆତୁବ୍ତୁବ୍ ଡକୋଏନ୍, ତେତ୍ତେ ଆଡ୍ରକୋଏନ୍ ପର୍ତମ୍ମୁ ବକ୍ରାନ୍ ମଡ଼ିର୍ସିଂ ଗାମେଞ୍ଜି, ତେତ୍ତେ ପିଙ୍କନୁବନ୍, ଅବୟ୍ ମେଜନ୍ ଡ ମେଜଲୋଙନ୍ ଇସ୍ୱରନ୍ ଆଞୁମ୍ଲୋଙ୍ ଆରମଙେଞ୍ଜି ଆ ରୁଟି ଡକୋଏନ୍ । ଡରଙ୍ନେକାବନ୍ ଆ କିଣ୍ଡୋଙ୍ଗଡ୍ ଅଙ୍ଗା ବକ୍ରା ଡକୋଏନ୍, ତିଆତେ ଅଡ଼୍କୋନ୍ ସିଲଡ୍ ମଡ଼ିର୍ସିଂ ଗାମେଞ୍ଜି । ତେତ୍ତେ ଅରୋମ୍ମାୟ୍ତୋଡନ୍ ଆ ତନମ୍ପିଲ୍, ସୁନାନ୍ ବାତ୍ତେ ଆବଲ୍ବଲନ୍ ଅନଗଡ୍ପେଲନ୍ ଡକୋଏନ୍ । ତି ଅନଗଡ୍ପେଲାଲୋଙନ୍ ଅବୟ୍ ସୁନା ସିମ୍ମାଲୋଙନ୍ ମାନ୍ନାନ୍ ଆଡକ୍କୋ, ଆରୋଣନ୍ ଆ ଡାଙ୍ଗୋ ଆର୍ଲେଡେଙେନ୍ଆତେ, ଆରି ଅନଗଡନ୍ ଆଇଡିଡନ୍ ବାଗୁ ଅରେଙ୍ ପଟାନ୍ ଡକୋଏନ୍ ।
। ତୋଣ୍ଡୋ ଅନଗଡ୍ପେଲାଲୋଙନ୍ ଇର୍ସେନ୍ କେମାନ୍ ଆତ୍ରିୟ୍ଲୋଙ୍ତେନ୍ ଅନବ୍ଲୁମ୍ମୁନ୍ ଆସନ୍ ଅନବ୍ଗୁଗୁଡମ୍ ଇସ୍ୱରନ୍ ଆ କିରୁବଜି ବାଗୁ ଆ କାପ୍ପାଞ୍ଜି ଉର୍ରାଡ୍ଲେ ଡକୋଲଞ୍ଜି; ବନ୍ଡ କେନ୍ ଅଡ଼୍କୋନ୍ ନମି ବର୍ରନ୍ ଏଃର୍ରପ୍ତିଆୟ୍ ।
ତିଆଡିଡ୍ ରୁଆଙ୍ଲୋଙନ୍ ଡକୋନ୍ ଇସ୍ୱରନ୍ ଆ ସରେବାସିଂ ଆ ସନଙ୍ ରୋଲନେ ଆରି ସରେବାସିଂଲୋଙନ୍ ଅନଗଡ୍ପେଲନ୍ ଗିୟ୍ତାଏନ୍ । ସିଲଡ୍ଲ୍ଲନ୍ ଜାଲ୍ଡମଲିଜନ୍, ତାବ୍ରେଡନ୍, ତକର୍ଲନ୍ ଡ ସୋଡ଼ା ଆଡ଼େର୍ତିରନ୍ ଅଡ଼ୋଲାୟ୍ ।