Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
လောကသားလေ ဝတ်ပြုကိုးကွယ်ဟှူကြောန်းန ကောန်းဂန်သားလေ ဝတ်ပြုကိုးကွယ်ဟှူကြောန်း
တနည်းဟှ ပထမပဋိညာဉ်တရားဟှာ ဝတ်ပြုရှင်းနဆိုင်ဟှူ စီရင်ပြဌာန်းချစ်ဘဲ့ဖြစ်ဖြစ်၊ လောကီ သန့်ရှင်းရာဌာနတော်နဖြစ်ဖြစ် စပ်ဆိုင်လေဟှယ်။ ဖြားဖြစ်ကြောန့်နူးဆိုဟှာ တဲတော်ဟှို ပြင်ဆင်ရာမာ သန့်ရှင်းဆောင်းဌာန ဆိုဘီး ခေါ်ဟှူ ပထမခန်းထဲမာ ဆီမီးခေါင်၊ ဗွဲ၊ ရှေ့တော်မုန ပြင်ဆင်ဟှားလေဟှယ်။ ဒုတိယ လိုက်ကာနော့-က်မာ ရရာတိုင်း သန့်ရှင်းဆောင်းတဲတော် ဆိုဘီး ခေါ်ဟှူ ခန်းရှိဟှယ်။ အယ်ထဲမာ နံ့သာလေဟှို မီးရှို့ဟှူ ရွှေယဇ်ပလ္လင်န ရွှေနမွန်းမံဟှားဟှူ ပဋိညာဉ်သစ်တာရှိဟှယ်။ အယ်သစ်တာထဲမာ မန္နမုထဲ့ဟှားဟှူ ရွှေအိုး၊ ဖူးထွပ်ဟှူ အာရုန်ရဲ့လှံတံန ပဋိညာဉ် က္လော့-က်ပ္လားလေရှိဟှယ်။ အယ်မူ သစ်တာထတ်မာ ဖောင်းကီးဟှူ ခေရုဗိမ်လေဟှာ ပြစ်ဖြေရာပလ္လင်ဟှို အောက်မိုးဟှားဂေ့ဟှယ်။ အယ်ရာလေဟှို ခု သေးသေချားချာ ပြောပြဟှို့ မရဟှ။
အယ်ဘီးန ကောန်းဂန်ဘောင်မာ ရှိဟှူ ဘုရားသခင်ရဲ့ ဗိမာန်တော်ဟှာ ပွမ့်ဟှားဘီး ဗိမာန်တော်ထဲမာ ကိုယ်တော်ရဲ့ ပဋိညာဉ် သစ်တာဟှို ဗြင်ရဟှယ်။ လန့်စစ်ဖ္လတ်ဇာ၊ သံဗြယ်ဇာ၊ မိုးချောင်းဇာ၊ မ္လေဂီးလှောက်ဇာန ရရာတိုင်း ကီးဟှူ မီုးသီးက္လဇာလေ ဖြစ်လေဟှယ်။