14 Kana o them teljarda andar o tabor te naćel prekal e reka Jordan, anglal lende teljardine e rašaja save inđarenas o Kovčeg e savezosko. 15 Čim e rašaja save inđarenas o Kovčeg avile dži ke reka Jordan thaj ačhile pungresa ando paj – vi ako e reka Jordan inkljelas prekal e obala sa e vrjama e žetvaći – 16 e paja save thavdenas opral ačhile te thavden thaj ćidine pe, sago e brana sa dži ko gav Adam, paše ko gav Cartan. Ande isto vrjama, e paja save thavdenas ando Mulo more, more Arava, potpuno crda pe. Gajda o them nakhla e reka vorta ko Jerihon. 17 E rašaja save inđarenas o Kovčeg e GOSPODEŠĆE savezosko ačhenas čvrsto pe šući phuv maškare ande reka Jordan dok sa o Izraelsko them či nakhlo prekal o Jordan po šuko.

18 Askal e rašaja inkljistine andar e reka, inđarenas o Kovčeg e GOSPODEŠĆE savezosko. Thaj samo so e pungresa ačhile pe šući phuv, o paj e Jordansko bolda pes pe piro than thaj prelisajlo prekal e obala sago vi majsigo.

1 E Jerihonske gavešće kapije sas čvrsto phandade thaj tale straža kaj daranas katar e Izraelcurja. Khonik či tromaja te inkljel avri niti te del andre.

2 O GOSPOD phendas e Isuse Navinešće: "Ake predaiv o Jerihon ande ćire vas. Pobedija lešće care thaj sa lešće ratnikonen. 3 Svako đes sa e vojnikonenca nak jekhvar oko o gav thaj gajda ćer šov đes. 4 Neka efta rašaja džan anglo Kovčeg, svako e trubasa katar e bakhrešći šng. O eftato đes obiđin oko o gav efta drom, dok e rašaja zurale phurden ande trube. 5 Dok von phurden lungo ande trube, neka e vojnikurja čhon muj andar o sasto glaso. Askal perena e gavešće zidurja, a e vojnikurja šaj den ando gav svako okotar kaj sas."

6 Askal o Isus Navin akhardas e rašajen thaj phendas lenđe: "Len thaj inđaren o Kovčeg katar o savez e GOSPODESKO, a angle leste efta rašaja neka inđaren svako po jek truba katar e bakhrešći šng."

7 A e themešće phendas: "Džan thaj obiđin oko o gav. Neka e naoružime manuša džan angle GOSPODESKO Kovčeg."

20 Kana ašundile e trube, e vojska čhuta muj e bare bojno glasosa thaj ande godova treno haradile e zidurja e gavešće. E vojska askal teljarda po gav, svako okotar kaj sas thaj zauzmisardine o gav.

1 Vi ando prvo savez maškar o Del thaj maškar e Izraelcurja sas odredbe palo bogoslužje thaj palo svetište akate pe phuv. 2 Kaj o Šator sas agajda lačhardo: ando lesko prvo deo sas o čirako, e sinija thaj e svete mangre, a godova deo akhardolas Svetinja. 3 O dujto deo e Šatorosko palal e firanglja akhardolas Svetinja pe svetinje, 4 a ande leste sas o sunakuno kadiono žrtveniko thaj o Kovčeg e savezosko, sa obložime e sunakajesa. Ando Kovčeg sas o sunakuno čaro e manava, e Aronošći rovlji, savi mukla e patrja, thaj e barune ploče pe save sas ramome e Devlesko savez. 5 A opral po Kovčeg sas e sunakune anđelurja save akhardonas "heruvimurja". Von prestavin e Devlešći slava, thaj pire buljarde phakenca zasenin o than kaj jarton pe e bezeha. Ali, pale godova akana našti ćeras detaljno svato.

19 Askal putajlo e Devlesko Hramo ando nebo, thaj ande leste sikadilo Kovčeg lešće savezosko. Askal bašle e munje, ašundine pe e gromurja thaj e grmljavina, avilo o zemljotres thaj počnisarda te perel o baro ledo.