Arca da aliança

ಒಡಂಬಡಿಕೆನಿ ಪಟ್ಟಗಿ

10 ತು ಕಾಟಾನ ಝಾಡಕ್ಹು ಯಕ್ಕ ಮಂಜುಷನೆ ಕರೌ.ತೆ ಅಡಿ ಮಾರ ಲಾಂಬು ದೆಡ ಮಾರ ರುಂದ ದೆಡಮಾರ ಉಚ್ಚು ಥಯಲ ರ್ಹೌ. 11 ಚೊಕಾ ಕ್ಹೊನಾನಾ ತಗಡೊ ತಿನಾ ಭಾರಾಬಿ ಮ್ಹೈಬಿ ಲಗಾಡು. ತೆನಾ ಉಪ್ಪರ ವರಿ ತಿನಾ ಸುತ್ತೆಬಿ ಕ್ಹೊನಾನಿ ಪಟ್ಟಿಯೊ ಲಗಾಡು. 12 ಚಾರ ಕ್ಹೊನಾನಾ ಬಾಂಗ್ಡಿಯೊನೆ ಧವೈನ ತಿನಾ ಚಾರೆ ಮೂಲಾವೊಮಾ ಕದ್ಯಾಮ ಯಕ್ಕಯಕ್ಕ ಜ಼ಗಾವೊಕನ ಬೆಬೆ ಬಾಂಗ್ಡಿಯೊನೆ ಮ್ಹೆಲು 13 ತೆ ಮಂಜುಷನೆ ಉಚಾವಾನಾಹುತಿ ತು ಕಾಟಾವೊನಾ ಝಾಡಕ್ಹು ಲಾಕ್ಡಿಯೊ ಕರೈನ ತಿನೆ ಕ್ಹೊನಾನಾ ತಗಡೊ ಲಗಾಡಿನ 14 ವರಿ ಮಂಜುಷನಾ ಭಂಬೆ ಜಾ಼ಗಾವೊನಾ ಬಾಂಗ್ಡಿಯೊಮಾ ಸೆರಸು. 15 ತೆ ಲಾಕ್ಡಿಯೊನೆ ಮಂಜುಷನಾ ಬಾಂಗ್ಡಿಯೊಮಾತಾ ಕಾಡೆವಾಚಿ ತಿಮಾಜ ಮ್ಹೆಲೆಲ ರ‍್ಹೌ 16 ತೆ ಮಂಜುಷಮಾ ಮಿ ತ್ಯುನೆ ದಿವಾನಾ ಆಜ್ಞಾಶಾಸನೆ ಮ್ಹೆಲು. 17 ತೆನೈಸೊ ಚೊಕಾ ಕ್ಹೊನಾನಾ ಝಾಕಾನ ಕೃಪಾಸನನೆ ಕರೌ. ತೆ ಅಡಿ ಮಾರ ಲಾಂಬು ದೆಡ ಮಾರ ರುಂದ ಥಯಲ ರ‍್ಹೌ. 18 ಕೃಪಾಸನನಾ ಬೆ ಮುಲಾವೊಮಾ ಕೆರುಬಿನಾ ಬೆ ಕ್ಹೊನಾನಾ ಆಕಾರೊನೆ ನಕ್ಷಾನಾ ಕಾಮಕ್ಹು ಕರೌ. 19 ಕೃಪಾಸನೆ ಯಕ್ಕಯಕ್ಕ ಕೊನಾಮಾ ಯಕ್ಕಯಕ್ಕ ಕೆರುಬಿಯೊನೆ ಕರೈನ ಕೃಪಾಸನೆ ಜೊಡಸು. 20 ತೆ ಕೆರುಬಿನಾ ಉಪ್ಪರ ರೆಕ್ಯಾವೊನೆ ಫೈಲಾಯಾ ನಿಂಗತ ಕೃಪಾಸನ ತಿನಾ ರೆಕ್ಯಾವೊಕ್ಹು ಝಾಕಿಲಿವಾ ವರಕ್ಹು ರ‍್ಹೌ. ತಿನಾ ಮ್ಹೊಡಾವೊ ಆಮನಾ ಸಾಮನಾ ಥೈನ ಕೃಪಾಸನೆ ದೆಕ್ತಾ ರ‍್ಹೌ. 21 ತೆ ಕೃಪಾಸನೆ ಮಂಜುಶನಾ ಉಪ್ಪರ ಮ್ಹೆಲು. ಮಿ ತ್ಯುನೆ ದಿವಾನಾ ಆಜ್ಞಾನಾ ಶಾಸನೊನೆ ತೆ ಮಂಜುಷನಾ ಮ್ಹೈ ಮ್ಹೆಲು.

22 ತ್ಯಾ ಮಿ ತುನೆ ದರ್ಶನ ದ್ಯುಸ. ಕೃಪಾಸನಾ ಉಪ್ಪರ ಆಜ್ಞಾನಾ ಶಾಸನೊನೆ ಮ್ಹೆಲಲ ಮಂಜುಷನಾ ಉಪ್ಪರ ಬೆ ಕೆರುಬಿಯೊನಾ ವಚ್ಮಾ ಮಿ ರ‍್ಹೈನ ತಾರಾ ಕ್ಹಾತೆ ಬೊಲಿನ ತು ಇಸ್ರಾಯೆಲೊನೆ ಆಜ್ಞಾಕರಾನಾ ಚಾ಼ಯೆ ಥಯಲ ಕ್ಹಾರಾ ಸಂಗತಿಯೊನೆ ತಿಳಸುಸ.

ಒಡಂಬಡಿಕೆ ಪೆಟಗಿ ತಯ್ಯಾರ ಕರಾನು

1 ಬೆಚಲಬಿ ಕಾಟಾವೊನಾ ಝಾಡಕ್ಹು ಒಡಂಬಡಿಕೆ ಪೆಟಗಿ. ತೆ ಅಡಿ ಮಾರ ಲಾಂಬು ದೆಡ ಮಾರ ರುಂದಮಾಬಿ ದೆಡ ಮಾರ ಉಚ್ಚುಬಿ ಥಯುತು.

ಯಹೊವಾನಿ ಸನ್ನಿದಿಮಾ ಗುಡಾರ ಹುಬ್ರಾಡಿನ ನೆಮ್ಸಾನು

1 ಪಾಚ಼ಲ್ತೊ ಯಹೊವಾ ಮೊಶೆನೆ, 2 "ಪಸ್ಟಾನಾ ಮ್ಹೈನಾನಾ ಪಸ್ಟನಾ ದಿನ್ನಮಾ ದೆವದರ್ಶನ ಗುಡಾರ ಥಯಲ ಗುಡಾರನೆ ಉಟಾಡಿನ ಹುಬ್ರಾಡ. 3 ಗುಡಾರಮಾ ದಕ್ಹ ಆಗನ್ಯಾ ರ‍್ಹಯಲ ಒಡಂಬಡಿನಿ ಪೆಟಗಿ ಮ್ಹೆಲ. ಪೆಟಗಿನೆ ಪಡ್ದಾಕ್ಹು ಝಾಕಾಲಗಾಡ.

20 ತೆ ಆಜ್ಞಾ ಶಾಸನೊನೆ ಮಜುಷಮಾ ಮ್ಹೆಲಿನ ಮಂಜುಶನೆ ಲಾಕ್ಡಿಯೊ ದಿನ ತಿನಾ ಉಪ್ಪರ ಬೈಟಾನು ಆಸನ ಮ್ಹೆಲಿನ 21 ಮಂಜುಷನೆ ಗುಡಾರನಾ ಮ್ಹೈ ಲೈನ ತಿನಾ ಕ್ಹಾಮೊ ಪರ್ದಾ ತುಗ ಘಾಲಿನ ಯಹೊವಾ ಆಗನ್ಯಾ ದಿದಲ ನಿಂಗತಜ಼಼ ಆಜ್ಞಾ ಶಾಸನೊನಾ ಮಂಜುಷನೆ ಗಾಯಬ ಕರ್ಯೊ.

14 ಮನಕ್ಹೊ ಯೊರ್ದಾನ ತಳು ದಾಟಾನಾಹುತಿ ತ್ಯುನಾ ಡೆರೊ ಕಿತ್ತಿಲಿನ ಗೈ ಪಡ್ಯಾ.ಒಡಂಬಡಿಕೆನಾ ಮಂಜುಷನೆ ಉಚಾಯೆಲ ಯಾಜಕೊ ತ್ಯುನಾ ಕ್ಹಾಮಾ ವ್ಹತ್ತಾ. 15 ಮಂಜುಷ ಉಚೈಲಿದಲ ಯಾಜಕೊ ಯೊರ್ದನೆ ಐನ ಪಾನಿಮಾ ತ್ಯುನಾ ಪಗೊನೆ ಅದ್ದುತಲೆ ಸುಗ್ಗಿನಾ ದಿನೊಮಾ ದಡಮಿರಿ ವ್ಹೈನ ಜಾವಾನು ಯೊರ್ದನ ತಳಾನು ಪಾನಿ ಹುಬ್ರೈ ಗಯು. 16 ಉಪ್ಪರತು ಆವಾನು ಪಾನಿ ಘನ್ನು ದುರ ರ‍್ಹಯಲ ಚಾರೆತಾನಿನಾ ಕ್ಹಾಮು ರ‍್ಹವಾನು ಆದಾಮನಾ ಗಾಮಲಕ್ಕಾ ರಾಶಿ ಥೈನ ಹುಬ್ರಯುತು.ಹೆಟು ರ‍್ಹಯಲ ಪಾನಿ ಅರಾಬಾ ಕ್ಹಾಡಿಮಾ ರ‍್ಹವಾನು ಲವಣ ಸಮಂದರನೆ ವ್ಹೈನ ಗಯು. ಮನಕ್ಹೊ ಯರಿಕೊನಾ ಕ್ಹಾಮಾ ತಳು ದಾಟ್ಯಾ. 17 ಯಹೊವಾನಾ ಒಡಂಬಡಿಕೆನಾ ಮಂಜುಷನೆ ಉಚಾಯೆಲ ಯಾಜಕೊ ಯೊರ್ದನನಾ ವಚ್ಮಾ ಕ್ಹುಕ್ಹಿ ಜಿಮಿನ್ಪರ ಹುಬ್ರೈಯಾತಾ. ತೆಕ್ಲಾಮಾಜ ಇಸ್ರಾಯಲೊ ಕ್ಹಾರಾ ಕ್ಹುಕ್ಹಿ ಜಿಮಿನ್ಪರ ಚಾಲಿನ ಗಯಾ.ತೆ ಪ್ರಕಾರ ಮನಕ್ಹೊ ಕ್ಹಾರಾ ಯೊರ್ದನನೆ ಹಿಂಗೆ ಗಯಾ.

18 ಯಹೊವಾನಾ ಒಡಂಬಡಿಕೆನಾ ಮಂಜುಷನೆ ಉಚಾಯೆಲ ಯಾಜಕೊ ಯೊರ್ದನತಾ ಉಪ್ಪರ ಐನ ಕ್ಹುಕ್ಹಿ ಜಿಮಿನ್ಪರ ತ್ಯುನಾ ಪಗೊ ಮ್ಹೆಲೆಲ್ಪರ ಪಾನಿ ಪೈಲಾತುಜ ಐನ ಯೊರ್ದನನು ತಳು ಭರಿನ ವ್ಹೈನ ಚಾಲ್ಯುತು.

ಯೆರಿಕೊ ಪಡಾನು

1 ಯೆರಿಕೊನಾ ಇಸ್ರಾಯಲೊನೆ ಬುಚ್ಕಿನ ತ್ಯುನಾ ಗಾಮನಾ ಬಾಕಲೊನೆ ಘಟ್ಟ ಘಾಲಿಪಡ್ಯಾ.ಕುನ್ನಜ ಮ್ಹೈ ಗಯಾ ನೈ ಭಾರಾ ಆಯಾನೈ 2 ತೆಳಾಮಾ ಯಹೊವಾ ಯೆಹುಶುವಾನೆ ದೆಕ ಮಿ ಯೆರಿಕೊನೆ ತೆನಾ ರಾಜಾವೊನೆ ಯುದ್ದ ವಿರೊನೆ ತಾರಾ ಹತೆ ಒಪ್ಪಶೊಸ. 3 ತುಮಾರಾ ಭಟ್ಟೊಕ್ಹಾರಾ ಛೆ ದಿನಲಕ್ಕಾ ಯಕ್ಕಸಲಾ ಗಾಮನೆ ಫರು. 4 ಕ್ಹಾತ ಜನಾ ಯಾಜಕೊ ಶಿಂಗ್ಡಾವೊನೆ ಧರಲಿನ ಮಂಜುಷನಾ ಕ್ಹಾಮಾ ಚಾಲಾಂದೆ. ಕ್ಹಾತವಾ ದಿನ್ನೆ ತುಮೆ ಗಾಮನೆ ಕ್ಹಾತಸಲಾ ಸುತ್ತೊ; 5 ಯಾಜಕೊ ಶಿಂಗ್ಡಾವೊನೆ ಫುಕ್ಯು. ತ್ಯುನೆ ಧಿರ್ಘ ಥೈನ ಫುಕ್ಕಾನೆ ಶಿಂಗ್ಡಾನೆ ಅವಾಜ ಐಕ್ತಾಮಾ ತುಮೆ ಕ್ಹಾರಾ ಮಹತ್ತ ಥೈನ ಆರ್ಭಟೊ ತೆಳಾಮಾ ಗಾಮನಿ ಗೊಡಿ ತೆಜ ಪಡಿಜಾ಼ವಸ ಹರಯಕ್ಲೊ ಸಿದಾ ಮ್ಹೈ ಜಾಸಕಸ ಕೈನ ಕದ್ಯೊ. 6 ತೆಳಾಮಾ ನೂನನೊ ದಿಕ್ರೊ ಥಯಲ ಯೆಹುಶುವಾ ಯಾಜಕೊನೆ ಬಲೈನ ತ್ಯುನೊನೆ ಒಡಂಬಡಿಕೆನಾ ಮಂಜುಷನೆ ಉಚೈಲಿನ ಜಾವೊ ಕ್ಹಾತ ಜನಾ ಯಾಜಕೊ ಶಿಂಗ್ಡಾವೊನೆ ಧರಲಿನ ಯಹೊವಾನಾ ಮಂಜುಷನಾ ಕ್ಹಾಮಾ ಜಾವಾದೆ ಕದ್ಯೊ. 7 ವರಿ ತೆ ಮನಕ್ಹೊನೆ ಗೈನ ಗಾಮನೆ ಫರ‍್ಯೊ. ಯುದ್ಧ ಸನ್ನದ ಕ್ಹಾರಾ ಯಹೊವಾನಾ ಮಂಜುಷನಾ ಕ್ಹಾಮಾ ಜಾವಾದೆ ಕೈನ ಕದ್ಯೊ.

20 ತೆಳಾಮಾ ಮನಕ್ಹೊ ಆರ್ಬಟ ಶಿಂಗ್ಡಾವೊನೆ ಅವಾಜ ಐ. ಮನಕ್ಹೊ ಶಿಂಗ್ಡಾವೊನಿ ಅವಾಜ ಐಕಿನ ಮಹತ್ತ ಥೈನ ಆರ್ಭಟ ಕರ್ತಾಮಾ ಗಾಮನಿ ಗೊಡಿ ತಿನಿ ತೆಜ ಪಡಿಗಯಿ. ಹರಯಕ್ಲೊ ಸಿದಾಜ ಗಾಮಾ ಗೈ ಪಡ್ಯಾ.ತೆ ತ್ಯುನೊನೆ ಸ್ವಾಧಿನ ಥಯು.

ಭುಲೊಕನಿ ವರಿ ಸ್ವರ್ಗಲೊಕನಿ ಆರಾಧನಾ

1 ಪೈಲಾನಿ ವಡಂಬಡಿಕೆಮಾ ಆರಾಧನೆನಾ ನಿಯೊಮೊ ವ್ಹತ್ತಾ. ವರಿ ತಿಮಾ ಮನಕ್ಹ ಕರಲ ದೆವಾಲಯನಿ ಜ಼ಗಾ ವ್ಹತ್ತಿ. 2 ಕದ್ಯಾಮ ಯಕ್ಕ ಗುಡಾರ ಭಾಂದತಾತಾ ವರಿ ತಿಮಾ ಬೆ ಭಾಗ ಕರತಾತಾ. ಪಸ್ಟಲ್ಯಾ ಭಾಗನೆ ಪವಿತ್ರ ಜ಼ಗಾ ವ್ಹೈ ಕೈನ ಕತಾತಾ. ತ್ಯಾ, ಯಕ್ಕ ದಿವ್ವಾನೊ ಖಂಬೊ ವರಿ ಯಕ್ಕ ಟೆಬಲ ವ್ಹತ್ತು. ತಿಪರ ಕ್ಹುದಾನೆ ಎಡಿ ಚ಼ಡಾವಾನೆ ರೊಕ್ಲೊ ಮ್ಹೆಲ್ತಾತಾ.

3 ವರಿ ಬೆವಾ ಪರದಾನಾ ಪಾಚೊ಼ ಹಜಿಯಕ್ಕ ಕ್ಹೊಲಿನೆ, ಘನ್ನಿ ಪವಿತ್ರ ಜ಼ಗಾ ಕೈನ ಬಲಾತಾತಾ. 4 ಗರಭ ಗುಡಿಮಾ ಕ್ಹೊನಾನಿ ಆರತಿ ವರಿ ಕ್ಹೊನಾನಾ ಮ್ಹೈ ಭಾರಾ ಲಗಾಡಲ ವಡಂಬಡಿಕೆನು ಮಂಜುಷ ಎ ಕ್ಹಾರು ವ್ಹತ್ತು; ತೆ ಮಂಜುಷಮಾ ಎಡಿ ಮ್ಹೆಲಲ ಕ್ಹೊನಾನೊ ಥಾಳೊ ಆರೊನನಿ ಬೆಳ್ದಲ ಲಾಕಡಿ, ವಡಂಬಡಿಕೆ ಬರ್ದಲ ದಗ್ಡಾ ವ್ಹತ್ತಾ. 5 ತಿನಾ ಉಪ್ಪರ ಕೃಪಾ ಸನನೆ ಝಾಕಾನು ತೆಜಸನಾ ಕೆರುಬಿಯೊ ವ್ಹತ್ತಾ. ತೆ ಹಮ್ನಾ ಯಕ್ಕ ಯಕ್ಕ ಕವಾನೆ ಸಾದ್ಯನತ್ತಿ.

19 ಪಾಚಾ಼ತು ಸ್ವರ್ಗಮಾ ರ‍್ಹಯಲ ಕ್ಹುದಾನಿ ಆಲಯ ಕ್ಹುಲ್ಯು. ಕ್ಹುದಾ ತಿನಾ ಮನಕ್ಹೊನೆ ದಿದಲ ವಡಂಬಡಿಕೆ ಮ್ಹೆಲಲ ಪೆಟ್ಟಗಿ ತಿನಾ ಆಲಯಮಾ ದಿಕ್ಹಿ. ತೆಳಾಮಾ ಬಿಜ್ಲಿಯೊ ಮಾರ‍್ಯೊ, ಆವಾಜೊ಼ ಥಯಾ, ಭುಕಂಪೊ ಥಯಾ ವರಿ ಘಾರಗಿಯೊನು ಪಾನಿ ಐಯು.