Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
«عٍ شَ سَاتّ كَنكِرَ يَءِلَن كَسِيَ وُرِ رَ. نَ كَنكِرَ شَ كُيَ نْنفْن قِرِن نُن عَ تَفِ، عَ شَ عِفبٌ نْنفْن كٍرٍن نُن عَ تَفِ، عَ شَ عِتٍ نْنفْن كٍرٍن نُن عَ تَفِ. عِ شَ عَ كُي نُن عَ قَرِ مَسٌ شّيمَ رَ. عَ دّ كِرِ قَن شَ يَءِلَن شّيمَ رَ. عِ شَ عَ سُشُدٍ دِفِلِنشِ نَانِ رَقَلَ شّيمَ رَ عَ تُنشُن نَانِيٍ مَ، قِرِن نَ سّيتِ، قِرِن نَ بٌورٍ سّيتِ مَ.»
«عِ شَ كَسِيَ وُرِ كُيٍ قِرِن مَسٌلِ، عٍ مَسٌ شّيمَ رَ. عِ شَ عٍ رَ سٌ كَنكِرَ سُشُدٍ دِفِلِنشِيٍ كُي، نَ كَنكِرَ شَنِنمَ عٍ تَن نَن مَ. عٍ نَشَ رَ مِنِ نَ عَبَدَن.»
«ﭑ نَ سَاتّ تْنشُمَ سٌ عِ يِ رَ، عِ شَ عَ سَ نَ كَنكِرَ كُي. عِ شَ عَ دّرَكٌتٍ يَءِلَن شّيمَ قَنيِ رَ، نَشَن قِندِ مَ شُنسَرٍ يِرٍ رَ. عَ شَ كُيَ نْنفْن قِرِن نُن عَ تَفِ، عَ شَ عِفبٌ نْنفْن كٍرٍن نُن عَ تَفِ. مَلٍكّ سَوُرّ قِرِن شَ يَءِلَن شّيمَ شَبُشِ رَ كَنكِرَ دّرَكٌتٍ قَرِ. مَلٍكّيٍ سَوُرّ نُن كَنكِرَ دّرَكٌتٍ شَ قِندِ كٍرٍن نَ. نَ مَلٍكّ سَوُرّ قِرِنيِيٍ شَ تِ عٍ بٌورٍ يَ عِ، عٍ فَبُتٍنيِيٍ عِتَلَشِ، عٍ شُن سِنشِ شُنسَرٍ يِرٍ.»
«عِ شَ نَ كَنكِرَ دّرَكٌتٍ سَ عَ مَ، نَشَن قِندِشِ شُنسَرٍ يِرٍ رَ. ﭑ نَ سَاتّ تْنشُمَ سٌ عِ يِ رَ، عِ شَ عَ سَ نَ كَنكِرَ كُي.
ﭑ نَن ﭑ يّتّ مَسٍنمَ عِ بّ مّننِ نّ، نَ سَاتّ كَنكِرَ دّرَكٌتٍ قَرِ، مَلٍكّ سَوُرّ قِرِنيِيٍ تَفِ. ﭑ يَامَرِ بِرِن سٌمَ عِ يِ رَ مّننِ نّ كَتَرَبِ عِسِرَيِلَكَيٍ مَ.»
بٍسَلٍلِ نَشَ كَنكِرَ يَءِلَن كَسِيَ وُرِ رَ. عَ كُيَ نْنفْن قِرِن نُن عَ تَفِ، عَ عِفبٌ نْنفْن كٍرٍن نُن عَ تَفِ، عَ عِتٍ نْنفْن كٍرٍن نُن عَ تَفِ.
عَلَتَلَ نَشَ عَ مَسٍن مُنسَ بّ، «كِكٍ سِنفٍ شِ سِنفٍ، عِ شَ هْرْ مْلِنفِرَ تِ، عَلَ وٌ لِمَ دّننَشّ. عِ شَ سَاتّ كَنكِرَ دْشْ نَ كُي دُفِ شَنبِ رَ.
مُنسَ نَشَ سَاتّ وَلَشّ قِرِنيِيٍ سَ سَاتّ كَنكِرَ كُي، عَ قَ كَنكِرَ وُرِيٍ رَ سٌ كَنكِرَ سُشُسٍ دِفِلِنشِيٍ كُي، عَ كَنكِرَ دّرَكٌتٍ سَ عَ دّ رَ نَشَن قِندِشِ شُنسَرٍ يِرٍ رَ. عَ تٌ فّ نَ رَبَدٍ، عَ نَشَ سَاتّ كَنكِرَ شَنِن هْرْ مْلِنفِرَ كُي، عَ عَ دْشْ يِرٍ سّنِيّنشِ قِسَمَنتٍ كُي. عَ نَشَ دُفِ فبَكُ نَ يَ رَ، عَلَكٌ مِشِ يٌ نَشَ عَ تٌ عَلْ عَلَتَلَ عَ يَمَرِشِ كِ نَشّ.
مُنسَ تٌ سٌ هْرْ مْلِنفِرَ كُي، عَ نُن عَلَتَلَ شَ سُمُن، عَ نَشَ عَلَتَلَ شُي مّ سَاتّ كَنكِرَ دّرَكٌتٍ قَرِ، عَ مَسٍنيِ تِمَ عَ بّ مَلٍكّ قِرِنيِيٍ سَوُرّ تَفِ نَشٍيٍ نَ نَ كَنكِرَ قَرِ.
عٍ نَشَ كٍلِ عَلَتَلَ شَ فٍيَ بُن مَ، عٍ شِ سَشَن حّرّ رَبَ. عَلَتَلَ شَ سَاتّ كَنكِرَ نُ تِشِ عٍ يَ رَ نَ شِ سَشَن بُن مَ يٌنكِندٍ قٍنقٍ رَ. عٍ تٌ نُ كٍلِمَ عٍ يٌنكِندٍ، عَلَتَلَ شَ نُشُي نُ تِشِ عٍ شُن مَ قّيحّنيِ كُي. عٍ تٌ نُ سَاتّ كَنكِرَ رَكٍلِمَ تّمُي نَشّ، مُنسَ نُ عَ قَلَمَ، «عَلَتَلَ، عِ شَ كٍلِ، عِ شَ عِ يَشُييٍ رَيٍنسٍن. نَشٍيٍ عِ شْنشِ، نٍيٍ قَن شَ عٍ فِ عِ يَ رَ.» عٍ تٌ نُ سَاتّ كَنكِرَ رَفٌرٌ مَ تّمُي نَشّ، مُنسَ نُ عَ قَلَمَ، «عَلَتَلَ، عِ شَ عِ مَفٌرٌ عِسِرَيِلَ حَمَ وُيَشِ تَفِ.»
عَلَتَلَ نَشَ عَ مَسٍن مُنسَ بّ، «عَ قَلَ هَرُنَ سّرّشّدُبّ شَ دِ شّمّ عٍلٍيَسَرِ بّ، عَ شَ سُرَيِ فَنسٍيٍ مَتٌنفٌ تّ شْورَ، عَ شَ عٍ تّ وٌلٍيٍ رَوٌلِ يِرٍ مَكُيٍ. نَ سُرَيِ فَنسٍيٍ بَرَ قِندِ سٍ سّنِيّنشِيٍ رَ عَلَ بّ. وٌ شَ نَ سُرَيِ فَنسٍيٍ مَتٌنفٌ، يُنُبِتْييٍ نَشٍيٍ رَوَلِشِ عٍ قَ قَشَ، وٌ عٍ بْنبْ هَن عٍ شَ قِندِ عَ كٍبٍلَ رَ، وٌ عٍ سَ سّرّشّبَدٍ مَ. سٍ سّنِيّنشِ نَ عَ رَ بَرِ مَ عَ نُ بَرَ مَسٍن عَلَتَلَ بّ. نَ كُي عَ قِندِ تْنشُمَ نَن نَ عِسِرَيِلَكَيٍ بّ.» عٍلٍيَسَرِ سّرّشّدُبّ نَشَ نَ مِشِيٍ شَ سُرَيِ فَنسٍ وُرٍ فبٍيلِ دَاشِيٍ مَتٌنفٌ، نَ مِشِ قَشَشِيٍ نَشٍيٍ رَوَلِشِ، عَ عٍ بْنبْ هَن عٍ قِندِ كٍبٍلَ رَ، عَ عٍ سَ سّرّشّبَدٍ مَ. نَ بَرَ قِندِ تْنشُمَ رَ عِسِرَيِلَكَيٍ بّ، عَلَكٌ عٍ شَ رَتُ عَ مَ عَ مُ لَن مِشِ يٌ شَ سُرَيِ فَن سّرّشّ رَ بَقٍ هَرُنَ شَ دِيٍ، شَ نَ مُ عَ رَ عَ قَن لُمَ نّ عَلْ كٌرَ نُن عَ شَ مِشِيٍ، عَلْ عَلَتَلَ عَ مَسٍنشِ مُنسَ بّ كِ نَشّ.
نَ كُيٍ عِبَ، عِسِرَيِلَ حَمَ نَشَ وْيّن قْلْ مُنسَ نُن هَرُنَ مَ، عَ عٍ تَن نَن عَلَتَلَ شَ حَمَ قَشَشِ. عٍ نُ عٍ مَلَنقٍ تّمُي نَشّ مُنسَ نُن هَرُنَ شِلِ مَ، عٍ نَشَ عَ تٌ نُشُي نَشَ دُ سُ هْرْ مْلِنفِرَ شُن مَ، عَلَتَلَ شَ نْرّ قَ مِنِ عٍ مَ.
مُنسَ نُن هَرُنَ نَشَ سِفَ هْرْ مْلِنفِرَ دّ رَ. عَلَتَلَ نَشَ عَ مَسٍن مُنسَ بّ، «وٌ مِنِ يِ مِشِيٍ يَ مَ، ﭑ شَ عٍ سْنتْ كٍرٍنيِ رَ.» مُنسَ نُن هَرُنَ نَشَ عٍ يَتَفِ رَقٍلٍن بْشِ مَ، مُنسَ قَ عَ قَلَ هَرُنَ بّ، «عِ شَ تّ وٌلٍ تٌنفٌ سّرّشّبَدٍ يِرٍ، عِ عَ سَ عِ شَ سُرَيِ فَنسٍ كُي عَ نُن سُرَيِ ندٍ. نَ شَنِن مَقُرٍن مَقُرٍن حَمَ مَبِرِ، عِ سَ يُنُبِ شَقَرِ مَشَندِ عٍ بّ. عَلَتَلَ بَرَ عَ شَ شْنّ قُلُن يِ حَمَ شِلِ مَ، سْنتْي حَن بَرَ قْلْ.»
حَمَ تٌ مِنِ عٍ شَ كِرِ بَنشِيٍ كُي يُرُدّن عِفِرِقٍ رَ، سّرّشّدُبّ نَشٍيٍ سَاتّ كَنكِرَ شَنِنمَ، نٍيٍ قَن نَشَ عٍ حّرّ قْلْ حَمَ يَ رَ. سّرّشّدُبّيٍ قّقّ يُرُدّن لِ، عٍ عٍ سَنيِيٍ رَ سِن يٍ شْورَ، يُرُدّن شُرٍ نَشَن يٍ نُ بَنبَرَنمَ يِرٍ بِرِن نَ شّ شَبَ تّمُي، نَ يٍ نَشَن كٍلِمَ قُفٍ بِرِ رَ، نَ نَشَ بٌلٌن، عَ قَ مَلَن يِرٍ مَكُيٍ عَدَ مَ تَا لٌنفٌرِ، نَشَن نُ نَ سَرَتَن تَا قّ مَ. يٍ نَشَن فٌرٌ مَ قْشْي بَا مَ يُرُدّن قٌلٍ كُي، نَ بِرِن نَشَ بٌلٌن، حَمَ نَشَ فِرِ يٍرِكٌ يَ تَفِ. سّرّشّدُبّ نَشٍيٍ نُ عَلَتَلَ شَ سَاتّ كَنكِرَ شَنِنمَ، نٍيٍ نَشَ تِ يُرُدّن تَفِ بْشِ شَرٍ مَ، هَن عِسِرَيِلَ بْنسْي بِرِن نَشَ فّ يُرُدّن عِفِرِدٍ عٍ شَرَشِ رَ.
سّرّشّدُبّ نَشٍيٍ عَلَتَلَ شَ سَاتّ كَنكِرَ شَنِنمَ، نٍيٍ نُ عٍ سَنيِ تَلَمَ تّمُي نَشّ كٍلِقٍ رَ يُرُدّن شُرٍ كُي، يُرُدّن يٍ مَن نَشَ فبِلٍن عَ يِرٍ، عَ مَن نَشَ عَ حّرّ قْلْ عَلْ عَ سِنفٍ. عَ نَشَ بَنبَرَن يّ يُرُدّن يِرٍ بِرِن مَ.
يٍرِكٌ سٌدٍ دّ بِرِن نُ مَبَلَنشِ نّ عِسِرَيِلَكَيٍ شَ قٍ رَ. مِشِ مُ مِنِمَ، مِشِ مُ سٌمَ. عَلَتَلَ نَشَ عَ مَسٍن يٌسُوٍ بّ، «عَ مَتٌ، ﭑ بَرَ يٍرِكٌ تَا سَ عِ بّلّشّ، عَ مَنفّ، نُن عَ سْورِ حَلَمَيٍ. عِ شَ فٍرٍ سٌي بِرِن شَ يِ تَا رَبِلِن سَنمَيَ كٍرٍن شِ كٍرٍن كُي، شِ سٍننِ بُن مَ. سّرّشّدُبّ مِشِ سٌلٌقٍرٍ شَ يّشّي كٌنتٌنيِ قٍرِ سٌلٌقٍرٍ سُشُ عٍ يِ رَ، عٍ شَ حّرّ سَاتّ كَنكِرَ يَ رَ. عَ شِ سٌلٌقٍرٍ ندٍ، وٌ شَ تَا رَبِلِن سَنمَيَ سٌلٌقٍرٍ، سّرّشّدُبّيٍ نُ قَ قٍرِ قٍ. عٍ نَ يّشّي كٌنتٌنيِ قٍرِ قٍ، وٌ نَشَ عَ شُي مّ، حَمَ بِرِن شَ سْنشْي فبٍفبٍ رَتٍ. نَ تّمُي تّتّ نَشَن تَا رَبِلِنشِ، نَ بِرَ مَ نّ عَ يّتّ مَ. كَنكَن تِشِ دّننَشّ بِرِ، عَ شَ سٌ مّننِ رَ.»
نُنُ شَ دِ يٌسُوٍ نَشَ سّرّشّدُبّيٍ شِلِ، عَ عَ قَلَ عٍ بّ، «وٌ عَلَتَلَ شَ سَاتّ كَنكِرَ تٌنفٌ. سّرّشّدُبّ سٌلٌقٍرٍ شَ يّشّي كٌنتٌنيِ قٍرِ سٌلٌقٍرٍ تٌنفٌ، وٌ شَ تِ عَلَتَلَ شَ سَاتّ كَنكِرَ يَ رَ.» عَ نَشَ عَ قَلَ حَمَ بّ، «وٌ دَنفِ، وٌ شَ تَا رَبِلِن. مَكَنتَتِ سِنفٍيٍ شَ تِ عَلَتَلَ شَ سَاتّ كَنكِرَ يَ رَ.»
حَمَ نَشَ سْنشْي رَتٍ، سّرّشّدُبّيٍ نُ قَ قٍرِ قٍ. حَمَ تٌ قٍرِ شُي مّ، عٍ نَشَ سْنشْي فبٍفبٍ رَتٍ. تّتّ نَشَ بِرَ عَ يّتّ مَ، حَمَ قَ سٌ كٍرٍن نَ تَا كُي. تَا نَشَ قِندِ عٍ فبٍ رَ.
قِلِسِتَكَيٍ نَشَ مِنِ عَ فٍرٍ كِ مَ عِسِرَيِلَكَيٍ يَ عِ. نَ فٍرٍ كُي عٍ نَشَ عِسِرَيِلَكَيٍ بْنبْ، عٍ مِشِ وُلُ نَانِ قَشَ. سْورِيٍ تٌ فبِلٍن يٌنكِن يِرٍ، عِسِرَيِلَ قٌرِيٍ نَشَ مَشْرِنيِ تِ، «مُنقٍ رَ عَلَتَلَ عَ لُشِ قِلِسِتَكَيٍ شَ وٌن بْنبْ تٌ؟ وٌن شّي سِلٌ عَلَتَلَ شَ سَاتّ كَنكِرَ تٌنفٌدٍ. عَ شَ لُ وٌن تَفِ، عَ شَ قَ وٌن نَكِسِ وٌن يَشُييٍ مَ.»
عٍ نَشَ مِشِيٍ شّي سِلٌ عَلَتَلَ شَ سَاتّ كَنكِرَ تٌنفٌدٍ، نَشَن دْشْشِ مَلٍكّ سَوُرّ قِرِنيِيٍ تَفِ. عٍلِ شَ دِ قِرِنيِيٍ شٌقِنِ نُن قِنٍشَسِ نَشَ نَ سَاتّ كَنكِرَ مَتِ هَن عِسِرَيِلَكَيٍ نُ يٌنكِنشِ دّننَشّ. عَلَتَلَ شَ سَاتّ كَنكِرَ تٌ سٌ يٌنكِندٍ، عِسِرَيِلَكَيٍ نَشَ عٍ شُي عِتٍ هَن بْشِ قَ سّرّن. قِلِسِتَكَيٍ تٌ نَ مّ، عٍ نَشَ عَ قَلَ، «مُنسٍ نَ يِ شُي فبٍ رَ نَشَن تٍقٍ عِسِرَيِلَكَيٍ شْنيِ يِ كِ؟» عٍ تٌ عَ كٌلٌن عَ عَلَتَلَ شَ سَاتّ كَنكِرَ بَرَ قَ عِسِرَيِلَكَيٍ يٌنكِندٍ، عٍ نَشَ فَاشُ، بَرِ مَ عٍ نُ عَ قَلَمَ، «عَلَ بَرَ قَ عٍ يِرٍ. حَشَنكَتّ نَ وٌن بّ، نَشَن مَنِيّ مُ تٌشِ سِندٍن. حَشَنكَتّ نَ وٌن بّ. ندٍ وٌن كَنتَمَ يِ عَلَ سّنبّمَيٍ مَ؟ عَلَيٍ نَن يِ كِ نَشٍيٍ فبَلٌي مْولِ بِرِن دْشْ مِسِرَكَيٍ مَ فبٍنفبٍرٍنيِ مَ. قِلِسِتَكَيٍ، وٌن شَ لِمَنِيَ، وٌن شَ لُ عَلْ شّمّ سّنبّمَيٍ، عَلَكٌ عِسِرَيِلَكَيٍ نَشَ نْ وٌن نَ عَلْ وٌن تَن نْشِ عٍ رَ كِ نَشّ. وٌن شَ قِندِ شّمّ سّنبّمَيٍ رَ، وٌن شَ فٍرٍ سٌ!»
قِلِسِتَكَيٍ نَشَ فٍرٍ تِ، عٍ نَشَ عِسِرَيِلَكَيٍ بْنبْ هَن عٍ فِ عٍ سِفَ عٍ شْنيِ. نَ لْشْي كَسَرّ نَشَ فبٌ. عِسِرَيِلَكَ مِشِ وُلُ تٌنفٌ سَشَن نَشَ قَشَ نَ فٍرٍ كُي. قِلِسِتَكَيٍ نَشَ عَلَ شَ سَاتّ كَنكِرَ سُشُ، عٍ قَ عٍلِ شَ دِ قِرِنيِيٍ شٌقِنِ نُن قِنٍشَسِ قَشَ.
عَلَتَلَ نَشَ عَ سّنبّ رَفٌرٌ عَسِدٌدِكَيٍ مَ، عَ كَسَرّ فبٍفبٍ رَبَ عٍ تَفِ، عَ عَ نِيَ قِيٍ شَ مِنِ عٍ مَ نَ لٌنفٌرِ بِرِن. عٍ تٌ نَ قٍ تٌ، عٍ نَشَ عَ قَلَ، «عِسِرَيِلَ شَ عَلَ شَ سَاتّ كَنكِرَ مُ لُمَ وٌن شْنيِ، بَرِ مَ عَ نَ وٌن تَن نُن وٌن مَ عَلَ دَفْن حَشَنكَتَقٍ كِ قَنيِ.» عٍ نَشَ قِلِسِتَكَيٍ كُنتِفِ بِرِن مَلَن، عٍ عٍ مَشْرِن، «وٌن مُنسٍ رَبَمَ عِسِرَيِلَ شَ عَلَ شَ سَاتّ كَنكِرَ رَ؟ عَ شَ شَنِن فَتِ.» عٍ نَشَ عِسِرَيِلَ مَرِفِ عَلَ شَ كَنكِرَ شَنِن فَتِ. كْنْ نَ دَنفِ شَنبِ، عَلَتَلَ نَشَ عَ سّنبّ رَ مِنِ فَتِكَيٍ مَ، كٍلِقٍ عٍ شَ دِ مّيٍ مَ هَن عَ سَ دْشْ عٍ شَ قٌرِيٍ رَ. نَ قِ حَاشِ نَشَ دِن عٍ بِرِن نَ.
نَ كُي عٍ نَشَ عَلَ شَ كَنكِرَ شَنِن عٍكِرٌن. عَ تٌ سٌ نَا، عٍكِرٌنكَيٍ نَشَ فبٍلٍفبٍلٍ عَ قَلَقٍ رَ، «عٍ بَرَ عِسِرَيِلَكَيٍ شَ عَلَ شَ كَنكِرَ رَقَ مُشُ شْنيِ، عَلَكٌ عَ شَ مُشُ شَ مِشِيٍ قَشَ.» عٍ قَن نَشَ قِلِسِتَكَيٍ كُنتِفِيٍ مَلَن، عٍ عَ قَلَ عٍ بّ، «وٌ شَ عِسِرَيِلَكَيٍ شَ عَلَ شَ كَنكِرَ رَفبِلٍن عَ يِرٍ، عَلَكٌ عَ نَشَ مُشُ شَ مِشِيٍ قَشَ.» نَ تَا بِرِن نُ بَرَ كْنتْقِلِ نَ قَشّ شَ قٍ رَ. عَلَ نُ بَرَ عَ سّنبّ مَسٍن عٍ بّ.
عَلَتَلَ شَ سَاتّ كَنكِرَ كِكٍ سٌلٌقٍرٍ نَن نَبَ قِلِسِتَكَيٍ شَ بْشِ مَ. نَ تّمُي عٍ نَشَ عٍ شَ سّرّشّدُبّيٍ نُن عٍ سٍمَتٌي مَلَن، عٍ عٍ مَشْرِن، «عَ لَنمَ مُشُ شَ مُنسٍ رَبَ عَلَتَلَ شَ سَاتّ كَنكِرَ رَ؟ وٌ نَ رَفبِلٍن كِ قَلَ مُشُ بّ.» عٍ نَشَ عٍ يَابِ، «شَ وٌ سَ عَلَتَلَ شَ سَاتّ كَنكِرَ رَفبِلٍن عَ يِرٍ، وٌ نَشَ عَ رَفبِلٍن يّتّ رَفبِلٍن سّرّشّ شَنبِ. قٌ وٌ شَ وٌ شُنسَرٍ بَ، عَلَكٌ وٌ شَ يَلَن، وٌ مَن شَ عَ كٌلٌن قٍ نَشَن عَ نِيَشِ عَ عَ سّنبّ مُ فبِلٍنشِ وٌ قْشْ رَ.»
قِلِسِتَكَيٍ نَ نَن نَبَ. عٍ نَشَ نِنفٍ دِنفّ قِرِن تٌنفٌ، عٍ عٍ شِرِ سَرّتِ رَ، عٍ نَ نِنفٍيٍ شَ دِيٍ مَبَلَن كُلّ كُي. عٍ نَشَ عَلَتَلَ شَ سَاتّ كَنكِرَ بَكِ سَرّتِ كُي، عَ نُن كَنكِرَ بٌورٍ، حّنّ شّيمَ دَاشِ نُن عٍ شَ قِ مِسَالِ يَءِلَنشِ شّيمَ رَ نُ نَ نَشَن كُي. نَ نِنفٍ دِنفّيٍ نَشَ تِ كِرَ شْن مَ نَشَن سِفَمَ بٍتِ سٍمٍسِ بِرِ. عٍ نَشَ بِرَ نَ كِرَ كٍرٍنيِ قْشْ رَ عٍ شُي رَ مِنِ رَ. عٍ مُ سِفَ كْولَ مَ، عٍ مُ سِفَ يِرٍقَنيِ مَ. قِلِسِتَ مَنفّيٍ نَشَ بِرَ عٍ قْشْ رَ هَن بٍتِ سٍمٍسِ نَانِنيِ رَ.
بٍتِ سٍمٍسِكَيٍ نُ نَ قُندٍنيِ مَنِيّ شَبَقٍ فُلُنبَ كُي. عٍ تٌ عَلَتَلَ شَ سَاتّ كَنكِرَ تٌ قَ رَ، عٍ نَشَ سّيوَ. سَرّتِ نَشَ تِ يٌسُوٍ بٍتِ سٍمٍسِكَ شَ شّ مَ. فّمّ شُنفبٍ نُ نَ مّننِ. عٍ نَشَ سَرّتِ وُرِ عِبْو، عٍ نَ نِنفٍيٍ بَ سّرّشّ فَن دَاشِ رَ عَلَتَلَ بّ. لٍوِ بْنسْي مِشِيٍ نَشَ عَلَتَلَ شَ سَاتّ كَنكِرَ رَفٌرٌ، نُن نَ كَنكِرَ، نَشَن نُ دْشْشِ عَ قّ مَ، شّيمَ سٍيٍ نُ نَ نَشَن كُي. عٍ نَشَ نٍيٍ دْشْ نَ فّمّ شُنفبٍ قَرِ. نَ لْشْي بٍتِ سٍمٍسِكَيٍ نَشَ سّرّشّ فَن دَاشِيٍ نُن سّرّشّ مْولِ فبّتّيٍ بَ عَلَتَلَ بّ.
كِرِيَتِ يٍيَرِ مِ شّمّيٍ نَشَ قَ عَلَتَلَ شَ سَاتّ كَنكِرَ تٌنفٌدٍ، عٍ عَ شَنِن عَبِنَدَبٌ شْنيِ فٍيَ ندٍ قَرِ. عٍ نَشَ عَ شَ دِ شّمّ عٍلٍيَسَرِ قِندِ عَ كَنتَمَ رَ. عَلَتَلَ شَ سَاتّ كَنكِرَ حّ مْشْحّن نَن نَبَ كِرِيَتِ يٍيَرِ مِ. نَ تّمُي عِسِرَيِلَ حَمَ نُ وَ مَ فبِلٍنقٍ عَلَتَلَ مَ.
عٍ نَشَ سَ نَ دّنتّفّ مَنفّ دَوُدَ بّ. عٍ نَشّ، «عَلَتَلَ بَرَ دُبَ عٌبٍدٌ عٍدٌن شَ قْشّ بّ عَلَتَلَ شَ كَنكِرَ شَ قٍ رَ.»
نَ كُي دَوُدَ نَشَ سِفَ عٌبٍدٌ عٍدٌن شْنيِ، عَ سَ عَلَتَلَ شَ كَنكِرَ تٌنفٌ، عَ عَ شَنِن سّيوّ رَ عَ شَ تَا كُي. كَنكِرَ شَنِنيِيٍ تٌ سَنتٌنفٌ سٍننِ رَبَ، دَوُدَ نَشَ تُورَ نُن نِنفٍ بْرْفّشِ بَ سّرّشّ رَ. دَوُدَ نُ نَ قَرٍ بٌرٌنقٍ عَ سّنبّ بِرِن نَ عَلَتَلَ يَ عِ، دُفِ قِيشّ رَفٌرٌشِ عَ مَ. دَوُدَ نُن عِسِرَيِلَ حَمَ نَشَ نَ كَنكِرَ رَ سِفَ دَرِ سَلَمُ، عٍ نُ عَلَتَلَ مَتْشْ سَرَيٍ قٍ شُي رَ.
نَ تّمُي، سُلٍمَنِ نَشَ عِسِرَيِلَ قٌرِيٍ، بْنسْي شُنيِيٍ، نُن عِسِرَيِلَ دٍنبَيَ شُنيِيٍ مَشِلِ عَلَكٌ عٍ شَ تٍ عَلَتَلَ شَ سَاتّ كَنكِرَ رَ كٍلِقٍ سِيٌن، دَوُدَ شَ تَا. عِسِرَيِلَكَ بِرِن نَشَ عٍ مَلَن مَنفّ يِرٍ عَلَكٌ عٍ شَ كِكٍ سٌلٌقٍرٍ سَلِ رَبَ. عِسِرَيِلَ قٌرِيٍ بِرِن تٌ مّننِ لِ، لٍوِكَيٍ نَشَ سَاتّ كَنكِرَ تٌنفٌ، عٍ عَ شَنِن عَ نُن عَلَ شَ نَرَلَندٍ كِرِ بَنشِ، عَ نُن سٍ سّنِيّنشِ نَشٍيٍ نُ نَ عَ كُي. لٍوِكَ سّرّشّدُبّيٍ نَن نَ وَلِ رَبَ.
مَنفّ سُلٍمَنِ نُن عِسِرَيِلَ حَمَ نَشٍيٍ بِرِن نُ مَشِلِشِ، نَشَ تِ سَاتّ كَنكِرَ يَ رَ. عٍ نَشَ شُرُ سٍ لَنمَيٍ نُن عَ شُنفبٍ فبٍفبٍ بَ سّرّشّ رَ، نَشَن كْنتِ مُ نُ نْمَ كٌلٌندٍ. سّرّشّدُبّيٍ نَشَ عَلَتَلَ شَ سَاتّ كَنكِرَ دْشْ عَ دْشْدٍ عَلَ شَ هْرْ مْبَنشِ، يِرٍ سّنِيّنشِ قِسَمَنتٍ كُي. عٍ عَ دْشْ مَلٍكّيٍ فَبُتٍنيِيٍ بُن مَ. مَلٍكّيٍ فَبُتٍنيِيٍ نُ عِتَلَشِ سَاتّ كَنكِرَ نُن عَ مَشَنِن سٍيٍ شُن مَ. سَاتّ كَنكِرَ مَشَنِن سٍيٍ قِندِشِ وُرِ كُيٍيٍ نَن نَ، نَشٍيٍ حْييٍ نُ تٌمَ كَقِ ثَلَ مَ يِرٍ سّنِيّنشِ كُي، كْنْ عٍ مُ نُ نْمَ تٌدٍ هْرْ مْبَنشِ تَندٍ تَن مَ. هَن تٌ سَاتّ كَنكِرَ نَ مّننِ. سٍسٍ مُ نُ نَ نَ سَاتّ كَنكِرَ كُي، قٌ نَ وَلَشّ قِرِنيِ عَننَبِ مُنسَ نَشٍيٍ سَ عَ كُي. عَ نَ رَبَ شٌرٍبٍ فٍيَ يِرٍ نّ، عَلَتَلَ سَاتّ شِرِ لْشْي عٍ نُن عِسِرَيِلَكَيٍ تَفِ، عٍ مِنِ تّمُي مِسِرَ.
سّرّشّدُبّيٍ تٌ مِنِ يِرٍ سّنِيّنشِ كُي، نُشُي ندٍ نَشَ فٌرٌ عَلَتَلَ شَ بَنشِ مَ، عَ عَ رَقٍ. سّرّشّدُبّيٍ مُ نْ لُدٍ مّننِ عٍ شَ عٍ شَ وَلِ رَبَ، بَرِ مَ نَ نُشُي نُ نَ نَا، عَلَتَلَ شَ نْرّ نُ بَرَ لُ بَنشِ بِرِن مَ.
عَلَتَلَ شَ مَسٍنيِ نَن يَ،
«وٌ تَن كَلَبَنتٍيٍ، وٌ فبِلٍن ﭑ مَ.
ﭑ تَن نَن نَ وٌ مَرِفِ رَ.
ﭑ قَمَ نّ وٌ مَيٍفٍتِدٍ تَا نُن شَبِلّ كُي،
ﭑ قَ وٌ رَفبِلٍن سِيٌن.
ﭑ يَرٍرَتِيٍ تِمَ نّ وٌ بّ، نَشٍيٍ رَقَن ﭑ مَ.
عٍ لْننِ نُن شَشِلِ قَنيِ مَسٍنمَ نّ وٌ بّ.»
عَلَتَلَ شَ مَسٍنيِ نَن يَ.
«وٌ نَ وُيَ وٌ شَ بْشِ كُي،
وٌ قَمَ نّ نّيمُدٍ عَلَتَلَ شَ سَاتّ كَنكِرَ مَ.
وٌ مُ عَ شَ قٍ قَلَمَ،
وٌ شَ مَحْشُنيِ مُ سِفَمَ عَ مَ.
وٌ مُ عَ كٌلٌنمَ عَ بَرَ لْي،
وٌ مُ فبّتّ قٍنمَ.
سَاتّ سِنفٍ بُن مَ، يَامَرِ ندٍيٍ نُ نَ بَتُي شَ قٍ رَ، نُن عَلَ شَ هْرْ مْلِنفِرَ شَ قٍ رَ، نَشَن نُ نَ دُنِحَ. نَ هْرْ مْلِنفِرَ تٌ تِ، يِرٍ ندٍ نُ نَ نَشَن نُ شِلِ يِرٍ سّنِيّنشِ. لَنثُي نُ نَ عَ كُي، عَ نُن تٍيبِلِ سّرّشّ تَامِ نُ سَشِ نَشَن مَ. يِرٍ سّنِيّنشِ قِرِن ندٍ نُ نَ دُفِ فبَكُشِ شَنبِ رَ، نَشَن نُ سّنِيّن دَنفِقٍ بٌورٍ رَ. سُرَيِ فَنسٍ شّيمَ دَاشِ نُن سَاتّ كَنكِرَ نُ نَ نَ يِرٍ كُي. شّيمَ نُ سَشِ سَاتّ كَنكِرَ بِرِن مَ. تْنبِلِ شّيمَ دَاشِ مَنَ نُ رَفَتَشِ نَشَن كُي، هَرُنَ شَ شُلِ نَشَن قُفَ، عَ نُن وَلَشّيٍ، سَاتّ سّبّشِ نَشٍيٍ مَ، عٍ بِرِن نُ نَ نَ سَاتّ كَنكِرَ كُي. عَلَ شَ مَلٍكّ نْرْشِ مَسٌلِشِ قِرِنيِ نُ تِشِ سَاتّ كَنكِرَ قَرِ، عٍ يُنُبِ شَقَرِ يِرٍ مَكٌتٌ. عَ مُ لَنمَ وٌن شَ سٌ نَ وْيّنيِ بِرِن كُي يَكْسِ.
عَلَ شَ هْرْ مْلِنفِرَ نَشَن نَ كٌورٍ مَ، عَ نَشَ رَبِ، بِرِن نَشَ عَلَ شَ سَاتّ كَنكِرَ تٌ نَشَن نَ هْرْ مْلِنفِرَ كُي. نَ تّمُي سٍيَمَكْنيِيٍ، فَلَنيِ شُييٍ، بْشِ سّرّنيِ، نُن بَلَبَلَنيِ بٍلٍبٍلٍ نَشَ مِنِ سّنبّ رَ.