Arca de noé

13 Agus thubhairt Dia ri Nòah, Thàinig crìoch gach uile fheòla am fhianais; oir tha an talamh air a lìonadh le fòirneart dan trìdsan; agus, feuch, sgriosaidh mise iad maille ris an talamh.

14 Dèan dhut fhèin àirc de fhiodh gopheir; seòmraichean nì thu anns an àirc, agus còmhdaichidh tu i a-staigh agus a-muigh le pic.

15 Agus seo a’ chumachd air an dèan thu i: Trì cheud làmh-choille fad na h-àirce, lethcheud làmh-choille a leud, agus deich-ar-fhichead làmh-choille a h-àirde.

16 Uinneag nì thu don àirc, agus an làimh-choille crìochnaichidh tu i na mullach; agus doras na h-àirce cuiridh tu na taobh; le lobhtachan ìochdarach, meadhonach, agus uachdarach nì thu i.

1 Agus thubhairt an Tighearna ri Nòah, Rach thusa agus do thaigh uile a-steach don àirc; oir thusa chunnaic mi cothromach am fhianais anns a’ ghinealach seo.

7 Agus chaidh Nòah a-steach, agus a mhic agus a bhean agus mnathan a mhac maille ris, don àirc, airson uisgeachan na dìle.

8 De ainmhidhean glan, agus de ainmhidhean nach eil glan, agus de eunlaith, agus de gach nì a shnàigeas air an talamh,

9 Chaidh dithis agus dithis a-steach a dh’ionnsaigh Nòah don àirc, fireann agus boireann, a rèir mar a dh’àithn Dia do Nòah.

10 Agus an dèidh seachd làithean bha uisgeachan na dìle air an talamh.

16 Agus iadsan a chaidh a-steach, fireann agus boireann, chaidh iad a-steach de gach uile fheòil, mar a dh’àithn Dia dha: agus dhruid an Tighearna a-staigh e.

17 Agus bha an dìle dà-fhichead là air an talamh; agus mheudaicheadh na h-uisgeachan, agus ghiùlain iad an àirc, agus thogadh suas i os cionn na talmhainn.

18 Agus bhuadhaich na h-uisgeachan, agus mheudaicheadh iad gu h-anabarrach air an talamh; agus shiubhail an àirc air aghaidh nan uisgeachan.

23 Agus sgriosadh gach uile dhùil a bha air aghaidh na talmhainn, araon duine, agus ainmhidh, agus an creutair a shnàigeas, agus eunlaith nan speur; agus sgriosadh iad bhàrr na talmhainn: agus dh’fhàgadh a-mhàin Nòah, agus na bha maille ris anns an àirc.

3 Agus thill na h-uisgeachan a-ghnàth bhàrr na talmhainn: agus thraogh na h-uisgeachan an dèidh ceud agus leth-cheud là.

4 Agus stad an àirc anns an t-seachdamh mìos, air an t-seachdamh-là-deug den mhìos, air beanntan Ararait.

6 Agus an ceann dà-fhichead là, dh’fhosgail Nòah uinneag na h-àirc a rinn e:

7 Agus chuir e a-mach fitheach, a chaidh a-mach a’ dol air ais agus air aghaidh, gus an do thiormaicheadh na h-uisgeachan bhàrr na talmhainn.

8 Mar an ceudna chuir e a-mach calaman uaithe, a dh’fhaicinn an do thraogh na h-uisgeachan bhàrr aghaidh na talmhainn;

9 Ach cha d’fhuair an calaman fois do bhonn a choise, agus thill e da ionnsaigh don àirc, do bhrìgh gu robh na h-uisgeachan air aghaidh na talmhainn uile: an sin chuir e a-mach a làmh, agus rug e air, agus thug e a-steach e da ionnsaigh don àirc.

10 Agus dh’fhan e fhathast seachd làithean eile; agus a-rìs chuir e a-mach an calaman on àirc;

11 Agus thàinig an calaman da ionnsaigh anns an fheasgar, agus, feuch, duilleag craoibh-ola, a spìonadh leis, aige na ghob: agus dh’aithnich Nòah gun do thraogh na h-uisgeachan bhàrr na talmhainn.

12 Agus dh’fhan e fhathast seachd làithean eile; agus chuir e a-mach an calaman; agus cha do thill e a-rìs da ionnsaigh nas mò.

13 Agus anns an t-siathamh ceud bliadhna agus a h-aon, anns a’ chiad mhìos, anns a’ chiad là den mhìos, thiormaicheadh na h-uisgeachan suas bhàrr na talmhainn: agus bhuin Nòah air falbh còmhdach na h-àirc, agus dh’amhairc e, agus, feuch, bha aghaidh na talmhainn tioram.

15 Agus labhair Dia ri Nòah, ag ràdh,

16 Rach a-mach as an àirc, thu fhèin, agus do bhean, agus do mhic, agus mnathan do mhac maille riut.

17 Thoir a-mach leat gach nì beò a tha maille riut, de gach uile fheòil, de eunlaith, agus de sprèidh, agus de gach uile nì a shnàigeas a tha a’ snàigeadh air an talamh; a-chum is gun sìolaich iad air an talamh, agus gum bi iad torrach, agus gum fàs iad lìonmhor air an talamh.

8 Agus labhair Dia ri Nòah, agus ra mhic maille ris, ag ràdh,

9 Agus mise, feuch, daingnichidh mi mo choicheangal ribhse, agus ri ur sliochd nur dèidh;

10 Agus ris gach uile chreutair beò a tha maille ribh, de eunlaith, de sprèidh, agus de uile bheathaichean na talmhainn maille ribh; o gach uile a tha a’ dol a-mach as an àirc, gu uile bheathaichean na talmhainn.

11 Agus daingnichidh mi mo choicheangal ribh; agus cha sgriosar gach uile fheòil tuilleadh le uisgeachan na dìle; agus cha bhi dìle ann nas mò a sgrios na talmhainn.

13 Mo bhogha cuiridh mi anns an neul, agus bidh e na chomharradh coicheangail eadar mise agus an talamh.

7 Tre chreideamh, air do Nòah rabhadh fhaotainn o Dhia mu thimcheall nithean nach robh idir rim faicinn, agus eagal a ghabhail, dh’ullaich e àirc a-chum tèarnadh a theaghlaich; tre an do dhìt e an saoghal, agus rinneadh e na oighre air an fhìreantachd a tha a-thaobh creidimh.

20 A bha o shean eas-umhail, nuair a dh’fheith fad-fhulangas Dhè aon uair ann an làithean Nòah, am feadh a bha àirc ga h-ullachadh, anns an robh beagan, sin ri ràdh, ochd anaman, air an tèarnadh tre uisge.

21 Tha am baisteadh, mar shamhlachas a tha a’ co-fhreagradh dha seo (chan e cur dhinn sal na feòla, ach freagradh deagh chogais a-thaobh Dhè), a-nis gar tèarnadh-ne, tre aiseirigh Iosa Crìosd:

22 Neach air dha dol do nèamh, a tha air deaslàimh Dhè, air do ainglean, agus do uachdaranachdan, agus do chumhachdan a bhith air an cur fo a cheannsal.

37 Ach amhail a bha làithean Noe, mar sin mar an ceudna bidh teachd Mac an Duine.

38 Oir mar a bha iad anns na làithean ron tuil ag ithe agus ag òl, a’ pòsadh agus a’ toirt ann am pòsadh, gus an là anns an deachaidh Noe a-steach anns an àirc,

39 Agus nach robh fhios aca gus an tàinig an tuil, agus an do thog i leatha iad uile; mar sin mar an ceudna bidh teachd Mac an Duine.

40 An sin bidh dithis air a’ mhachair; gabhar fear aca, agus fàgar am fear eile.

41 Bidh dithis bhan a’ meileadh anns a’ mhuileann; gabhar aon dhiubh, agus fàgar an aon eile.