13 Hessa gisho, Xoossay Nohe haysada yaagidi kiittis; "Taani asa ubbaa dhaysana hanayis. Enta gaason biittay geellatethan kumida gisho, ase biittafe dhaysana. 14 Hessa gisho, mino mithafe new markabe keexa. He markabiya giddon daro qol7ata kessa. Yaatada sooranne karera made melaban meesha. Nohe Markabiya 15 Markabiya haysada yaatada keexa; adussatethaa 300 wadha, gompaa 50 wadha, geesa 30 wadha ootha. 16 Markabiyas kaara medha; kaarapenne godaape giddon issi wadha gidiya bessi dooya agga. Pengiya markabiyas miye baggara kessa; markabiya heedzu pooqe kessada keexa.

1 Hessafe guye, Goday Nohe haysada yaagis; "Neeni ne soo asa ubbaara markabiya giddo gela. Ha wodiya yeletethaa giddon ta sheniya poliday ne xalaala gididaysa be7as.

7 Nohey, iya adde nayti, iya machiyanne iya nayta macheti dhayo haathaafe attanaw markabiya giddo gelidosona. 8 Tuna gidonna mehepenne do7ape, tuna mehepenne do7ape kafotapenne biittara goosheteyisata ubbaafe 9 Xoossay Nohe kiitidaysada addenne maccas nam7a nam7a gididi, Noheko markabiya giddo gelidosona. 10 Laapun gallasape guye, dhayo haathay ha sa7a bolla yis.

16 Xoossay Nohe kiitidaysada, medhetetha ubbaafe addenne macca gididi markabiya giddo gelin Nohepe guyera Goday markabiya pengiya gordis.

17 Dhayo haathay oytamu gallas sa7a bolla bukishe de7is. Haathay daridi markabiya biittafe pude denthis. 18 Haathay biitta bolla keehi darin, markabey haatha bolla tooketis.

23 Sa7a bolla de7oy de7iya ubbay, asay, mehey, do7aynne salo kafoti ubbay sa7ape qushetidosona. Noheynne iyara markabiya giddon de7eyisata xalaali attidosona.

3 Yaanin, haathay xeetanne ishatamu gallas gakanaw wodhi wodhi bis. 4 Haathay wodhin laapuntha ageenan, tammanne laapuntha gallasan markabey Araraate zumata bolla uttis.

6 Oytamu gallasape guye, Nohey ba keexida markabiya maskootiya 7 dooyidi issi quuro kare yeddin quuroy haathay biitta bollafe melana gakanaw, yaanne haanne piradhishe gam7is. 8 Qassi Nohey haathay biitta bollafe wodhi wuridaako be7anaw issi holle kare yeddis. 9 Shin he holliya haathay biitta ubbaa bolla ha7ika de7iya gisho, shempiya bessi demmabuku. Hessa gisho, simmada, markabiyako yin, Nohey ba kushiya yeddidi, baako markabiya giddo ekis.

10 Hessafe guye, laapun gallas gam7idi, holliw zaaridi yeddis. 11 He holliya sa7i omarsiya wode iyako simmada yashe shamaho aacape duuthida irxa haythi ba doonan saxa ekada yasu. Yaatin, haathay biitta bollafe wodhidaysa Nohey eris. 12 Qassi Nohey hara laapun gallas gam7idi, he holliw zaaridi yeddis. Shin he holliya iyako simmada yabuuku.

13 Nohey usupun xeetanne issi laythi de7in, koyro ageenan koyro gallas, haathay biitta bollafe xiz7is. Nohey markabiya kamaa qaari xeellidi, biittay xiz7idaysa be7is.

15 Xoossay he wode Nohe haysada yaagidi kiittis; 16 "Neeni, ne machiw, ne adde naytanne ne nayta macheta ekada markabiya giddofe keya. 17 Enti yeletidi, darana mela de7oy de7iya medhetetha ubbaafe neera de7eyisata kafota, meheta, do7atanne biittara gooshetiya ubbaa neera kessa" yaagis.

8 Hessafe guye, Xoossay Nohenne iyara de7iya iya adde nayta haysada yaagis; 9 "Hiza, taani ta caaquwa hintera, hinte sheesharanne de7oy de7iya medhetetha ubbaara caaqayis. 10 Taani ta caaquwa kafotara, mehiyara, sa7a do7a ubbaaranne, markabiyape hintera keyida, de7oy de7iya medhetetha ubbara caaqayis. 11 Taani hintera caaqidaysa mela hizape de7oy de7iya medhetethati dhayo haathan dhayokona; ha sa7aaka zaari dhayo haathi dhaysena" yaagis.

13 Taani ta zuulla shaaran essas. I taapenne sa7a bolla de7iya medhetetha giddon de7iya caaquwas malla gidana.

7 Nohey buroo bentonnabas Xoossi iyaw odida wode Xoossas yayidi, bananne ba soo asaa ashshanaw ammanon markabe keexis. Yaatidi ba ammanuwan alame pirdidi, ammanon bentiya xillotethi Xoossafe ekis.✝

20 Nohey markabiya keexiya wode he shempoti Xoossaas kiitetonna ixidosona, shin Xoossay entana danda7i gam7is. Hospun asa xalaali markabiyan gelidi, dhayo haathaafe attidosona.✝ 21 He dhayo haathay ha77i hintena ashshiya xinqate leemiso gidis. Ha xinqatey bolla qita meecco gidonashin, lo77o kaha Xoossaafe ekanaw iya woossiya oge gididi, Kiristoosa denduwa baggara hintena ashshees. 22 I salo bidi Xoossaa ushachan uttidi, kiitanchota, maata aawatanne wolqaamata haarees.

37 Asa Na7aa yuussay, Nohe wode hanidaysa mela gidana.✝ 38 He wode dhayo haathay yaanape sinthe Nohey markabiyan gelida gallasa gakanaw, asay mishenne uyishe, ekishenne gelishe gam7is. 39 Dhayo haathay yidi, enta ubbaa dhaysana gakanaw akeekibokona. Asa Na7aa yuussayka hessada hanana.

40 "He wode nam7u asati gaden oothana. Entafe issoy eketana, hankoy attana. 41 Nam7u maccasati issife gaaccana. Entafe issiniya eketana hankiya attana.