Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
Mulungu kamulongela Nuhu, "Nowabananga wanhu wose walumbigwe, kwavija ulumwengu umemezwa na ukaini sama yao, avo nowabananga hewo hamoja na ulumwengu. Itendele mwenyego safina ya mbamha za m’vinje, tenda magati mgati yake na uibakaze lami mgati na hanze giladi mazi sambigengile mgati. Vino vivo vondauizenge, utali wake meta 133, na ugazi wake meta 22, na wimo wake kuchola uchana meta 13. Itendele kiswili na uleke nafasi ya utali wa sentimeta 44 hagatigati ya ikiswili na iviwambaza. Izenge iwe na golofa ndatu, na uikile na lwivi mkiwambaza.
Mmemelo wa Mazi
Abaho MNDEWA kamulongela Nuhu, "Ingila muisafina hamoja na mulango wako wose, kwavija nyona kamba gweye wiyeka iyo munhu ulibule uzenzeleganye haulongozi wangu mmwanza wa wanhu wa mulelo uno.
Heyo na mtwanzi wake na wanage na watwanzi zao wengila muisafina, kuukimbila ummemelo wa mazi. Kila namna ya wang’onyo waja hawalumbile kulavigwa nhosa na waja walumbile kulavigwa nhosa, ndege, na wang’onyo wotambala muisi, wengila muisafina wabiliwabili mtwanzi na mbigalo hamoja na Nuhu, kamba Mulungu viyalagize. Vigabitile mazua saba mmemelo wa mazi wiza muisi.
mtwanzi na mbigalo, kamba Mulungu viyamulagize. Abaho MNDEWA kawahindila ulwivi.
Ummemelo wa igamazi ugendelela mmazua malongo mane, na igamazi vigongezeke gaiinula isafina uchana ng’hani ya iisi. Mazi gamema na kongezeka ng’hani muisi, na ija isafina iengeluka uchana ya igamazi.
Mulungu kavikoma vinhu vose vili na ugima vikalile muisi. Wanhu wose wadanganhika hamoja na wang’onyo, ndege, na kila kinhu kilumbigwe kitembela muisi. Nuhu hamoja na waja wakalile muisafina wao wasigale.
Vigabitile mazua mia na malongo matano mazi gakala gahunguka lugaluga muisi, na mdizua da longo dimwe na saba da mulenge wa saba isafina ima hachana ya imigongo ya Alalati.
Vigeshile mazua malongo mane Nuhu kadivugula idizonzo diyatendile muisafina na kumulava hanze bondwa, nayo habwelile, ila kaguluka kuno na kuno mbaka igamazi viganyalile. Abaho Nuhu kamulava hanze hua yalole kamba igamazi gahungula muisi. Ila ija ihua hapatile hanhu ha kwima kwavija kukala na mazi muisi yose, avo kabwela ha Nuhu muisafina. Nuhu kaugolosa mkono wake kamsola ija ihua na kum’bweza kumwake muisafina. Kabeta mbaka mazua saba gayagwe, abaho kamulava ihua kabili. Ija ihua viyabweleganye mkipigiti cha ichungulo, mmulomo wake kakala na jani bisi da mzaituni, avo Nuhu kavitanga kamba mazi gahunguka muisi. Abaho kabeta mazua saba gayagwe, kamulava hanze ija ihua. Kipigiti kino habwelile kabili kumwake.
Nuhu viyakalile na milao mia sita na umwe, mdizua da mwanduso da umulenge wa mwanduso, igamazi ganyala. Nuhu kakisegeza ikigubiko cha isafina, kasungulila, na kona kamba isi ikala inyalile.
Abaho Mulungu kamulongela Nuhu, "Lawa hanze ya isafina, gweye na mtwanzi wako, na wanago na watwanzi zao. Walave hanze kila kinhu kilumbigwe kili na ugima kili hamoja na gweye, ndege, wang’onyo, na kila kinhu kilumbigwe kitembela muisi giladi wenele muisi na kulela na kongezeka."
Abaho Mulungu kawalongela Nuhu na wanage, "Sambi nokwika lagano jangu na gweye na lukolo lwako, na vinhu vose vili na ugima vikalile hamoja na gweye, ndege wose, wang’onyo wose wofugigwa, wang’onyo wose wa kumuhulo, na kila kinhu chuulawilenacho muisafina, kila kinhu kili na ugima kilumbigwe muisi. Nokwika lagano jangu na gweye, kamba vinhu vose vili na ugima havibanangigwa kabili na ummemelo wa mazi. Na ummemelo wa mazi hauubananga kabili iisi."
nokwika pindamulungu jangu muna gamawingu. Dowa kilaguso cha lagano jangu na ulumwengu.
Nhamanila iyo imtendile Nuhu yaihulike nzuma ya mbuli zikwiza ziyalekile kuzona. Kamtogola Mulungu na kutenda safina iyo imkombole heyo na mulango wake, hakimambukizo ulumwengu utagusigwa, na Nuhu kapetigwa na Mulungu kuwa mwende sama ya nhamanila iyakalile nayo.
Zino zikala loho za wanhu waja walekile kumtogola Mulungu kipigiti Mulungu viyakalile yobeta mkwazaganya, kipigiti cha Nuhu viyakalile yozenga meli yake. Wanhu kidogo wakalile muimeli, wanhu wanane weiyeka, wakomboligwa muna igamazi. Na mazi gano galinga na ubatizo uja uwakombola mweye sambi. Hagasegeza dikwe da lukuli, ila gawa kilagano kitendigwe ha Mulungu kulawa muudaho unogile wa kusambula gehile na ganogile. Kilagano kiwakombola mweye kubitila mzuso wa Yesu Kilisto, ayo yacholile kuulanga na kukala ng’ambu ya mkono wa ukulume wa Mulungu, yotawala wasenga wose wa Mulungu wa kuulanga, waja wali na udaho kuulanga, na waja wali na mhiko.
Kwiza kwa Mwana wa Munhu kowa kamba mkipigiti cha Nuhu. Kwavija mmemelo wa mazi vuukalile haunalawila, wanhu wakala woja na kung’wa, wasola na kusoligwa, mbaka zua dija Nuhu viyengile muisafina, hawakitangile kija kilondile kulawilila, mbaka mmemelo wa mazi vuwizile na kuwakoma wanhu wose. Na vino vivo vondayeze Mwana wa Munhu. Mkipigiti hicho, wambigalo wabili wolima mumgunda, imwe kosoligwa na iyagwe kolekigwa. Watwanzi wabili wotwanga, imwe kosoligwa na iyagwe kolekigwa.