13 Imulungu kamulongela Nuhu, "Nowabananga wanhu wose kwavija isi imema gehile mbuli yao. Ona, nowabananga hewo hamoja na iisi! 14 Avo izengele mwenyego safina kulu kwa mibiki ikemigwa Gofe. Gola magati mdisafina dijo na ukande tongo tongo kunze na mgati. 15 Vino vivo vonda udizenge safina dijo, utali wake diwe makono gana na malongo madatu na ndatu na ugazi wake diwe makono malongo mabili na mbili na utali wake wa kuchola uchanha diwe makono longo na ndatu. 16 Zenga kiswili cha safina dijo na wike nyafasi ya nusu mkono kulawa kiswili na kukanho. Wike mulango mulubavu lwa disafina na utende makanho madatu, kanho da hasi na da kabili na da kadatu.

1 Mndewa Imulungu kamulongela Nuhu, "Ingila mdisafina gweye na wanhu wa mng’anda yako, kwavija mna iwanhu wose iwokala sambi mwiisi gweye wiiyeka ayo utenda ganogile.

7 Nuhu na mwehe wake na wanage na wehe zao wengila mdisafina ili wahonyeke na mazi mengi. 8 Wanyama odigwa na wanyama hawadigwa na ndege na wang’onyo wose otambala mwiisi, 9 mbigalo kwa mtwanzi, wengila mdisafina hamoja na Nuhu kamba viyalagize Imulungu. 10 Siku saba kumwande mazi mengi gasonga kuigubika isi.

16 Wanyama wengile wakala wa kitwanzi na wa kimbigalo kwa kila aina ya kinhu kilumbigwe kili na ugima kamba Mndewa Imulungu viyamulagize Nuhu. Abaho Mndewa kahinda ulwivi kukisogo cha Nuhu.

17 Mazi gagendelela kumema kwa kipindi cha siku malongo mane, mazi gongezeka na kwinula disafina uchanha ng’hani. 18 Mazi gongezeka ng’hani mwiisi na safina jeluka uchanha yake.

23 Kila kinhu kili na ugima mwiisi kifa, wanhu na wanyama na wang’onyo wose otambala na ndege wakomigwa. Nuhu yaiyeka ayo yasigale hamoja na waja yakalile nao mdisafina.

3 na mazi gagendelela kuhunguka mholemhole kwa siku gana na malongo matano. 4 Mna isiku ya longo na saba muumwezi wa saba, safina dima uchanha kuvigongo va Alalati.

6 Vizibitile siku malongo mane, Nuhu kavugula zonzo diyatendile, 7 kamulava kunze bondwa, kaguluka uko na uko mbaka mazi viganyalile mwiisi. 8 Abaho Nuhu kamulava huwa yalole kamba mazi gahunguka mwiisi. 9 Lakini kwavija mazi gakala gagubike isi yose, huwa ayo hapatile hanhu ha kwima, avo kaguluka kabwela mdisafina. Nuhu kagolosa mkono wake na kambweza huwa ayo mdisafina. 10 Nuhu kabeta siku saba ziyagwe, abaho kamulava kabili huwa iija. 11 Ichungulo huwa kabwela kwa Nuhu, mmulomo wake kakala yalumile lujani lwa mzeituni. Avo Nuhu kajuwa kamba mazi gakala gahunguke mwiisi. 12 Abaho kabeta siku saba ziyagwe na kamulava huwa ayo kabili, mwanza uno huwa ayo habwelile bule.

13 Nuhu viyakalile na miyaka magana sita na moja, siku da ichanduso da mwezi wa ichanduso, mazi gakala ganyalile mwiisi yose. Nuhu kagubula ingubiko ya disafina, kawegesela, kona isi ikala inyalile.

15 Baho Imulungu kamulongela Nuhu, 16 "Lawa kunze mdisafina, gweye hamoja na mwehe wako na wanago na wehe zao. 17 Lava kunze vinhu vose vili na ugima vikalile hamoja na gweye, ndege na wanyama na kila mng’onyo yotambala ili walele ng’hani mwiisi, ongezeke na kwenela kila hanhu mwiisi."

8 Imulungu kamulongela Nuhu na wanage, 9 "Sambi notenda lagano na mweye na wanhu wa ulelo wenu, 10 na vose vili na ugima, ndege wose na wanyama ofugigwa na wanyama wa kumuhulo na kila kinhu kilawile mdisafina hamoja na gweye. 11 Kwa mbuli zino notenda lagano jangu na gweye na nolonga vino, vinhu vose vili na ugima honda nivibanange bule kabili kwa mazi mengi. Mazi mengi honda gaibanange bule isi yose kabili.

13 nokwika pinde jangu kuulanga, dokuwa kilaguso cha lagano jangu na isi yose.

7 Kwa kutamanila Nuhu viyazumigwe na Imulungu mbuli ya vinhu va kumwande yang’hali hanavona, kamtegeleza Imulungu kazenga safina na kakomboligwa na wanhu wa lubuga lwake. Kwa kutamanila Nuhu katendigwa kanoga mgameso ga Imulungu lakini wanhu wose wa mwiisi oneka kamba wabananga.

20 za wao walemile kumtegeleza Imulungu baho umwaka viyawabetele kwa kufunga umoyo mna kipindi cha Nuhu viyakalile kozenga safina. Wanhu wadodo wahonyeka na mazi, wakala wanhu wanane waiyeka. 21 Na mazi gago sambi golagusa ubatizo, awo uwakombola. Siyo kwa kusunha dikwe da lukuli lakini lagano kwa Imulungu ditendigwa kwa moyo unogile kumwake. Ubatizo owakombola kwa kuzilibuka kwa Yesu Kilisito, 22 yacholile kuulanga na kakala muukulu mwambu wa mkono wa kudila wa Imulungu, ako kowatawala wasenga wa kuulanga na wakulu na weli na udahi na nguvu.

37 Kwiza kwa Mwana wa Munhu kuigala na kija kilawilile kipindi cha Nuhu. 38 Kwavija kipindi kija ing’hali hainatowa mvula ng’hulu wanhu waja na kung’wa, wanhu wasola na kusoligwa, mbaka mna isiku ija Nuhu viyengile mna idisafina. 39 Lakini wanhu hawajuwile chondakilawilile mbaka mvula ng’hulu viitowile na kuwafagila wose. Vivo vonda iwe kipindi Mwana wa Munhu yaheza. 40 Kipindi acho wanhu wabili okuwa kumgunda, imoja kosoligwa na iyagwe kolekigwa. 41 Watwanzi wabili okuwa oduga, imoja kosoligwa na iyagwe kolekigwa.