Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
ପାର୍ମେଶ୍ୱାର୍ ନୁହୁଁକେ କାଜିକିୟାଏ, "ହଡ଼କଆଃ ହରାତେ ଗଟା ଅତେଦିଶୁମ୍ ଏତ୍କାନ୍ତେ ପେରେୟାକାନା, ଏନାମେନ୍ତେ ଆଇଙ୍ଗ୍ ଉହାଟ୍ କେଦାଇଙ୍ଗ୍, ସବେନ୍ ହଡ଼କକେ ଓଡ଼ୋଃ ଜାଁତୁକକେ ଅତେଦିଶୁମ୍ଲଃଗି ଜିଅନ୍କଆଇଙ୍ଗ୍। ଆମାଃ ନାଗେନ୍ତେ ଗୋଫର୍ ଦାରୁରାଃ ମିଆଦ୍ ଦାଆଃ ଜାହାଜ୍ ବାଇୟେମେ, ଓଡ଼ୋଃ ଏନାରେ କୋଠା କୋଠା ବାଇୟେମେ ଆଡଃଗି ଏନାରାଃ ଭିତାର୍ରେ ଓଡ଼ୋଃ ବାହାରିରେ ଲାସା ଜଲମେମ୍। ଏନ୍ ଦାଆଃ ଜାହାଜ୍କେ ନେ’ଲେକାତେ ବାଇୟେମେ, ଜିଲିଙ୍ଗ୍ରେ ������ ମୁକା, ଚାକାର୍ ���� ମୁକା ଓଡ଼ୋଃ ���� ମୁକା ସାଲାଙ୍ଗି ବାଇୟେମେ। ଦାଆଃ ଜାହାଜ୍ରେୟାଃ ଚେତାନ୍ଏତେ ମିଦ୍ମୁକା ବାଗିକେଦ୍ତେ ଖିଡ଼୍କି ବାଇୟେମେ, ଏନାରାଃ ଗେନାରେ ଦୁହାର୍ ଦହେମେ, ଓଡ଼ୋଃ ଏନାରେ ଆପି ମାହାଲା ବାଇୟେମେ।
ଟୁଡା ଦାଆଃ
ପ୍ରାଭୁ ନୁହୁଁକେ କାଜିକିୟା, "ଆମାଃ ଅଡ଼ାଃରେନ୍କଲଃ ଜାହାଜ୍ରେ ବଲଃମେଁ, ଚିୟାଃଚି ନେ ପାରିୟାରେନ୍ ହଡ଼କଏତେ ଆଇଙ୍ଗ୍ ଆମ୍କେ ଏସ୍କାର୍ ଅତେରେ ଅକଆଃ ଧାର୍ମାନ୍ ତାନାଃ ଏନା ରିକାତେୟାଃ ନେଲେମେ ତାନାଇଙ୍ଗ୍।
ଏନ୍ତେ ନୁହୁଁ ଓଡ଼ୋଃ ଆୟାଃ କୁଡ଼ିତେ, ଇନିୟାଃ ହନ୍ଗାଣା ଓଡ଼ୋଃ କିମିନ୍କଲଃ ଟୁଡା ଦାଆଃଏତେ ବାଞ୍ଚାଅ ନାଗେନ୍ତେ ଦାଆଃ ଜାହାଜ୍ତେ ବଲୟାନାକ। ଏନ୍ତେ ଫାର୍ଚି ଓଡ଼ୋଃ ସତ୍ରାକାନ୍ ସବେନ୍ ରାକାମ୍ରେନ୍ ଜାଁତୁ ଓଡ଼ୋଃ ଚେଣେଁକ ଓଡ଼ୋଃ ରେଙ୍ଗାଅଃତାନ୍ ମିମିୟାଦ୍ ଜୁଡ଼ି ନୁହୁଁତାଃ ହିଜୁଃୟାନାକ, ଓଡ଼ୋଃ ପାର୍ମେଶ୍ୱାର୍ ଆଚୁକାଦ୍ ଲେକାଗି ଇନ୍କୁ ଜୁଡ଼ି ଜୁଡ଼ି ଦାଆଃ ଜାହାଜ୍ରେ ବଲୟାନାକ। ଏନ୍ତେ ଏୟା ହୁଲାଙ୍ଗ୍ ତାୟମ୍ତେ ଗାମାଦାଆଃ ଅତେରେ ହିଜୁଃୟାନା।
ପାର୍ମେଶ୍ୱାର୍ ଆଚୁକାଦ୍ଲେକାଗି ସବେନ୍ ରାକାମ୍ରେନ୍ ଜାତୁଁକ ମିମିଦ୍ ମିମିଦ୍ ଜଡ଼ାକେଦ୍ତେ ବଲୟାନାକ, ଏନ୍ତେ ପ୍ରାଭୁ ପାର୍ମେଶ୍ୱାର୍ ଦାଆଃ ଜାହାଜ୍ରେୟାଃ ଦୁଆର୍କେ ହାଣ୍ଡେଦ୍କେଦା।
ଏନ୍ତେ ବାର୍ହିସି ହୁଲାଙ୍ଗ୍ ଜାକେଦ୍ ଗାମାଦାଆଃ ହିଜୁଃୟାନା; ଓଡ଼ୋଃ ପୁରାଃଗି ଦାଆଃ ଗାମା ହରାତେ ଦାଆଃ ଜାହାଜ୍ ଅତେକେ ବାଗିକେଦ୍ତେ ଦାଆଃ ଚେତାନ୍ତେ ଆତୁ ୟାନା। ଅତେ ଚେତାନ୍ରେ ଦାଆଃ ପୁରାଃଗି ହବାୟାନା ଏନ୍ତେ ଦାଆଃ ଜାହାଜ୍ ଦାଆଃ ଚେତାନ୍ରେ ଆତୁ ଏଟେଦ୍ୟାନା।
ନେ’ଲେକାତେ ଅତେ ଚେତାନ୍ରେ ତାଇନ୍ତାନ୍ ସବେନ୍ ଜାଁତୁକ, ଚେଣେଁକ,ଅତେରେ ରେଙ୍ଗାଅଃତାନ୍ ଜାଁତୁକ ଓଡ଼ୋଃ ସବେନ୍ ହଡ଼କ ଜିଅନ୍ୟାନାକ, ନୁହୁଁ ଓଡ଼ୋଃ ଆୟାଃଲଃ ଦାଆଃ ଜାହାଜ୍ରେ ତାଇକେନ୍କ ଏସ୍କାର୍ ବାଞ୍ଚାଅୟାନା।
ଏନ୍ତେ ������ ହୁଲାଙ୍ଗ୍ରେୟାଃ ଟୁଣ୍ଡୁରେ ଅତେରେୟାଃ ଦାଆଃ ମାଡ଼ି ମାଡ଼ିତେ ଆଞ୍ଜେଦ୍ ଏଟେଦ୍ୟାନା। ଏନ୍ତାୟମ୍ତେ ଏୟା ମାହିଁନାରାଃ ଗେଲେୟା ହୁଲାଙ୍ଗ୍ରେ ଆରାରାଟ୍ ନୁତୁମ୍ ବୁରୁ ଚେତାନ୍ରେ ଦାଆଃ ଜାହାଜ୍ ତିଙ୍ଗୁୟାନା।
ଏନ୍ତେ ନୁହୁଁ ବାର୍ହିସି ତାୟମ୍ତେ ଦାଆଃ ଜାହାଜ୍ରେୟାଃ ଖିଡ଼୍କିକେ ନିଜ୍କେଦାଏ, ଓଡ଼ୋଃ ମିଆଦ୍ କାଉଆକେ ଆଫିର୍କିୟା। ଏନ୍ତେ ଏନ୍ କାଉଆ ଦାଆଃ ପୁରା ଆଞ୍ଜେଦ୍ ଜାକେଦ୍ ନେତେହେନ୍ତେ ଆଫିର୍ ତାଇକେନାଏ। ଆଡଃଗି ନୁହୁଁ ଅତେରେୟାଃ ଦାଆଃ ଆଞ୍ଜେଦ୍ୟାନା ଚି କାହା ଏନା ସାରି ନାଗେନ୍ତେ ମିଆଦ୍ ଦୁଦୁମୁଲ୍କେ କୁଲ୍କିୟା, ମେନ୍ଦ ଅତେରେ ଚାରିଓସାଃ ଦାଆଃ ତାଇକେନ୍ ହରାତେ ଦୁଦୁମୁଲ୍ ଆୟାଃ କାଟାକେ ଦହନାଙ୍ଗ୍ ଠାୟାଦ୍ କାଏ ନାମ୍କେଦା, ଏନାତେ ଇନିଃ ଦାଆଃ ଜାହାଜ୍ ହେପାଦ୍ତେ ରୁହାଡ଼୍ୟାନା, ଏନ୍ତେ ନୁହୁଁ ଆୟାଃ ତିଃଇ ଜିଲିଙ୍ଗ୍କେଦ୍ତେ ଦୁଦୁମୁଲ୍କେ ଦାଆଃ ଜାହାଜ୍ ଭିତାର୍ତେ ଇଦିକିୟା। ଏୟା ହୁଲାଙ୍ଗ୍ ଜାକେଦ୍ ତାଙ୍ଗିକେଦାଏ ଏନ୍ତେ ଦୁଦୁମୁଲ୍କେ ଆଡଃମିସା ଆଫିର୍କିୟାଏ। ଏନ୍ତେ ସିଙ୍ଗିହାସୁର୍ ଇମ୍ତା ଦୁଦୁମୁଲ୍ ରୁହାଡ଼୍ୟାନାଏ, ଓଡ଼ୋଃ ଇନିୟାଃ ଠର୍ରେ ଅଲିଭ୍ ଦାରୁରେୟାଃ ହାରିୟାର୍ ସାକାମ୍ ମିଆଦ୍ ତାଇକେନା, ଏନ୍ତେ ନୁହୁଁ ସାରିକେଦାଏ ଯେ ଅତେହେତେ ଦାଆଃ ଆଞ୍ଜେଦ୍କାନା। ଓଡ଼ୋଃ ଏୟା ମାହା ତାୟମ୍ତେ ଏନ୍ ଦୁଦୁମୁଲ୍କେ ଆଡଃଗି ଆଫିର୍କିୟାଃ, ଏନ୍ତେ ଇନିଃ ଓଡ଼ୋଃ ଜାହାଜ୍ତେ କାଏ ରୁହାଡ଼୍ୟାନା।
ନୁହୁଁରାଃ ������ ବାରାଷ୍ ହବାଅଃତାନ୍ ତାଇକେନ୍ ଇମ୍ତା, ପାହିଲା ମାହିଁନାରାଃ ପାହିଲା ହୁଲାଙ୍ଗ୍ରେ ଅତେହେତେ ଦାଆଃ ଆଞ୍ଜେଦ୍ କେଦ୍ତେ ରହଡ଼୍ୟାନା, ଇମ୍ତା ନୁହୁଁ ଜାହାଜ୍ରେୟାଃ ଦୁହାର୍କେ ନିଜ୍କେଦ୍ତେ ନେଲ୍କେଦାଏ, ଅତେଦ ରହଡ଼୍କାନା।
ଏନ୍ତେ ପାର୍ମେଶ୍ୱାର୍ ନୁହୁଁକେ କାଜିକିୟା, "ଆମ୍ ଆମାଃ କୁଡ଼ି, ଆମାଃ ହନ୍କଲଃ ଓଡ଼ୋଃ କିମିନ୍କଲଃ ଦାଆଃ ଜାହାଜ୍ଏତେ ଅଡଙ୍ଗ୍ଅଃପେ। ଆମାଃଲଃ ସବେନ୍ ଜାଁତୁ, ଚେଣେଁ, ଅତେରେ ରେଙ୍ଗାଅଃତାନ୍ ଜାଁତୁକ ଅଡଙ୍ଗ୍ଅଃପେ ଓଡ଼ୋଃ ଅତେରେ ପୁରାଃଗି ପସାଇଦିଅଃତାନ୍ଲଃ ପେରେଜଃପେ।"
ଏନ୍ତେ ପାର୍ମେଶ୍ୱାର୍ ନୁହୁଁ ଓଡ଼ୋଃ ନୁହୁଁରାଃ ହନ୍କକେ କାଜିକେଦ୍କଆଏ, "ଆଇଙ୍ଗ୍ ଆମାଃଲଃ ଓଡ଼ୋଃ ଆମାଃ କିଲି କଲଃ ମିଆଁଦ୍ ରାଜିନାମା ବାଇୟାଇଙ୍ଗ୍, ଆଡଃଗି ଆମାଃଲଃ ଦାଆଃ ଜାହାଜ୍ଏତେ ଅଡଙ୍ଗ୍ୟାନ୍ ସବେନ୍ ଜାଁତୁକଲଃ, ଆସୁଲ୍ ଜାଁତୁ, ବିର୍ରେନ୍ ଜାଁତୁ, ଚେଣେଁ, ଅତେରେନ୍ ସବେନ୍ ଜାଁତୁକଲଃ ରାଜିନାମା ବାଇୟାଇଙ୍ଗ୍। ଆଇଙ୍ଗ୍ ଆମାଃଲଃ ନେ ରାଜିନାମା ବାଇୟାଇଙ୍ଗ୍, ଆଇଙ୍ଗ୍ ସବେନ୍ ଜୀଉ ଜାଁତୁକକେ ଟୁଡା ଦାଆଃରେ କାଇଙ୍ଗ୍ ଜିଅନ୍କଆ ଓଡ଼ୋଃ ଚିଉଲାହ ଟୁଡା ଦାଆଃତେ ଅତେକେ କାଇଙ୍ଗ୍ ଜିଅନ୍ ରିକାୟା।"
ଆଇଙ୍ଗ୍ ରିମିଲ୍ରେ ଆଇଁୟାଃ ଏୟା ରାଙ୍ଗ୍ରାଃ ଧାନୁକେଇଙ୍ଗ୍ ଉଦୁବେୟା,ଏନା ଅତେଲଃ ଆଇଁୟାଃ ରାଜିନାମାରେୟାଃ ଚିହ୍ନା ହବାଅଆଃ।
ବିଶ୍ୱାସ୍ ହରାତେ ନୁହୁଁ ହିଜୁଃ ଦିପିଲିରେୟାଃ କା ନେଲଃତାନ୍ ବିଷାଏରେ ପାର୍ମେଶ୍ୱାର୍ଆଃ ଚେନେତାଅ କାଜି ଆୟୁମ୍ ଦାଡ଼ିକେନା । ଇନିଃ ପାର୍ମେଶ୍ୱାର୍ଆଃ ଆନାଚୁ ମାନାତିଙ୍ଗ୍କେଦ୍ତେ ମିଆଁଦ୍ ଜାହାଜ୍ ବାଇକେଦାଏ । ଏନାରେ ଆଇଃକ୍ ଆଡଃ ଆୟାଃ ଅଡ଼ାଃରେନ୍କ ବାଞ୍ଚାଅ ଦାଡ଼ିୟାନା । ଆଡଃ ଅତେଦିଶୁମ୍ରେନ୍ ହଡ଼କ ସାଜାଇକ ନାମ୍କେଦା, ମେନ୍ଦ ନୁହୁଁ ଆୟାଃ ବିଶ୍ୱାସ୍ ହରାତେ ଧାର୍ମାନ୍ରେୟାଃ ନାଲାଏ ନାମ୍କେଦା ।
ନୁହୁଁ ଲାଉକା ବାଇତାନ୍ ଇମ୍ତା ପାର୍ମେଶ୍ୱାର୍ ଧିରାଜ୍ ସାବ୍କେଦ୍ତେ ତାଙ୍ଗିତାନ୍ ତାଇକେନାଏ, ଇମ୍ତା ଅକନ୍ ହଡ଼କ ପାର୍ମେଶ୍ୱାର୍କେ କାକ ମାନାତିଙ୍ଗ୍ ତାଇକେନା, ଇନ୍କୁ ଏନ୍ ଆତ୍ମାକ ତାନ୍କ । ଏନ୍ ଦାଆଃ ଜାହାଜ୍ରେ ବଲକେଦ୍ତେ କାମ୍ତିଗି ହଡ଼, ଚାଏ ସବେନ୍ ମେସାକେଦ୍ତେ ଇରାଲିୟା ଝାନ୍ଗି ଟୁଡା ଦାଆଃହେତେ ବାଞ୍ଚାଅୟାନାକ । ଏନାଦ ଆପେୟାଃ ଜୀଉବାଞ୍ଚାଅ ହବାଅଃତାନ୍ ବାପ୍ତିସ୍ମାରେୟାଃ ଜନ୍କା ତାନାଃ । ନେ ବାପ୍ତିସ୍ମା ଆପେୟାଃ ହଡ଼୍ମରେୟାଃ ହୁମୁ କାଏ ସାଙ୍ଗିନେଆଁ, ମେନ୍ଦ ପାର୍ମେଶ୍ୱାର୍ତାଃରେ ବୁଗିନ୍ ବିବେକ୍ ନାମେ ନାଗେନ୍ତେ ବିନ୍ତି, ଆଡଃ ୟୀଶୁ ଖ୍ରୀଷ୍ଟ୍ଆଃ ଜୀଉବିନିରିଦ୍ ହରାତେ ଆପେୟାଃ ଜୀଉବାଞ୍ଚାଅ ହବାଅଃତାନା ଏନ୍ ୟୀଶୁ ଖ୍ରୀଷ୍ଟ୍ ସିର୍ମାତେ ରାକାବ୍ୟାନା ଆଡଃ ପାର୍ମେଶ୍ୱାର୍ଆଃ ଜମ୍ତିସାଃରେ ଦୁବାକାନା, ଆଡଃ ସିର୍ମାରେନ୍ ଦୁଁତ୍କ, ଆକ୍ତେୟାର୍ ନାମାକାଦ୍କ, ପେଡ଼େଃ ନାମାକାଦ୍କ ଇନିୟାଃ ଥାବର୍ରେ ମେନାକଆ ।
ଆଡଃ ନୁହୁଁରାଃ ପାରିୟାରେ ଜେ’ଲେକା ହବାୟାନା, ମାନୱାହନ୍ଆଃ ହୁଲାଙ୍ଗ୍ରେହଗି ଏନ୍ଲେକା ହବାଅଆଃ । ଟୁଡା ଦାଆଃ ହିଜୁଃ ସିଦାଏତେ ନୁହୁଁ ଲାଉକାରେ ଆଉରି ବଲ ଜାକେଦ୍ ହଡ଼କଦ ଜଜମ୍ ନୁଁ ଆଡଃ ଆଣ୍ଦିତାନ୍ ଆଡଃ ଆଣ୍ଦି ଏମ୍ତାନ୍ରେ ତାଇକେନାକ । ଆଡଃ ଟୁଡା ଦାଆଃ ହିଜୁଃକେଦ୍ତେ ସବେନ୍କକେ ଆଉରି ଆତୁଇଦି ଜାକେଦ୍ ଇନ୍କୁ ଜେତ୍ନାଃ କାକ ଆଟ୍କାରେ ତାଇକେନା, ଏନ୍ ଲେକାଗି ମାନୱାହନ୍ଆଃ ହିଜୁଃ ହୁଲାଙ୍ଗ୍ରେ ହବାଅଆଃ । ଇମ୍ତାଙ୍ଗ୍ ବାର୍ହଡ଼୍ ଲୟଙ୍ଗ୍ରେକିନ୍ କାମିକାତେରେ, ମିହୁଡ଼୍କେ ଇଦିୟଃଆ ଆଡଃ ମିହୁଡ଼୍କେ ବାଗିଅଃଆ । ଜାନ୍ତାଦିରିରେ ଗୁଣ୍ଡା ରିଦେତାନ୍ ବାରିଆ କୁଡ଼ିକିନ୍ଏତେ ମିଆଁଦ୍ନିଃକେ ଇଦିୟଃଆ, ଆଡଃ ଏଟାଃନିଃକେ ବାଗିଅଃଆ ।