Arca de noé
A arca de Noé é história de salvação e fidelidade. Deus instruiu Noé a construir a arca para salvar sua família e os animais do dilúvio — exemplo supremo de obediência e fé.
نَ كُي عَلَ نَشَ عَ مَسٍن نُهَ بّ، «ﭑ وَ مَ عَدَ مَ بِرِن تٌنفٌقٍ دُنِحَ مَ، بَرِ مَ دُنِحَ بَرَ كٌبِ عَ حَاشِ رَ. ﭑ وَ مَ عَدَ مَ بِرِن نُن دُنِحَ بِرِن كَنَقٍ. عَ لَنمَ عِ شَ كُنكُي بَنبَن وُرِ رَ، نَشَن شِلِ فٌقٍرِ. كٌنكٌي شَ لُ عَ كُي. دٌلٍ شَ سَ عَ كُي نُن عَ قَرِ. عِ شَ عَ يَءِلَن يِ كِ؛ عِ شَ كُنكُي رَكُيَ كَنكٍ يَ تٌنفٌ سٍننِ نُن سٌلٌقٍرٍ عَ نُن عَ تَفِ. عِ شَ عَ عِفبٌ كَنكٍ يَ قُ نُن كٍرٍن. عِ شَ عَ عِتٍ كَنكٍ يَ سٍننِ نُن عَ تَفِ. عِ شَ كُنكُي شُنيِ يَءِلَن، نْنفْن يَ كٍرٍن شَ لُ كُنكُي شُنيِ نُن كُنكُي دّ كِرِ تَفِ. عِ شَ نَادّ تِ عَ سّيتِ كٍرٍن مَ. عِ شَ عَ كُي رَبَفَن دْشْ سَشَن.»
عَلَتَلَ نَشَ عَ مَسٍن نُهَ بّ، «سٌ كُنكُي كُي، عِ تَن نُن عِ شَ دٍنبَيَ بِرِن، بَرِ مَ عِ تَن تِنشِنتْي نَن عِ رَ يِ وَشَتِ مِشِيٍ تَفِ.
نُهَ يٌ، عَ شَ فِنّ، عَ شَ دِيٍ نُن نٍيٍ قَن شَ فِنّيٍ، عٍ بِرِن نَشَ عٍ فِ يٍ مَ، عٍ سَ سٌ كُنكُي كُي. سُبٍ رَدَشَشِيٍ، سُبٍ رَهَرَ مُشِيٍ، شْنِيٍ، نُن بُبُسٍيٍ، عٍ بِرِن نَشَ سِفَ نُهَ شْن مَ كُنكُي كُي، شّمّيٍ نُن فِنّيٍ، عٍ سَ سٌ كُنكُي كُي عَلْ عَلَ نُهَ يَمَرِشِ كِ نَشّ.
شِ سٌلٌقٍرٍ دَنفِ شَنبِ، نَ بَنبَرَنيِ نَشَ دِن دُنِحَ مَ.
نِمَسٍ بِرِن، شّمّ نُن فِنّ، عٍ سٌشِ نّ كُنكُي كُي عَلْ عَلَ نُهَ يَمَرِشِ كِ نَشّ. نَ شَنبِ عَلَتَلَ نَشَ نَادّ بَلَن.
شِ تٌنفٌ نَانِ بَنبَرَنيِ تٍمَ. عَ نَشَ كُنكُي عِتٍ. يٍ تٌ فبٌ بْشِ مَ، كُنكُي نَشَ دْشْ يٍ قَرِ.
عَلَ نَشَ نِمَسٍ بِرِن بَ دُنِحَ مَ. نِمَسٍ بِرِن نَشَ قَشَ؛ عَدَ مَدِيٍ، شُرُ سٍيٍ، بُبُسٍيٍ، عَ نُن شْنِ نَشٍيٍ حّرّ مَ كٌورٍ مَ، قٌ نُهَ كٍرٍن، عَ نُن نَشٍيٍ نُ نَ عَ شُن مَ كُنكُي كُي.
لْشْ يٌ لْشْ قٌ ندٍ بَ يٍ رَ. شِ كّمّ شِ تٌنفٌ سُولِ كَمَلِ شَنبِ، ندٍ نَشَ بَ يٍ رَ كِ قَنيِ رَ. كِكٍ سٌلٌقٍرٍ، شِ قُ نُن سٌلٌقٍرٍ ندٍ، كُنكُي نَشَ دْشْ فٍيَيٍ قَرِ، فٍيَ نَشٍيٍ نَ عَرَرَتِ بْشِ مَ.
شِ تٌنفٌ نَانِ دَنفِ شَنبِ، نُهَ نَشَ وُندّرِ رَبِ نَشَن نَ كُنكُي مَ. عَ نَشَ شَشَ بّحِن، عَ نُ سِفَ، عَ نُ قَ، هَن يٍ نَشَ شُرُن. نَ شَنبِ عَ نَشَ فَنبّ بّحِن، عَ شَ كٌلٌن شَ يٍ بَرَ شْرِ. كْنْ نَ فَنبّ نَشَ يِرٍ مَتٌ، سَنتِدٍ مُ نَ، بَرِ مَ يٍ دِنشِ دُنِحَ بِرِن مَ. عَ نَشَ فبِلٍن نُهَ يِرٍ. نُهَ نَشَ فَنبّ تٌنفٌ، عَ عَ رَ سٌ كُنكُي كُي.
عَ نَشَ مَمّ تِ هَن شِ سٌلٌقٍرٍ، عَ مَن نَشَ فَنبّ بّحِن عَ قِرِن ندٍ. نُنمَرٍ، فَنبّ نَشَ فبِلٍن نُهَ يِرٍ، عٌلِوِ وُرِ حِنفِ سُشُشِ عَ دّكٌلٍ رَ. نَ كُي نُهَ نَشَ عَ كٌلٌن يٍ بَرَ بَ دُنِحَ مَ. عَ نَشَ مَمّ تِ شِ سٌلٌقٍرٍ. عَ نَشَ فَنبّ بّحِن عَ سَشَن ندٍ، كْنْ فَنبّ مُ فبِلٍن.
نُهَ شَ سِمَيَ تٌ سِفَ حّ كّمّ سٍننِ نُن حّ كٍرٍن، كِكٍ كٍرٍن، شِ كٍرٍن، بَنبَرَنيِ قَ حْن دُنِحَ مَ. نُهَ تٌ كُنكُي شُنيِ بَ نَا، عَ نَشَ عَ تٌ شَرٍ بَرَ مَبَ.
عَلَ نَشَ عَ مَسٍن نُهَ بّ، «وٌ مِنِ كُنكُي كُي، عِ تَن نُن عِ شَ فِنّ، عِ شَ دِيٍ نُن عٍ شَ فِنّيٍ. عِ شَ نِمَسٍ بِرِن نَمِنِ كُنكُي كُي؛ شْنِيٍ، سُبٍيٍ، بُبُسٍيٍ، عَلَكٌ عٍ شَ يِرِوَ، عٍ شَ وُيَ دُنِحَ مَ.»
نَ شَنبِ عَلَ نَشَ عَ مَسٍن نُهَ نُن عَ شَ دِيٍ بّ، «ﭑ بَرَ سَاتّ تٌنفٌ وٌ نُن وٌ شَ دِيٍ بّ، عَ نُن نِمَسٍ نَشَن بِرِن نُ نَ كُنكُي كُي؛ شْنِيٍ، شُرُ سٍيٍ، بُورُنيِ سُبٍيٍ، نِمَسٍ نَشَن بِرِن نَ دُنِحَ مَ. ﭑ بَرَ سَاتّ تٌنفٌ وٌ بّ، بَنبَرَنيِ تَن مُ نِي بِرِن بَمَ سْنْن، عَ مُ دُنِحَ بِرِن كَنَمَ قَ.»
سَاتّ تْنشُمَ نَن يَ، ﭑ سٍنكُي مَسٍنمَ نّ كٌورٍ مَ.
دَنشَنِيَ سَابُي رَ، نُهَ نَشَ كُنكُي بَنبَن عَلَكٌ عَ شَ دٍنبَيَ شَ كِسِ. عَلَ نُ بَرَ بَنبَرَنيِ شَ قٍ قَلَ عَ بّ بٍينُن عَ شَ دُنِحَ لِ. نُهَ نُ فَاشُ عَلَ يَ رَ. عَ شَ دَنشَنِيَ عَ مَسٍنمَ كِيتِ بَرَ كَنَ دُنِحَ بّ. نُهَ نَشَ تِنشِنيِ سْتْ كّ رَ عَ شَ دَنشَنِيَ سَابُي رَ.
عَلَ نُ نَ عٍ مَمّقٍ عَننَبِ نُهَ نُ كُنكُي بَنبَنمَ تّمُي نَشّ. مِشِ سٌلٌمَسَشَن فبَنسَن نَن كِسِ كُنكُي كُي يٍ مَ. نَ قٍ بَرَ قِندِ مِسَالِ رَ دَنشَنِيَتْي شُنشَ قٍ رَ، نَشَن مِشِ رَكِسِمَ يِ وَشَتِ عَلَ شَ مِشِ سُفَندِشِ عِسَ شَ مَرَكٍلِ سَابُي رَ. نَ شُنشَقٍ يٍ شْورَ، عَ مُ نْشْي بَمَ مِشِ قَتٍ، كْنْ عَ قِندِ مَ نَتّ تٌنفٌي نَن نَ عَلَ مَبِرِ. عِسَ بَرَ تٍ عَلَ يِرٍقَنيِ مَ عَرِيَننَ. مَلٍكّيٍ، حِننّيٍ، نُن سّنبّمَيٍ بِرِن نَ عَ شَ يَامَرِ بُن مَ.
عَدَ مَ شَ دِ قَ لْشْي لُمَ نّ عَلْ عَننَبِ نُهَ شَ وَشَتِ. بٍينُن نَ بَنبَرَنيِ بٍلٍبٍلٍ شَ دُنِحَ لِ، مِشِيٍ نُ عٍ دّفٍمَ، عٍ نُ عٍ مِنمَ، عٍ نُ فِنّيٍ دْشْمَ، عٍ نُ عٍ شَ دِيٍ قِمَ شّمّيٍ مَ، هَن عَننَبِ نُهَ سٌ كُنكُي كُي لْشْ نَشّ. عٍ مُ نُ كْنتْقِلِشِ قٍقٍ رَ، هَن بَنبَرَنيِ نَشَ عٍ لِ، عَ عٍ بِرِن شَنِن. عَدَ مَ شَ دِ قَقٍ قَن نَبَمَ نَ كِ نّ. شَ شّمّ قِرِن نَ شّ مَ نَ وَشَتِ، كٍرٍن تٌنفٌمَ نّ، بٌورٍ لُ نَا. شَ فِنّ قِرِن نَ سٍ دِنقٍ مُلُنيِ كٍرٍن كُي، كٍرٍن تٌنفٌمَ نّ، بٌورٍ لُ نَا.