Arca de noé

7 Ni mu imiinu, Nowa ayuhi makebisili ma Nzambi, mu mambu ma maakiivangama, ma baabeedi kini a baamoni ve. Nowa asiingili Nzambi na atuungi likuumbi li laafuuhisi nde na nzo a nde yoosi. Ni mu buuna mu imiinu, nde haabelisi toto yoosi yi nde haabyalili, na Nzambi amoni nde muutu wu akuha✝.

20 Ni mavupu ma maabisi usiingala nde mu taangu a tsikulu, ŋa Nzambi hakakeele na mukami, bilumbu bi Nowa hatungi likuumbi la nzali. Mwana a baatu pwombo baakoti hutso likuumbi mo liina na baafuuhi mu mamba. 21 Mamba mo maana aba ni ifwaani hya tondihili yi yili mu ufuuhasa benu taangu yi. Tondihili mo, a yili mu uswaha mbiindu a nyutu a benu ve. Ka ni mu usobo mbiili ŋa busu bwa Nzambi, mu matsimi ma maatsyeme. Tondihili yili mu ufuuhasa benu, mu tooni ati Yisu Kristo asuuhi mu babaakwa. 22 Nde wu ayeni hu yulu, na wu li ŋa mbahala a Nzambi, hu nde ali mu utuma bapofi, na bipfumu bikima, na matwala ma hu yulu.

37 Mambu ma maabwidi mu taangu a Nowa, sa mavyoho bumosi kaka we mu bilumbu bya nziili a Mwana a Muutu. 38 Mu mbuli, mu bilumbu bi byateehili nyamba, baatu baakadya na baakanywa, baakakwele na baakakwelese baana ba bo, natee mu ilumbu hi Nowa haakoti mutso likuumbi. 39 Na bo a baakayaaba li luuyiila bo ve, nyamba yaayidi na yaanyambisini bo boosi. Sa huba bumosi kaka mu ilumbu hya nziili a Mwana a Muutu. 40 Buuna, mu baatu boole ba buuba mu ngundu: mumosi sa babita, na mukima sa basiisa. 41 Bakaasu boole ba buuba mu unyiha mbutu mu inyihulu: mumosi sa babita, na mukima sa basiisa.